ఆలుగడ్డలతో పాలు.. ఎలా తయారుచేస్తున్నారో తెలుసా..

స్వీడన్​ దేశానికి చెందిన ప్రముఖ కంపెనీ అయిన ‘Veg of Lund’ ఆలూ పాలను ‘DUG’ అనే బ్రాండ్​ పేరుతో ఉత్పత్తి చేయడం ప్రారంభించిన తర్వాత ఈ రకం పాలు అందరి దృష్టిని ఆకర్షించాయి. వెజ్​ ఆఫ్​ లండ్​ CEO అయిన థామస్​ ఓలాండర్ ఓ ఇంటర్వ్యూలో మాట్లాడుతూ… ఈ ఆలూ పాలు అనేవి చాలా నిలకడగా ఉన్నాయని పేర్కొన్నారు.

ప్రధానాంశాలు:పాలకి ఎన్నో ప్రత్యామ్నాయాలుబంగాళాదుంపతోనూ తయారవుతున్న పాలుపాలు అనేవి మనం తరుచూ తీసుకునే పదార్థం. పాలు తీసుకోవడం వలన అనేక ఆరోగ్య ప్రయోజనాలు ఉంటాయి. కానీ సంప్రదాయబద్ధంగా పాలు కేవలం ఆవుల నుంచి మాత్రమే రావడంతో పాలకు మార్కెట్లో చాలా డిమాండ్ ఏర్పడింది. ఈ డిమాండ్ ను దృష్టిలో ఉంచుకుని కొంత మంది కేటుగాళ్లు నకిలీ పాలను తీసుకురావడం మొదలుపెట్టారు. ఇలా నకిలీ పాలను తీసుకోవడం వలన అనేక అనారోగ్య సమస్యలను ఎదుర్కోవాల్సి వస్తుందని డాక్టర్లు హెచ్చరిస్తున్నారు. కావున పాలకు ప్రత్యామ్నాయం కనుక్కునేందుకు చాలా మంది చాలా రకాలుగా ప్రయత్నాలు మొదలుపెట్టారు. ఈ ప్రయత్నాల ఫలితం వల్లే పాలను ఆవులతో ఎటువంటి సంబంధం లేకుండా ఉత్పత్తి చేయడం ప్రారంభించారు. ఇలా ఉత్పత్తి అయిన పాలు అచ్చం గేదె/ఆవు పాల వలె ఉంటాయి. అంతే కాకుండా పాలలో ఉండే చెక్కెర కారకాలు కూడా ఇలా గేదెల సాయం లేకుండా ఉత్పత్తి చేసిన పాలలో లేకపోవడం గమనార్హం.
ఉదయాన్నే ఈ నూనెతో తలపై మసాజ్ చేస్తే చాలా మంచిదట..
ఇలా గేదెలతో సంబంధం లేకుండా ఉత్పత్తి చేసే పాలలో ఆలూ పాలు ఒక రకం. ఈ ఆలూ పాలలో గ్లుటెన్, సోయా, షుగర్ లేకుండా ఉండడం వలన ఆరోగ్యానికి మేలు చేస్తాయి. అంతే కాకుండా ఈ పాలు రుచిలో కూడా అచ్చం గేదె పాల మాదిరిగా ఉండడంతో అనేక మంది ఈ పాలను ఉపయోగిస్తున్నారు. ఈ పాలు డెయిరీల నుంచి వచ్చే పాలకు మంచి ప్రత్యామ్నాయం అని పలువురు పోషకాహార నిపుణులు సూచిస్తున్నారు. కావున ఈ ఆలూ పాలను ట్రై చేయడం ఆరోగ్యానికి ఎటువంటి హానిని కలిగించదని న్యూట్రీషియనిస్టులు తెలిపారు.

