సినీ రంగంపై సర్కారు వివక్ష చూపుతోంది.. ‘మహా’ ప్రభుత్వంపై కంగనా సంచలన కామెంట్స్

నటి కంగనా రనౌత్ చేసే కామెంట్స్ చాలాసార్లు వివాదాస్పదమయ్యాయి. ఆమె సినిమాలతో ఎంత పాపులర్ అయ్యారో కాంట్రవర్సీలతో కూడా అంతే పాపులారిటీ తెచ్చుకున్నారు. తాజాగా మహారాష్ట్ర ప్రభుత్వంపై సంచలన వ్యాఖ్యలు చేశారు కంగనా.

బాలీవుడ్ హాట్ బ్యూటీ కంగనా రనౌత్ గురించి కొత్తగా పరిచయం చేయాల్సిన అవసరం లేదు. ఒకప్పుడు తన గ్లామర్ షోతో ప్రేక్షకులను కట్టిపడేసిన ఆమె.. ఈ మధ్యకాలంలో సినిమాలు బాగా తగ్గించారు. తనకు నచ్చే విధంగా స్క్రిప్ట్‌లు లేకపోవడమో.. ఇతర కారణాల వల్ల ఆమెకు సినిమాలు బాగా తగ్గిపోయాయి. అయితే ప్రస్తుతం సినీ పరిశ్రమలో బయోపిక్‌ల జోరు కొనసాగుతున్న సంగతి తెలిసిందే. ఇప్పటికే పలువురు ప్రముఖుల బయోపిక్‌లు రూపొంది బ్లాక్‌బస్టర్ హిట్లుగా నిలిచాయి. ఇక జాతీయస్థాయిలో త్వరలో ప్రేక్షకుల ముందుకు రానున్న సినిమా ‘తలైవి’. దివంగత తమిళనాడు ముఖ్యమంత్రి జయలలిత జీవిత చరిత్ర ఆధారంగా తెరకెక్కించిన ఈ మూవీలో కంగనా రనౌత్ లీడ్ రోల్ పోషిస్తున్నారు.

అయితే వినాయక చవితి కానుక ఈ సినిమా విడుదలై ఫర్వాలేదు అనిపించింది. ఇక సినిమాల విషయం పక్కన పెడితే.. సోషల్‌మీడియాలో కంగనా చేసే కామెంట్స్ కూడా వైరల్ అవుతుంటాయి. బెంగాల్ ఎన్నికల ఫలితాల సమయంలో ఆమె చేసిన వ్యాఖ్యలు వివాదాస్పదంగా ఉండటంతో ప్రముఖ సోషల్‌మీడియా సంస్థ ట్విట్టర్ ఏకంగా ఆమె ఖాతానే తొలగించింది. అయినా కూడా కంగనా.. తన తీరు మార్చుకోలేదు. తాజాగా మహారాష్ట్ర సర్కారుపై ఆమె పలు వివాదాస్పద వ్యాఖ్యలు చేశారు. కరోనా సెకండ్ వేవ్ ఉధృతి కాస్త తగ్గడంతో.. దేశ వ్యాప్తంగా అన్ని కార్యకలపాలు యధావిధిగా సాగుతున్నాయి. దాదాపు అన్ని రాష్ట్రాల్లో సినిమా థియేటర్లు తెరుచుకున్నాయి.

కానీ, మహారాష్ట్ర ప్రభుత్వం మాత్రం థియేటర్లు తెరచేందుకు అనుమతి ఇవ్వకపోవడం బాధకరమని కంగనా అన్నారు. సినీ రంగంపై రాష్ట్ర ప్రభుత్వం వివక్ష చూపుతుంది అంటూ ఆమె ఆగ్రహం వ్యక్తం చేశారు. మహా ప్రభుత్వం థియేటర్లు తెరిచేందుకు అనుమతి ఇవ్వకపోవడంతో విడుదలకు సిద్ధంగా ఉన్న చాలా సినిమాల నిర్మాతలు ఇబ్బందులు ఎదురుకుంటున్నారని ఆమె పేర్కొన్నారు. థియేటర్లు తెర‌వ‌డానికి ఒప్పుకోకుండా వాటిని పూర్తిగా మూసేయాలని ఆ రాష్ట్ర స‌ర్కారు భావిస్తోంద‌ని ఆమె ఆరోపించారు. మహారాష్ట్ర ప్రభుత్వం ఇంత వివక్ష చూపుతున్నా.. సినిమా పెద్దలు ఈ విషయంపై మాట్లాడకపోవడం భాధకరమని ఆమె తెలిపారు.

Leave a Reply

Your email address will not be published. Required fields are marked *

Next Post

మంత్రులను రాజీనామా చేయాలనడంతో అలా.. అచ్చెన్నాయుడు సంచలన వ్యాఖ్యలు

Sun Sep 19 , 2021
అధికార పక్షం సృష్టించిన అరాచకానికి,అడ్డంకుల మూలంగా ప్రతిపక్షం అనేక చోట్ల నామినేషన్స్ కూడా వేయలేక పోయిందననారు. మెజారిటీ స్థానాల్లో ఏకగ్రీవం చేసుకొనేందుకు అక్రమకేసులు బనాయిస్తూ భయబ్రాంతులకు గురిచేశారన్నారు.