దళపతి విజయ్‌కు ఊహించని షాక్.. ఆ పని చేయనందుకు భారీ జరిమానా

తమిళ స్టార్ హీరో, దళపతి విజయ్‌కి మద్రాస్ హైకోర్టు భారీ జరిమానా విధించింది. విదేశాల నుంచి దిగుమతి చేసుకున్న ఆయన లగ్జరీ కారుకు నాయస్థానం ఫైన్ వేసింది. ఈ కారుకు సంబంధించిన పన్ను కట్టని కారణంగా ఈ పన్ను విధిస్తున్నట్లు కోర్టు వెల్లడించింది.

ఇళయదళపతి విజయ్‌కి తమిళ ఇండస్ట్రీలోనే కాదు.. దక్షిన సినీ పరిశ్రమల్లో భారీ క్రేజ్ ఉంది. ఆయన సినిమా విడుదల అవుతుందంటే చాలు థియేటర్ల వద్ద పండుగ వాతావరణం నెలకొంటోంది. సినిమా ఎలా ఉన్న సరే విజయ్ తన యాక్టింగ్‌తో ప్రేక్షకులకు కావాల్సినంత వినోదాన్ని పంచుతుంటారు. అందుకే ఆయన సినిమా చూస్తూ ప్రేక్షకులు ఎంతో ఎంజాయ్ చేస్తారు. ఈ ఏడాది లోకేశ్ కనకరాజు దర్శకత్వంలో.. విజయ్ సేతుపతి ప్రతినాయకుడి పాత్రలో ‘మాస్టర్’ సినిమాతో భారీ సక్సెస్‌ని అందుకున్నారు విజయ్.

ప్రస్తుతం ఆయన సన్ పిక్చర్స్ బ్యానర్‌పై కళానిధి మారన్ రూపొందిస్తున్న ‘బీస్ట్’ అనే సినిమాలో నటిస్తున్నారు. కొద్ది రోజుల క్రితం విడుదలైన ఈ సినిమా పోస్టర్ ప్రేక్షకులను విశేషంగా ఆకట్టుకుంది. నెల్సన్ దిలీప్ కుమార్ ఈ సినిమాను డైరెక్ట్ చేస్తుండగా.. అనిరుధ్ రవిచందర్ సంగీతం అందిస్తున్నారు. 2022లో ఈ సినిమా విడుదల కానుంది. అయితే అసలు విషయానికొస్తే.. తాజాగా మద్రాస్ హైకోర్టు విజయ్‌కి ఊహించని షాక్ ఇచ్చింది. ఇంగ్లండ్ నుంచి దిగుమతి చేసుకున్న ఆయన లగ్జరీ కారు రోల్స్‌ రాయిస్‌ ఘోస్ట్‌ కేసులో ఆయనకు భారీ జరిమానా విధించింది.

ఈ కారుక పన్ను కట్టనందుకు గాను రూ.లక్ష జరిమానా విధిస్తున్నట్లు కోర్టు తీర్పు వెలువరించింది. దాదాపు రూ. 7.95కోట్ల విలువైన ఈ రోల్స్‌ రాయిస్‌ ఘోస్ట్‌ కారుకు పన్ను మినహాయింపు కోరుతూ విజయ్‌ హైకోర్టును ఆశ్రయించగా.. ఆ పిటిషన్‌ను న్యాయమూర్తి జస్టిస్‌ ఎస్‌ఎం సుబ్రమణియన్‌ కొట్టివేశారు. సినిమాల్లో అవినీతికి వ్యతిరేకంగా ఉండే హీరో పాత్రల్లో నటించే వాళ్లు నిజ జీవితంలో ఇలా పన్నులు చెల్లించకపోవడం చాలా దారుణం అని న్యాయమూర్తి అన్నారు. ప్రజలు హీరోలను ఆదర్శంగా తీసుకుంటారు అని.. అందుకోసం వాళ్లు చాలా నిజాయితీగా ఉండటం అవసరం అని ఆయన పేర్కొన్నారు. రూ.లక్ష జరిమానాను రెండు వారాల్లోగా ముఖ్యమంత్రి కొవిడ్‌ సహాయ నిధికి చెల్లించాలని ఆదేశించారు. పన్ను చెల్లించడం ప్రతీ పౌరుడి విధి అని ఆయన స్పష్టం చేశారు.

Leave a Reply

Your email address will not be published. Required fields are marked *

Next Post

రియల్‌మీ బుక్ ధర లీక్.. ఫీచర్లు కూడా.. లాంచ్ త్వరలోనే!

Tue Jul 13 , 2021
ప్రముఖ స్మార్ట్ ఫోన్ బ్రాండ్ రియల్‌మీ తన కొత్త ల్యాప్‌టాప్‌ను త్వరలో లాంచ్ చేయనున్న సంగతి తెలిసిందే. దీని ధర, స్పెసిఫికేషన్లు ఇప్పుడు ఆన్‌లైన్‌లో లీకయ్యాయి.