అమెరికాలో వింత వ్యాధి.. వేలల్లో పక్షుల మృతి, తలలు పట్టుకున్న సైంటిస్టులు

ఈ వ్యాధి మే నెలలోనే వెలుగులోకి వచ్చిందని, చనిపోయిన పక్షులను పరిశీలించినప్పుడు, వాటి కనురెప్పల వెనుక భాగంలో తెల్లటి క్రస్ట్ జమ అయినట్లు చెల్సియా జోన్స్ తెలిపారు.

ప్రధానాంశాలు: అమెరికాలో వింత వ్యాధివేలల్లో చనిపోతున్న పక్షులుకారణం అంతుబట్టక సైంటిస్టులకు టెన్షన్అమెరికాలోని తూర్పు ప్రాంతంలో ఓ వ్యాధి వేలాది పక్షుల ప్రాణాలను బలితీసుకుంటోంది. శాస్త్రవేత్తలు సైతం ఇప్పటివరకు ఈ వ్యాధిని గుర్తించలేకపోయారు. స్టార్లింగ్స్, బ్లూ జేస్, గ్రాకల్స్ వంటి అరుదైన పక్షులు చనిపోతున్న విధానాన్ని బట్టి ఇది పక్షుల అంటువ్యాధికి సంకేతంగా భావిస్తున్నారు. సాధారణంగా సాల్మొనెల్లా, క్లామిడియా బ్యాక్టీరియా సంక్రమణ వల్ల పక్షుల్లో ఇలాంటి మరణాలు సంభవిస్తుంటాయి. ఈసారి పక్షుల మరణానికి ఆ బ్యాక్టీరియా కారణం కాదని శాస్త్రవేత్తలు భావిస్తున్నారు.

Also Read: కిడ్నాపైన కొడుకు కోసం తండ్రి ఆరాటం.. 5లక్షల కి.మీ. ప్రయాణం, 24ఏళ్ల తర్వాత అరుదైన దృశ్యం

రెండు నెలల క్రితమే వర్జీనియా, వాషింగ్టన్, మేరీల్యాండ్ రాష్ట్రాల్లో ఈ అంతు తెలియని వ్యాధితో పక్షులు మరణించిన ఘటనలు వెలుగులోకి వచ్చాయి. తాజాగా కెంటుకీ, డెలావేర్, విస్కాన్సిన్ తదితర ప్రాంతాలకు ఈ వ్యాధి వ్యాపించింది. ఈ వింత వ్యాధితో చనిపోయిన పక్షుల కళేబరాలకు పెన్సిల్వేనియా విశ్వవిద్యాలయంలోని స్కూల్ ఆఫ్ వెటర్నరీ మెడిసిన్లో పోస్టుమార్టం జరుగుతోంది. దీనిపై పరిశోధనల్లో పాల్గొంటున్న టాక్సికాలజీ విభాగానికి చెందిన ప్రొఫెసర్ లిసా మర్ఫీ మాట్లాడుతూ.. పక్షుల మరణానికి ఇప్పటివరకు కారణం తెలియరాలేదని చెప్పారు.

Also Read: షాకింగ్.. రెండు శునకాలకు మరణశిక్ష విధించిన కోర్టు.. ఎందుకో తెలుసా?

యానిమల్ వెల్ఫేర్ లీగ్ ఆఫ్ ఆర్లింగ్టన్ ప్రతినిధి చెల్సియా జోన్స్ మాట్లాడుతూ.. పక్షుల మెదడులకు మరణాల మూలం అనుసంధానం అయివుందని చెప్పారు, ఈ వ్యాధి మే నెలలోన వెలుగులోకి వచ్చిందని, చనిపోయిన పక్షులను పరిశీలించినప్పుడు, వాటి కనురెప్పల వెనుక భాగంలో తెల్లటి క్రస్ట్ జమ అయినట్లు తేలిందన్నారు. ఈ కారణంతోనే పక్షులు కంటి చూపును కోల్పోయి దిశను నిర్ణయించలేక అయోమయంలో పడినట్లు గుర్తించామన్నారు. అలసట కారణంగా అవి ఎగరలేకపోయాయని తెలిపారు. మెదడుతో సంబంధం ఉన్న ఇలాంటి వ్యాధి పక్షులను బాధపెడుతుందని దీని ద్వారా స్పష్టమవుతోందని స్పష్టం చేశారు.

Also Read: రియల్ కుంభకర్ణుడు.. ఏడాదిలో 300 రోజులు నిద్రలోనే..

ఇప్పటివరకు తాము 300 పక్షులను దహనం చేసినట్లు చెల్సియా తెలిపారు. వ్యాధి ప్రభావం ఎక్కువగా ఉన్న ప్రాంతాల్లో సర్వే కొనసాగుతుందని, ఈ సందర్భంగా అధికారిక లెక్కల కంటే ఎన్నోరెట్లు పక్షలు మరణించినట్లు తెలుస్తోందన్నారు. చనిపోయిన పక్షులను వర్జీనియా డిపార్ట్‌మెంట్ ఆఫ్ వైల్డ్‌లైఫ్ రిసోర్స్‌కు పరీక్ష కోసం పంపించామని, ఈ సంస్థ జియోలాజికల్ సర్వే బృందం సాయంతో అమెరికాలో ఏ ప్రాంతాలలో ఈ వ్యాధి సంక్రమణ వ్యాపించిందో తెలుసుకునేందుకు ప్రయత్నాలు చేస్తోందన్నారు. మరోవైపు పక్షుల్లో ఇలాంటి అంతుబట్టని మరణాలు సంభవిస్తున్న ప్రాంతాల్లో ప్రజలు పక్షులతో సామాజిక దూరం పాటించాలని యూఎస్ జియోలాజికల్ సర్వే అధికారులు సూచిస్తున్నారు. ఈ వ్యాధి ఏంటో ఇంకా తెలియకపోవడంతో అప్పటివరకు ప్రజలు జాగ్రత్తలు పాటించాలని సూచించారు.

Leave a Reply

Your email address will not be published. Required fields are marked *

Next Post

మరీ అంత పచ్చి తాగుబోతా?.. ఇలియానాకు ఇష్టమైన ప్రదేశం అదేనట!

Wed Jul 14 , 2021
ఇలియానా గురించి తెలుగు ప్రేక్షకులకు ప్రత్యేకంగా చెప్పాల్సిన పనిలేదు. దేవదాస్ చిత్రంతో టాలీవుడ్ ఎంట్రీ ఇచ్చిన ఇలియానా.. మొదటి సినిమాతో అందరినీ కట్టపడేశారు. ఇక రెండో చిత్రం పోకిరితో ఇండస్ట్రీలో టాప్ హీరోయిన్‌గా ఎదిగారు.