మనలో చాలా మంది పాలను తమ ఆహారంలో భాగంగా తీసుకుంటూ ఉంటారు. ఆవు, గేదె పాలను చాలా కాలంగా టీ, కాఫీ వంటి పానీయాలు చేసుకుని తాగేందుకు అందరూ ఉపయోగిస్తున్నారు. పలు రకాల తీపి పదార్థాలను కూడా పాలతో చేసుకుని తింటారు. పాలతో చాలా రకాలైన ఆహార పదార్థాలు తయారు చేస్తారు. కానీ ప్రస్తుతం ఆవు, గేదె పాలు మాత్రమే కాకుండా వాటికి ప్రత్యామ్నాయాలు కూడా వచ్చాయి. ఇక్కడ ఇంకో విషయం గురించి మనం జాగ్రత్తగా ఆలోచించాల్సి ఉంటుంది. కొంత మందికి ఆవు, గేదె పాలు తీసుకోవడం వలన అలర్జీ వంటి ఆరోగ్య సమస్యలు కూడా వస్తాయి. అందుకే అటువంటి వారు ఆవు, గేదె పాలను తీసుకోవడానికి ఇష్టపడరు. అలాంటి వారికి ప్రస్తుతం ఆవు, గేదె పాలు మాత్రమే కాకుండా అనేక రకాల పాలు అందుబాటులోకి వచ్చాయి. సోయా పాలు, బాదాం పాలు, ఓట్స్ నుంచి తయారైన పాలు, జీడి పప్పు పాలు, ఆలూ పాలవంటి అనేక రకాల ప్రత్యామ్నాయాలు అందుబాటులోకి వచ్చాయి. కావున ఆవు, గేదె పాలు పడని వారు సులభంగా ఈ పాలను తీసుకోవడం వలన ఆరోగ్యంగా ఉండవచ్చు.
భార్య కంటే ఫ్రెండ్‌తో ఎక్కువగా క్లోజ్‌గా ఉంటే.. తప్పా..
ఈ రకం పాలు అందరి దృష్టిని ఆకర్షించాయి. ఈ ఆలూ పాలు అనేవి చాలా నిలకడగా ఉన్నాయని పేర్కొన్నారు. అంతే కాకుండా వేరే రకం పాలు లీటర్ తయారు చేసేందుకు పట్టే ముడి పదార్థాల కన్నా ఈ ఆలూ పాలు తయారు చేసేందుకు అవసరమయ్యే ముడి పదార్థాలు చాలా తక్కువగా ఉన్నట్లు తెలిపారు. ఓట్స్ తో తయారయ్యే పాలతో పోల్చుకుంటే సగం కన్నా తక్కువ భూమి ఈ ఆలూ పాలు తయారు చేసేందుకు అవసరమవుతున్నట్లు పేర్కొన్నారు.

ఏదేమైనప్పటికీ ఇలా కృతిమ పద్ధతిలో తయారు చేసిన పాలను తీసుకోవడం ఆరోగ్యానికి మంచిదేనా? అని చాలా మందిలో సందేహం కలుగుతుంది. దీనికి సమాధానంగా ప్రముఖ న్యూట్రిషనిస్ట్ మాట్లాడుతూ… ఇలా ఆలూ పాలను తయారు చేయడం ఇదే మొదటి సారి కాదని, కెనడా మరియు అమెరికాల్లో 2015 నుంచే ఈ పాలను ఉత్పత్తి చేస్తున్నారని న్యూట్రీషియనిస్ట్ వివరించారు.

అంతే కాకుండా న్యూట్రీషియనిస్ట్ మరో విషయాన్ని కూడా వివరించారు. ప్రస్తుతం మన దేశంలో ఆవు, గేదె పాల కొరత ఏర్పడుతుందని కావున ఆలూ పాలు సరైన ప్రత్యామ్నాయం అని పేర్కొన్నారు. జనాలు డెయిరీ రహిత పాలను ఉపయోగించడం మొదలు పెట్టాలని సూచించారు. ఇలా ప్రజలు డెయిరీ పాలకు ప్రత్యామ్నాయం ఉపయోగించేందుకు ఆలూ పాల తయారీ విధానం చాలా బాగా ఉపయోగపడుతుందని వివరించారు. ఇది మాత్రమే కాకుండా ఆలూ పాలు సోయా ఫ్రీ, షుగర్ ఫ్రీ కావడం కూడా కలిసొచ్చే ఆంశమని తెలిపారు. ఈ ఆలూ పాలు డెయిరీ పాలకు మంచి ప్రత్యామ్నాయంగా ఉపయోగపడతాయని పేర్కొన్నారు. ఇవి రుచిలో కూడా డెయిరీ పాలలాగే ఉంటాయని తెలిపారు.

అసలు ఆలూ పాలను ఎలా తయారు చేస్తారు?

