Rohit Sharmaకి పోటీగా టీ20 కెప్టెన్ రేసులో మరో బ్యాట్స్‌మెన్.. గవాస్కర్ సపోర్ట్

టీ20 కెప్టెన్‌గా రోహిత్ శర్మ ఎంపిక లాంఛనమేనని ఊహాగానాలు వినిపిస్తుండగా.. అనూహ్యంగా కేఎల్ రాహుల్ పేరుని సునీల్ గవాస్కర్ తెరపైకి తెచ్చాడు. ఐపీఎల్‌లో కెప్టెన్‌గా నిరూపించుకున్న రాహుల్…

ప్రధానాంశాలు:టీ20 కెప్టెన్సీ నుంచి తప్పుకున్న విరాట్ కోహ్లీకెప్టెన్సీ రేసులో ముందున్న రోహిత్ శర్మకేెఎల్ రాహుల్ పేరుని ప్రతిపాదించిన గవాస్కర్టీ20 వరల్డ్‌కప్ తర్వాతే నిర్ణయంవిరాట్ కోహ్లీ టీ20 కెప్టెన్సీ నుంచి వైదొలగబోతున్నట్లు ప్రకటించగానే.. తర్వాత కెప్టెన్ ఎవరు..? అనే చర్చ ఆసక్తికరంగా జరుగుతోంది. యూఏఈ, ఒమన్ వేదికగా అక్టోబరు 17 నుంచి నవంబరు 14 వరకూ టీ20 వరల్డ్‌కప్ జరగనుండగా.. ఈ మెగా టోర్నీ ముగిసిన తర్వాత టీ20 కెప్టెన్సీ నుంచి తప్పుకోనున్నట్లు కోహ్లీ ప్రకటించాడు. దాంతో.. తర్వాత కెప్టెన్ రోహిత్ శర్మ అని ఊహాగానాలు వినిపిస్తుండగా.. దిగ్గజ క్రికెటర్ సునీల్ గవాస్కర్ అనూహ్యంగా మరో ఓపెనర్ కేఎల్ రాహుల్ పేరుని తెరపైకి తెచ్చాడు.

వాస్తవానికి టీ20ల్లో రోహిత్ శర్మకి మెరుగైన రికార్డ్ ఉంది. కెప్టెన్‌గా ఇప్పటికే 19 టీ20 మ్యాచ్‌ల్లో టీమిండియాని నడిపించిన హిట్‌మ్యాన్.. ఐపీఎల్‌లోనూ ముంబయి ఇండియన్స్ టీమ్‌కి ఐదు టైటిల్స్ అందించాడు. దాంతో.. అతనికే టీ20 పగ్గాలు ఇవ్వాలనే డిమాండ్ పెద్ద ఎత్తున వినిపిస్తోంది. కానీ.. 34 ఏళ్ల రోహిత్ శర్మ‌కి ఇప్పుడు టీ20 కెప్టెన్సీ ఇవ్వడం కంటే.. 29 ఏళ్ల కేఎల్ రాహుల్‌ చేతికి పగ్గాలు ఇవ్వడం మంచి ఐడియా అనే అభిప్రాయాలు వినిపిస్తున్నాయి. కెప్టెన్‌గా ఇప్పటికే ఐపీఎల్‌లో పంజాబ్ కింగ్స్‌ని కేఎల్ రాహుల్ సమర్థంగా నడిపిస్తున్న విషయం తెలిసిందే.

‘‘కొత్త కెప్టెన్‌ని తయారు చేసుకోవాలనుకుంటే.. కేఎల్ రాహుల్‌కి అవకాశం ఇవ్వండి. అతను చక్కగా ఆడుతున్నాడు. ఇటీవల ఇంగ్లాండ్ గడ్డపైనా సెంచరీతో మెరుగైన బ్యాటింగ్ ప్రదర్శన కనబర్చాడు. అలానే ఐపీఎల్, వన్డేల్లోనూ నిలకడగా రాణిస్తున్నాడు. ఐపీఎల్‌లో కెప్టెన్సీని అతను భారంగా భావించడం లేదు. ఇంకా చెప్పాలంటే.. ఆ కెప్టెన్సీ రాహుల్ బ్యాటింగ్‌పై ఏమాత్రం ప్రభావం చూపడం లేదు. కాబట్టి.. కెప్టెన్సీ విషయంలో అతని పేరుని కూడా పరిశీలనలోకి తీసుకోండి’’ అని గవాస్కర్ సూచించాడు.

Leave a Reply

Your email address will not be published. Required fields are marked *

Next Post

హాట్ బ్యూటీని టార్గెట్ చేసి‌న ఈడీ.. జాక్వెలిన్ వ్యవహారాలపై కన్నేసిన ఆఫీసర్స్! 200 కోట్ల స్కామ్..

Fri Sep 17 , 2021
బాలీవుడ్ నటి జాక్వెలిన్ ఫెర్నాండెజ్‌ను మనీ లాండరింగ్, దోపిడీ కేసులో ఎన్‌ఫోర్స్‌మెంట్ డైరెక్టరేట్ (ED) మరోసారి విచారణకు పిలవడం హాట్ టాపిక్ అయింది. ఈ కేసు విషయమై సెప్టెంబర్ 25న ఈడీ ముందు హాజరు కావాలని ఆమెకు నోటీసులు అందాయట.