IND vs ENG: రోహిత్ శర్మ ఔట్‌పై నెటిజన్లు మండిపాటు.. రూల్స్ మార్చాలని డిమాండ్

లీడ్స్ టెస్టులో రోహిత్ శర్మ మంచి ఊపుమీద కనిపించాడు. కానీ.. ఇంగ్లాండ్‌కి చెందిన ఫీల్డ్ అంపైర్ ఏమరపాటు నిర్ణయం కారణంగా వికెట్ చేజార్చుకున్నాడు. రివ్యూకి వెళ్లినా..

ప్రధానాంశాలు:రోహిత్ శర్మ ఔట్‌పై రాజుకున్న వివాదంరూల్స్ మార్చాలని మండిపడుతున్న నెటిజన్లుతటస్థ అంపైర్ల కోసం డిమాండ్లీడ్స్‌ టెస్టులో హిట్‌మ్యాన్ హాఫ్ సెంచరీఇంగ్లాండ్‌తో లీడ్స్ వేదికగా జరుగుతున్న మూడో టెస్టులో టీమిండియా స్టార్ ఓపెనర్ రోహిత్ శర్మ‌ని ఔట్ అని ప్రకటించిన తీరుపై నెటిజన్లు తీవ్ర స్థాయిలో విమర్శలు గుప్పిస్తున్నారు. ఇన్నింగ్స్ 48వ ఓవర్ వేసిన ఫాస్ట్ బౌలర్ ఓలీ రాబిన్సన్ బౌలింగ్‌లో బంతిని లెగ్ సైడ్ ప్లిక్ చేసేందుకు రోహిత్ శర్మ (59: 156 బంతుల్లో 7×4, 1×6) ప్రయత్నించాడు. కానీ.. బ్యాట్‌కి దొరకని బంతి నేరుగా వెళ్లి ఫ్యాడ్‌ని తాకగా.. ఎల్బీడబ్ల్యూ ఔట్ కోసం ఇంగ్లాండ్ టీమ్ అప్పీల్ చేసింది. దాంతో.. ఫీల్డ్ అంపైర్ వేలెత్తేశాడు.

కానీ.. బంతి లెగ్ స్టంప్‌కి దూరంగా వెళ్తోందని సైగ చేసిన రోహిత్ శర్మ.. నాన్‌స్ట్రైక్ ఎండ్‌లోని సహచర బ్యాట్స్‌మెన్ చతేశ్వర్ పుజారా‌ ఒపీనియన్ తీసుకుని రివ్యూ కోరాడు. రిప్లైలో ఆఫ్ స్టంప్‌ లైన్‌పై పడిన బంతి లెగ్‌ స్టంప్‌ని కొద్దిగా తాకుతూ వెళ్లేలా కనిపించింది. దాంతో.. అంపైర్స్ కాల్ పడటంతో.. ఫీల్డ్ అంపైర్ తన మునుపటి ఔట్ నిర్ణయానికే కట్టుబడ్డాడు. లెగ్ స్టంప్‌ని బంతి కేవలం3-5% మాత్రమే తాకుతూ కనిపించింది. అయినప్పటికీ.. అంపైర్ కాల్ పడటంపై నెటిజన్లు మండిపడుతూ రూల్స్ మార్చాలని డిమాండ్ చేస్తున్నారు.

శుక్రవారం ఇంగ్లాండ్ టీమ్‌ని 432 పరుగులకి తొలి ఇన్నింగ్స్‌లో ఆలౌట్ చేసిన భారత్ జట్టు.. అనంతరం రెండో ఇన్నింగ్స్‌లో నిన్న ఆట ముగిసే సమయానికి 215/2తో నిలిచింది. క్రీజులో చతేశ్వర్ పుజారా (91 బ్యాటింగ్: 180 బంతుల్లో 15×4), కెప్టెన్ విరాట్ కోహ్లీ (45 బ్యాటింగ్: 94 బంతుల్లో 6×4) ఉన్నారు. అయినప్పటికీ.. భారత్ జట్టు ఇంకా 139 పరుగులు వెనుకబడి ఉంది. తొలి ఇన్నింగ్స్‌లో భారత్ జట్టు గత బుధవారం 78 పరుగులకే ఆలౌటైన విషయం తెలిసిందే.

Leave a Reply

Your email address will not be published. Required fields are marked *

Next Post

ఏపీకి భారీ వర్ష సూచన.. ఈ జిల్లాలకు అధికారుల అలర్ట్

Sat Aug 28 , 2021
శని, ఆదివారాల్లో ఉరుములు, మెరుపులతో తేలికపాటి నుంచి మోస్తరు వర్షాలు విస్తారంగా కురుస్తాయని వాతావరణశాఖ అధికారులు తెలిపారు. శుక్రవారం చాలా చోట్ల ఒక మోస్తరు నుంచి భారీ వర్షాలు కురిశాయి.