చాలా మందిలో అసలు ఆలూ పాలను ఎలా తయారు చేస్తారనే సందేహం ఉంటుంది. ఈ ఆలూ పాలను తయారు చేసేందుకు ఆరోగ్యకరంగా ఉన్న బంగాళదుంపలను వినియోగిస్తారు. వీటిని పరిశుభ్రమైన నీటిలో వేడి చేసి ఉడకబెడతారు. అధికంగా ఉడికిన తర్వాత ఇందులో ఉన్న పోషకాలు ఫైబర్ వంటి పదార్థాలు కరిగిపోతాయి. తరువాత ఇలా ఉడకబెట్టడం ద్వారా ఏర్పడిన మిశ్రమానికి అవసరమైన మినరల్స్ ను కలుపుతారని న్యూట్రీషియనిస్ట్ వివరించారు.

ఆలూ పాల వలన కలిగే ఆరోగ్య ప్రయోజనాలు…

అసలు ఈ ఆలూ పాలను తీసుకోవడం ఆరోగ్యానికి మంచిదేనా? అని చాలా మందిలో అనుమానం కలుగుతుంది. న్యూట్రిషనిస్ట్ ఈ ప్రశ్నకు కూడా సమాధానం చెప్పారు. ఈ ఆలూ పాలల్లో D విటమిన్, B12 విటమిన్ అధికంగా ఉంటుందని వివరించారు. అవి వేరే రకాల విటమిన్లయిన A, C, D, E మరియు K విటమిన్లతో కలిసి మన ఆరోగ్యానికి ప్రయోజనం చేకూరుస్తాయి. ఈ పాలల్లో కాల్షియం మరియు ఐరన్ కూడా అధిక మొత్తంలో ఉంటుందని న్యూట్రిషనిస్ట్ వివరించారు. కావున ఈ పాలను తీసుకోవడం మంచిదే అనే అభిప్రాయాన్ని వ్యక్తం చేశారు.

“ఈ ఆలూ పాలను తయారు చేసేందుకు చాలా తక్కువ మొత్తంలో భూమి, నీరు అవసరమవుతాయి. కావున ఈ పాలు ఉత్పత్తి అయ్యే సమయంలో పర్యావరణానికి ఎటువంటి ప్రమాదం ఉండదు.

అన్ని రకాలుగా అందుబాటులో ఉన్న ఈ ఆలూ పాలను తీసుకునే ముందు కొన్ని రకాల జాగ్రత్తలు పాటించాలని వైద్యులు సూచిస్తున్నారు. కానీ గుండె జబ్బులు, బీపీ, హైపర్ టెన్షన్ లాంటి సమస్యలు ఉన్న వారు ఈ పాలను తీసుకోవడం గురించి ఇంత వరకు ఎటువంటి పరిశోధనలు రాలేదని న్యూట్రీషియనిస్ట్ వివరించారు. ఇలా అన్ని రకాలుగా అందుబాటులో ఉన్న ఆలూ పాలను వినియోగించడం వలన బహిరంగ మార్కెట్ లో పాల కొరతను అధిగమించవచ్చు. నకిలీల బారినుంచి మనల్ని, మన పిల్లల్ని కాపాడుకోవచ్చు. కానీ ఆలూ పాలను తరుచూ వినియోగించే ముందు మన వ్యక్తిగత డాక్టర్ ను సంప్రదించడం చాలా మంచి విషయం. మీ ఆరోగ్యానికి ఈ రకం పాలు సరిపోతాయో? లేదో ఆయనే వివరిస్తారు.
ఈ టైమ్‌కి కాఫీ తాగుతున్నారా.. అయితే జాగ్రత్త..
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Leave a Reply

Your email address will not be published. Required fields are marked *

Next Post

అలోవేరా జెల్ ఆ సమస్యలని కూడా దూరం చేస్తుందా..

Mon Aug 23 , 2021
మనలో చాలా మందికి అలోవేరా (కలబంద) గురించి తెలిసే ఉంటుంది. ఈ అలోవేరా మొక్కల వలన అనేక రకాల ప్రయోజనాలు కలుగుతాయని చాలా మంది చెబుతారు. అసలు అలోవేరాను వాడడం వలన కలిగే ప్రయోజనాల మాట వాస్తవమేనా? లేక కల్పితమా? అనేది ఇప్పుడు తెలుసుకుందాం.