Virat Kohliని వెనక్కి పిలిచిన రహానె.. రిప్లైలో ఊహించని ట్విస్ట్

లీడ్స్ టెస్టులో విరాట్ కోహ్లీకి లైఫ్ వచ్చినా.. నిమిషాల వ్యవధిలోనే వికెట్ చేజార్చుకున్నాడు. ఆఫ్ స్టంప్‌కి వెలుపలగా వెళ్లే బంతిని వెంటాడి స్లిప్‌లో జో రూట్ చేతికి కోహ్లీ చిక్కాడు.

ప్రధానాంశాలు:లీడ్స్ టెస్టులో హాఫ్ సెంచరీ బాదిన కోహ్లీలైఫ్ వచ్చిన నిమిషాల్లోనే మళ్లీ ఔట్కోహ్లీని సమయస్ఫూర్తితో వెనక్కి పిలిచిన రహానెరిప్లైలో అంపైర్ తప్పిదం వెలుగులోకి ఇంగ్లాండ్‌తో లీడ్స్ వేదికగా జరుగుతున్న మూడో టెస్టులో భారత కెప్టెన్ విరాట్ కోహ్లీకి ఊహించని విధంగా జీవనదానం లభించింది. మ్యాచ్‌లో నాలుగో రోజైన శనివారం ఓవర్‌ నైట్ వ్యక్తిగత స్కోరు 45తో బ్యాటింగ్ కొనసాగించిన విరాట్ కోహ్లీ (55: 125 బంతుల్లో 8×4) హాఫ్ సెంచరీ తర్వాత ఔటైపోయాడు. ఫాస్ట్ బౌలర్ ఓలీ రాబిన్సన్ ఆఫ్ స్టంప్‌కి వెలుపలగా విసిరిన బంతిని వెంటాడిన కోహ్లీ మరోసారి స్లిప్‌లో జో రూట్ చేతికి చిక్కాడు.

వాస్తవానికి ఈరోజు హాఫ్ సెంచరీ ముంగిట విరాట్ కోహ్లీ‌‌‌ని ఫీల్డ్ అంపైర్ ఔట్‌గా ప్రకటించాడు. ఫాస్ట్ బౌలర్ జేమ్స్ అండర్సన్ బౌలింగ్‌లో కవర్ డ్రైవ్ కోసం విరాట్ కోహ్లీ ప్రయత్నించగా.. బ్యాట్‌కి అత్యంత సమీపంలో వెళ్లిన బంతి నేరుగా వెళ్లి కీపర్ జోస్ బట్లర్ చేతుల్లో పడింది. దాంతో.. క్యాచ్ ఔట్ కోసం ఇంగ్లాండ్ అప్పీల్ చేయగా.. ఫీల్డ్ అంపైర్ వేలెత్తేశాడు. కోహ్లీ కూడా తాను ఔట్ అనుకుని పెవిలియన్ వైపు రెండు అడుగులు వేశాడు. కానీ.. నాన్‌స్ట్రైక్ ఎండ్‌లోని అజింక్య రహానె వెనక్కి పిలిచి.. రివ్యూ కోరమని సూచించాడు.

రహానె సూచన మేరకు విరాట్ కోహ్లీ రివ్యూ కోరాడు. రిప్లైలో బ్యాట్‌కి సమీపంలో బంతి వెళ్లినప్పటికీ.. బ్యాట్‌కి తాకలేదని తేలింది. అయితే.. అదే సమయంలో కోహ్లీ బ్యాట్ అతని ఫ్యాడ్‌కి తాకి ఓ సౌండ్ వచ్చినట్లు కూడా రిప్లైలో తేలింది. దాంతో.. ఫీల్డ్ అంపైర్ కూడా ఆ సౌండ్ బ్యాట్‌కి బంతి తాకడంతోనే వచ్చిందని భ్రమపడి ఔట్ ఇచ్చినట్లు తెలుస్తోంది. రిప్లై తర్వాత ఫీల్డ్ అంపైర్ తన ఔట్ నిర్ణయాన్ని మార్చుకోగా.. ఆ తర్వాత బౌండరీతో హాఫ్ సెంచరీ పూర్తి చేసుకున్న కోహ్లీ.. ఆ వెంటనే వికెట్ చేజార్చుకున్నాడు.

Leave a Reply

Your email address will not be published. Required fields are marked *

Next Post

IND vs ENG: లీడ్స్‌ టెస్టులో భారత్ ఓటమి.. సిరీస్‌ని 1-1తో సమం చేసిన ఇంగ్లాండ్

Sat Aug 28 , 2021
ఇటీవల లార్డ్స్ టెస్టులో 151 పరుగుల తేడాతో గెలుపొందిన భారత్ జట్టు.. ఈరోజు లీడ్స్ టెస్టులో అనూహ్యంగా ఇన్నింగ్స్ 76 పరుగుల తేడాతో పేలవంగా ఓడిపోయింది. దాంతో.. సిరీస్ 1-1తో సమమైంది.