నిశ్చితార్థం అయ్యాక అందంగా లేవన్న పెళ్లి కొడుకు.. చినికిచినికి.. దారుణం

నిశ్చితార్థం అయిపోయాక నువ్వు అందంగా లేవు.. పెళ్లి చేసుకోవడం ఇష్టం లేదని పెళ్లి కొడుకు తెగేసి చెప్పడంతో యువతి మనస్థాపానికి గురైంది. ఆ వ్యవహారం చినికిచినికి చివరికి దారుణాలకు దారితీసింది.

మరదలంటే ఇష్టమన్నాడు. పెళ్లి కూడా చేసుకుంటానన్నాడు. ఇరుకుటుంబాల పెద్దలు పెళ్లి చేయాలని నిర్ణయించుకున్నారు. నిశ్చితార్థం కూడా జరిగిపోయింది. తీరా పెళ్లి దగ్గరపడుతుండడంతో బావలోని మోసగాడు బయటికొచ్చాడు. నువ్వు అందంగా లేవు.. పెళ్లి చేసుకోనంటూ ప్లేటు ఫిరాయించాడు. అది తట్టుకోలేని మరదలు మనస్థాపానికి గురై ఆత్మహత్యాయత్నం చేసింది. ఆమె చావుబతుకుల్లో ఉంటే అదే అదనుగా మరో యువతితో పారిపోయాడు దుర్మార్గుడు. ఈ దారుణ ఘటన గుంటూరు జిల్లాలో జరిగింది.

బాపట్ల మండలం చినబేతపూడి గ్రామానికి చెందిన ఫ్రాన్సిస్ అనే యువకుడు అదే గ్రామానికి చెందిన మరదలు వరసయ్యే యువతిని ప్రేమ పేరుతో మాయమాటలు చెప్పాడు. పెళ్లి చేసుకుంటానని నమ్మించాడు. ఇరుకుటుంబాల పెద్దలు పెళ్లి చేసేందుకు నిర్ణయించారు. నిశ్చితార్థం కూడా జరిపించారు. పెళ్లి ఏర్పాట్లలో ఉండగా ప్రియుడు మరదలికి ఫ్రాన్సిస్ ఊహించని షాకిచ్చాడు. మరో యువతితో ప్రేమాయణం సాగిస్తున్న ఫ్రాన్సిస్.. పెళ్లి చేసుకోవడం ఇష్టం లేదని చెప్పడంతో మరదలు నిర్ఘాంతపోయింది.

నువ్వు అందంగా లేవు.. నిన్ను పెళ్లి చేసుకోనని తెగేసి చెప్పడంతో ఆమె తీవ్రమనస్థాపానికి గురైంది. పురుగుల మందు తాగి ఆత్మహత్యాయత్నం చేసింది. ఆమె పరిస్థితి విషమించడంతో ఆస్పత్రిలో చికిత్స పొందుతోంది. ప్రియుడి నిర్వాకానికి ఆగ్రహం చెందిన పెద్దలు గట్టిగా నిలదీయడంతో ఆమెనే పెళ్లి చేసుకుంటానని మళ్లీ మొదటికొచ్చాడు. తీరా యువతి కోసం బంధువులు, ఆమె కుటుంబ సభ్యులు ఆస్పత్రిలో ఉన్న సమయంలో అదను చూసి ఊరి నుంచి పారిపోయాడు.

తాను ప్రేమించిన మరో యువతిని తీసుకెళ్లి రహస్యంగా పెళ్లి చేసుకున్నాడు. ఆ విషయం తెలుసుకున్న మరదలి కుటుంబ సభ్యులు మోసం చేశాడంటూ పోలీస్ స్టేషన్‌లో కేసు పెట్టారు. ఆ కేసు ఉప సంహరించుకోవాలంటూ ఫ్రాన్సిస్ మరదలి కుటుంబ సభ్యులపై ఒత్తిడి తెచ్చాడు. అందుకు వారు ససేమిరా అనడంతో వారి ఇంటికి నిప్పుపెట్టాడు. ఇల్లు మంటల్లో కాలి బూడిదైంది. ప్రేమ పేరుతో మోసం చేసి.. ఇంటిని కూడా కాల్చి బూడిద చేశాడంటూ బాధితులు ఆరోపిస్తున్నారు. బాధితురాలి తల్లి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.

Also Read: F.I.R ఏది? ఆమె బంగారం ఏమైంది.? యువకుడి సూసైడ్ కేసులో అంతుచిక్కని మిస్టరీ

Leave a Reply

Your email address will not be published. Required fields are marked *

Next Post

పాపం, రోజా.. చూస్తే జాలేస్తోంది, పదవి రాలేదని.. రేవంత్ రెడ్డి సంచలన వ్యాఖ్యలు

Sat Jul 10 , 2021
వైసీపీ ఎమ్మెల్యే ఆర్కే రోజాపై తెలంగాణ పీసీసీ చీఫ్ రేవంత్ రెడ్డి తనదైన శైలిలో వ్యంగ్యాస్త్రాలు సంధించారు.