YS Jagan‘ఏలూరు రోడ్డులోని ఆ ఇంట్లో మంత్రి లావాదేవీలు.. ఫుటేజ్ బయటకొస్తే..’ జనసేన సంచలన వ్యాఖ్యలు

ఆంధ్రప్రదేశ్ దేవాదాయశాఖ మంత్రి వెల్లంపల్లి శ్రీనివాస్‌ను తరచూ టార్గెట్ చేసే జనసేన పార్టీ.. తాజాగా, ఆయనపై పలు అనుమానాలు వ్యక్తం చేస్తూ ఆరోపణలు గుప్పించింది.

ప్రధానాంశాలు:మంత్రి వెల్లంపల్లి అవినీతి పాల్పడ్డారని ఆరోపణలు.దేవాదాయ భూములు చౌవగ్గా కొట్టేయడానికి ప్లాన్.అవినీతిపై చర్యలు తీసుకోవాలని జనసేన డిమాండ్.దేవాదాయ భూములను ఆ శాఖ మంత్రే దోచుకుంటున్నారని జనసేన నేత పోతిన వెంకట మహేశ్ ఆరోపించారు. తన అనుచరులతో ఒక టీంను ఏర్పాటు చేసి దేవుడి భూములు కాజేస్తున్నారని, ఇందులో తాడేపల్లి ప్యాలెస్, సజ్జలకి వాటా కూడా ఉందా? అని ప్రశ్నిస్తున్నామని అన్నారు. రూ.1,000 కోట్లు దోచుకున్న మంత్రి వెల్లంపల్లి శ్రీనివాస్‌పై ఎందుకు చర్యలు తీసుకోవడం లేదని, వాటాలు పుచ్చుకుని కాపాడుతున్నారనే అనుమానాలు ఉన్నాయని పేర్కొన్నారు. డిజటలైజేషన్ కాదు… దోచుకునే ప్రక్రియకు శ్రీకారం చుట్టారని ధ్వజమెత్తారు.

జక్కంపూడిలో ఉన్న 5.50 ఎకరాల దేవాదాయ భూమి రూ. పది కోట్లు పలుకుతుంటే.. ఈ స్థలం రూ. కోటికి కొట్టేయాలని మంత్రి ఓఎస్డీ అశోక్ మంత్రాంగం నడిపారని ఆరోపించారు. రూ. 8 కోట్ల విలువైన మరో భవంతిని కోటిన్నరకు కొట్టేయాలని ప్లాన్ వేశారన్నారు. రూ. 18కోట్ల ఆస్తులను మంత్రికి తెలియకుండా కొట్టేయగలరా? దేవాదాయ శాఖ భూమికి ఎన్ఓసీ ఎలా ఇస్తారు? ఆ శాఖ మంత్రిగా దేవుడి భూములు, ఆస్తులు కాపాడటం మీ బాధ్యత కాదా? అని పోతిన మహేశ్ ప్రశ్నించారు.

మీ కోటరీలో ఉన్న బుజ్జి, కొనకళ్లతో పాటు ఓఎస్డీ అశోక్‌కి వాటా ఇచ్చారా? మీ ప్రమేయం లేకపోతే ఆయనపై కేసు ఎందుకు పెట్టలేదు అని మండిపడ్డారు. ‘మంత్రి దగ్గర ఉన్నవారు వేలల్లో దోచుకుంటే బయటకి పంపుతారు.. లక్షలు, కోట్లలో దోచుకుంటే ప్రమోషన్లు ఇస్తారు.. దుర్గగుడి గత ఈఓ సురేష్ బాబు, సిబ్బంది విషయంలో ఇదే జరిగింది’ అని అన్నారు.

ఈ వివాదంలో పీఆర్వోను తొలగించిన మంత్రి.. ఓఎస్డీని మాతృ సంస్థకి సరెండర్ చేస్తారా? అని ప్రశ్నించారు. పోలీసు శాఖను కూడా మంత్రి వెల్లంపల్లి తప్పుదోవ పట్టించారని దుయ్యబట్టారు. డబ్బులు ఇచ్చుకునే వ్యవహారమంతా ఏలూరు రోడ్‌లో జరిగింది. సీసీ కెమెరాలను పోలీసులు పరిశీలిస్తే వాస్తవాలు వెలుగులోకి వస్తాయన్నారు. ప్రముఖ న్యాయ సలహాదారు నివాసంలో ఈ ఏడాది మార్చి 23న లావాదేవీలు జరిగాయని, ఈ ఫుటేజీ తీస్తే ఎవరు దొంగలో తేలుతుంది అని ఉద్ఘాటించారు.

‘దొంగ ఫిర్యాదులు ఇచ్చి పీఆర్వోని మాత్రమే బలి చేశారు. కాశీరావ్, ఓఎస్డీ అశోక్‌ను పోలీసు స్టైల్‌లో విచారించాలి.. మంత్రి వెల్లంపల్లి పేషీలోనే ఈ కుట్ర మొత్తం ప్రారంభమైంది.. బుజ్జి, విద్యాధరరావుల ప్రమేయం లేకుండా ఓఎస్డీతో అంత డీల్ చేయిస్తారా?.. పోలీసు అధికారులు పూర్తి స్థాయిలో దర్యాప్తు చేయాలి.. అన్ని ఆలయాలకు సీసీ కెమేరాలు పెట్టడం కాదు.. మంత్రి కార్యాలయంలో ఫుటేజీని బయటకు తీయండి’ అని డిమాండ్ చేశారు.

‘శ్రీనివాస్‌ను సస్పెండ్ చేసి.. స్థలం యజమానులను భయ పెట్టాలని చూశారు… అసలు దోషులను తప్పించడానికి మధ్యవర్తిగా ఉన్న వ్యక్తి ని మాత్రమే సస్పెండ్ చేస్తారా? ఓసీలకు అండగా ఉంటున్న మంత్రి బీసీలను బలి చేస్తారా? నిజాయితీ అధికారిగా ఉన్న సీపీ బత్తిన శ్రీనివాస్ ఈ కేసుపై దృష్టి పెట్టాలని కోరుతున్నాం’ అన్నారు.

Leave a Reply

Your email address will not be published. Required fields are marked *

Next Post

కేటీఆర్‌ని ఇరికించిన రేవంత్.. సీఎం కేసీఆర్‌ను టార్గెట్‌ చేస్తూ కొత్త సవాల్

Mon Sep 20 , 2021
అధికార, ప్రతిపక్ష పార్టీల మధ్య సవాళ్లలో మరో మలుపు చోటుచేసుకుంది. కేటీఆర్ చేసిన లై డిటెక్టర్ పరీక్షకు సిద్ధమని చెబుతూనే సీఎం కేసీఆర్‌ని సీన్‌లోకి లాగారు. దీంతో ఇరు పార్టీల మధ్య సవాళ్ల పర్వం మరోస్థాయికి చేరింది.