Kohli ఎందుకు తొందరపడ్డావ్..? ఒకవేళ టీ20 వరల్డ్‌కప్ గెలిస్తే: ఇర్ఫాన్ పఠాన్

టీ20 వరల్డ్‌కప్ ముంగిట విరాట్ కోహ్లీ అనూహ్య నిర్ణయం తీసుకున్నాడు. టీ20 కెప్టెన్‌గా టీ20 వరల్డ్‌కప్ తనకి ఆఖరిదని చెప్పుకొచ్చిన కోహ్లీ.. ఆపై బ్యాట్స్‌మెన్‌గా మాత్రమే కొనసాగుతానని స్పష్టం చేశాడు. కానీ..?

ప్రధానాంశాలు:టీ20 కెప్టెన్సీకి విరాట్ కోహ్లీ గుడ్ బైటీ20 వరల్డ్‌కప్‌ తనకి ఆఖరిదని ప్రకటనప్రపంచకప్ వరకూ ఆగి ఉండాల్సిందన్న పఠాన్భారత్‌కి వరల్డ్‌కప్ అందిస్తాడని ధీమాటీ20 వరల్డ్‌కప్ తర్వాత టీ20 కెప్టెన్సీ నుంచి వైదొలగబోతున్నట్లు విరాట్ కోహ్లీ ప్రకటించడంపై భిన్నాభిప్రాయాలు వ్యక్తమవుతున్నాయి. మూడు ఫార్మాట్లలోనూ కెప్టెన్‌గా ఉంటుండటంతో పనిభారం పెరిగిందని చెప్పుకొచ్చిన విరాట్ కోహ్లీ.. టీ20ల్లో బ్యాట్స్‌మెన్‌గా మాత్రమే కొనసాగుతానని స్పష్టం చేశాడు. కానీ.. టీ20 వరల్డ్‌కప్ ముగిసిన తర్వాత విరాట్ కోహ్లీ నిర్ణయం తీసుకుని ఉండాల్సిందని భారత మాజీ ఫాస్ట్ బౌలర్ ఇర్ఫాన్ పఠాన్ అభిప్రాయపడ్డాడు. యూఏఈ, ఒమన్ వేదికగా అక్టోబరు 17 నుంచి నవంబరు 14 వరకూ టీ20 వరల్డ్‌కప్ జరగనుంది.

‘‘విరాట్ కోహ్లీ ఈ సమయంలో టీ20 కెప్టెన్సీ నుంచి వైదొలగుతున్నట్లు నిర్ణయం తీసుకోవడం నన్ను ఆశ్చర్యపరిచింది. సాధారణంగా ఇలాంటి నిర్ణయాలు టోర్నీలు ముగిసిన తర్వాత తీసుకుంటూ ఉంటారు. ఒకవేళ టీ20 వరల్డ్‌కప్‌లో భారత్ జట్టు విజేతగా నిలిస్తే అప్పుడు ఏం జరుగుతుంది..? విరాట్ కోహ్లీ గొప్ప నాయకుడు. టెస్టు క్రికెట్‌లో మనం అతని సామర్థ్యం ఏంటో చూశాం. నిజమే.. ఐసీసీ టోర్నీల్లో భారత్ జట్టుని ఇప్పటి వరకూ అతను విజేతగా నిలపలేకపోయాడు. అయినప్పటికీ.. ఇలాంటి నిర్ణయం తీసుకోవడం ఎవరికీ అంత సులువు కాదు. రాబోవు టీ20 వరల్డ్‌కప్‌లో భారత్ జట్టుని విజేతగా నిలపవడం ద్వారా.. అతను తనదైన శైలిలో కెప్టెన్సీకి గుడ్ బై చెప్తాడు’’ అని ఇర్ఫాన్ పఠాన్ ధీమా వ్యక్తం చేశాడు.

భారత్ టీ20 జట్టు కెప్టెన్సీ రేసులో రోహిత్ శర్మ ముందు వరుసలో ఉన్నాడు. విరాట్ కోహ్లీకి విశ్రాంతినిచ్చిన సమయంలో జట్టుని కెప్టెన్‌గా నడిపిస్తూ వచ్చిన రోహిత్ శర్మ.. ఇప్పటి వరకూ 19 టీ20 మ్యాచ్‌లకి సారథ్యం వహించాడు. ఈ నేపథ్యంలో.. రోహిత్ శర్మనే కెప్టెన్ అవడం లాంఛనంగానే కనిపిస్తోంది. 2018లో శ్రీలంక గడ్డపై జరిగిన నిదహాస్ ట్రోఫీలోనూ కెప్టెన్‌గా భారత్ జట్టుని రోహిత్ శర్మ విజేతగా నిలిపిన విషయం తెలిసిందే.

Leave a Reply

Your email address will not be published. Required fields are marked *

Next Post

Rohit Sharmaకి పోటీగా టీ20 కెప్టెన్ రేసులో మరో బ్యాట్స్‌మెన్.. గవాస్కర్ సపోర్ట్

Fri Sep 17 , 2021
టీ20 కెప్టెన్‌గా రోహిత్ శర్మ ఎంపిక లాంఛనమేనని ఊహాగానాలు వినిపిస్తుండగా.. అనూహ్యంగా కేఎల్ రాహుల్ పేరుని సునీల్ గవాస్కర్ తెరపైకి తెచ్చాడు. ఐపీఎల్‌లో కెప్టెన్‌గా నిరూపించుకున్న రాహుల్...