Kathi Mahesh Death: కత్తి మహేష్ కన్నుమూత.. ఇండస్ట్రీలో విషాదం

మూవీ క్రిటిక్ మహేష్ కత్తి కన్నుమూశారు. చెన్నై ఆసుపత్రిలో చికిత్స పొందుతూ శనివారం సాయంత్రం ఆయన తుదిశ్వాస విడిచారు. కత్తి మహేష్ మరణంతో ఇండస్ట్రీలో విషాదం నెలకొంది.

ప్రముఖ నటుడు, ఫిల్మ్ క్రిటిక్ మహేష్ కత్తి కన్నుమూశారు. నెల్లూరులో జరిగిన రోడ్డు ప్రమాదంలో తీవ్రగాయాలపై చెన్నై ఆసుపత్రిలో చికిత్స పొందుతున్న కత్తి మహేష్.. కొద్ది సేపటి క్రితం తుదిశ్వాస విడిచారు. కత్తి మహేష్ మృతికి సోషల్ మీడియా ద్వారా కొంత మంది సినీ ప్రముఖులు సంతాపం తెలియజేశారు.

జూన్ 26 తెల్లవారుజామున ఆయన ప్రయాణిస్తున్న ఇన్నోవా కారు నెల్లూరు జిల్లా కొడవలూరు హైవే వద్ద లారీని ఢీకొట్టడంతో భారీ ప్రమాదం జరిగింది. ఈ యాక్సిడెంట్‌లో కత్తి మహేష్ సీటు బెల్టు పెట్టుకోకపోవడం వల్ల తలతో పాటు కన్నుకి బలమైన గాయాలు అయ్యాయి. అయితే అత్యవసర చికిత్స కోసం చెన్నై ఆసుపత్రికి తరలించగా.. శనివారం సాయంత్రం ఆయన చికిత్స పొందుతూ మరణించారు.

అయితే నుదటి ఎముకతో పాటు.. కంటికి శస్త్ర చికిత్సలు పూర్తికాగా.. త్వరలోనే కత్తి మహేష్ కోలుకుంటాడని ఆయన సన్నిహితులు తెలియజేశారు. శుక్రవారం నాడు కూడా కత్తి మహేష్ ఆరోగ్యపరిస్థితి బాగానే ఉందని.. వైద్యానికి బాగానే సహకరించడంతో వెంటిలేటర్‌ని కూడా తొలగించారని.. అయితే సడెన్‌గా ఆయన కండిషన్ సీరియస్ అయ్యిందని కత్తి మహేష్ మామయ్య కొన్ని వివరాలను తెలియజేశారు. కత్తి మహేష్ కోలుకుని తిరిగి వస్తాడని నిన్నటి వరకూ ఆయన సన్నిహితులు తెలియజేయగా.. అకస్మాత్తుగా కత్తి మహేష్ చనిపోయారన్న వార్త అందరినీ ఆశ్చర్యానికి, దిగ్భ్రాంతికి గురిచేస్తోంది.

Leave a Reply

Your email address will not be published. Required fields are marked *

Next Post

ఒకే ఫ్రేమ్‌లో ముగ్గురు విలక్షణ నటులు.. పోస్టరే ఇలా ఉందంటే.. సినిమా ఎలా ఉంటుందో..?

Sat Jul 10 , 2021
వేర్వేరు ఇండస్ట్రీలకు చెందిన ముగ్గురు విలక్షణ నటుడు ఒకే సినిమాలో నటిస్తే.. ఆ సినిమా ఏ రేంజ్‌లో ఉంటుందో మనందరికి తెలిసిన విషయమే. ఆ సినిమానే ‘విక్రమ్’. యూనివర్సల్ హీరో కమల్ హాసన్, మలయాళ స్టార్ ఫహద్ ఫాజిల్, సెన్సేషల్ నటుడు విజయ్ సేతుపతి కలిసి నటిస్తోన్న సినిమా ఇదీ..