వైకల్యాన్ని జయించిన వీరుడు ఆయన.. ఆ వార్త ఎంతో బాధ మిగిల్చింది: జీవిత రాజశేఖర్

టాలీవుడ్ నటుడు పొట్టి వీరయ్య పార్ధీవ దేహానికి నివాళులు అర్పించిన జీవిత రాజశేఖర్ దంపతులు ఆయనతో ఉన్న జ్ఞాపకాలు నెమరు వేసుకుంటూ ఎమోషనల్ అయ్యారు.

పొట్టి వీరయ్యగా ప్రేక్షకులకు ఎంతగానో ఆకట్టుకున్న పొట్టి వీరయ్య మరణ వార్త తెలిసి చాలా బాధ పడ్డామని జీవిత రాజశేఖర్ దంపతులు పేర్కొన్నారు. ఆదివారం రోజు పొట్టి వీరయ్య గుండెపోటుతో కన్నుమూసిన సంగతి తెలిసిందే. ఆయన మరణ వార్త తెలిసి ఇప్పటికే చిరంజీవి, ఉదయ భాను సహా పలువురు సినీ ప్రముఖులు సంతాపం తెలపగా.. జీవిత రాజశేఖర్ దంపతులు సోమవారం ఆయన పార్ధీవ దేహానికి నివాళులు అర్పించి వీరయ్యతో తమకున్న అనుబంధాన్ని గుర్తు చేసుకున్నారు.

జీవిత రాజశేఖర్ దంపతులు మాట్లాడుతూ.. ''అగ్ర హీరోలందరితోనూ నటించిన వీరయ్య.. మా తోనూ ఎన్నో సినిమాల్లో నటించారు. వైకల్యాన్ని జయించిన వీరుడు వీరయ్య. సినిమాల్లో తనకంటూ ప్రత్యేక గుర్తింపు సంపాదించుకున్నారు. మూవీ ఆర్టిస్ట్ అసోసియేషన్ (మా) జనరల్ బాడీ మీటింగ్స్ అయినా, అవార్డు ఫంక్షన్స్ అయినా.. ఇలా ఏ కార్యక్రమానికి పిలిచినా తప్పకుండా హాజరయ్యేవారు. మేం పరిశ్రమలోకి వచ్చినప్పటి నుంచి ఇప్పటివరకు పరిశ్రమలో ఉన్న వ్యక్తి ఆయన. ఎప్పుడూ నవ్వుతూ, నవ్విస్తూ అందరికీ అందుబాటులో ఉన్నారు. ఆయన మరణ వార్త ఎంతో బాధ మిగిల్చింది. ఆ కుటుంబానికి వీలైనంత సహాయం చేయాలని భావిస్తున్నాం" అన్నారు.
సెలబ్రిటీలకు షాక్ ఇచ్చిన ‘మాల్దీవ్స్’ సర్కార్.. ఇప్పుడేం చేస్తారంటూ నెటిజన్ల సెటైర్లు
తెలంగాణలోని సూర్యాపేట జిల్లాలోని ఫానిగిరి గ్రామానికి చెందిన గట్టు వీరయ్య చిన్నప్పటి నుంచే రంగస్థల క‌ళాకారుడు. సినీరంగంలో ద‌శాబ్ధాల పాటు ఆయ‌న సేవ‌లందించిన ఆయన దాదాపు 300కి పైగా తెలుగు సినిమాల్లో నటించారు. ఆయన మరణం టాలీవుడ్ లోకంలో విషాదం నింపింది.

Leave a Reply

Your email address will not be published. Required fields are marked *

Next Post

ఇక పల్లెల్లోనే వర్క్ ఫ్రం హోం, అన్‌లిమిటెడ్ ఇంటర్నెట్.. ల్యాప్‌ట్యాప్స్ పంపిణీ అప్పుడే.. సీఎం జగన్ సంచలనం

Mon Apr 26 , 2021
కరోనా వైరస్ మహమ్మారి అల్లకల్లోలం రేపుతున్న తరుణంలో వర్క్ ఫ్రం హోం, ఇంటర్నెట్‌కు సంబంధించి ముఖ్యమంత్రి వైఎస్ జగన్మోహన్ రెడ్డి కీలక ఆదేశాలు జారీ చేశారు.