నా నెల జీతం రూ. 3,08,992.. గొప్ప పని కోసం ఇచ్చేస్తున్నా: ఐపీఎస్ సునీల్ మంచి మనసు.. హ్యాట్సాఫ్!

ఐపీఎస్ అధికారి పీవీ సునీల్ కుమార్ మంచి మనసు చాటుకున్నారు. ఉచిత వ్యాక్సిన్ కోసం ఒక నెల జీతం విరాళం ప్రకటించారు.

ఆంధ్రప్రదేశ్ సీఐడీ అడిషనల్ డీజీపీ, ఐపీఎస్ పీవీ సునీల్ సునీల్ కుమార్ గొప్ప మనసు చాటుకున్నారు. ఆంధ్రప్రదేశ్‌లో ప్రస్తుతం నెలకొన్న గడ్డు పరిస్థితుల నుంచి బయటపడేందుకు తన వంతు సాయం చేశారు. రాష్ట్ర ప్రజలకు కరోనా వ్యాక్సిన్ ఉచితంగా అందించేందుకు గాను తన వంతుగా ఒక నెల జీతం 3,08,992 రూపాయిలను ముఖ్యమంత్రి వైఎస్ జగన్మోహన్ రెడ్డి ఆధ్వర్యంలోని రాష్ట్ర ప్రభుత్వానికి విరాళంగా ప్రకటించారు. ఈ మేరకు ఐపీఎస్ సునీల్ కుమార్ ట్వీట్ చేశారు.

‘‘రాష్ట్రంలోని ఓ సామాన్య పౌరుడిగా, నా సామాజిక బాధ్యతను గుర్తెరిగి ఓ గొప్ప కార్యక్రమం కోసం నా నెల జీతాన్ని విరాళంగా ఇస్తున్నాను. నా ఒక్క నెల మొత్తం జీతం (గ్రాస్) రూ. 3,08,992 ప్రభుత్వానికి. ఈ గొప్ప కార్యక్రమంలో భాగస్వాముడిని అయినందుకు గర్వంగా ఉంది’’ అని పీవీ సునీల్ కుమార్ ట్వీట్ చేశారు.
కాగా, గతంలో హత్యకు గురైన బ్యూటీషియన్ శిరీష కూతురి చదువు భాద్యతలు కూడా ఐపీఎస్ సునీల్ కుమారే చూస్తున్నారు. అలాగే కృష్ణా జిల్లా కూచిపూడిలో ఆస్పత్రి నిర్మాణానికి లక్ష రూపాయలు విరాళంగా ఇచ్చారు. ఇలా, సామాజిక సేవా కార్యక్రమాల్లో ఐపీఎస్ సునీల్ కుమార్ ఎప్పుడూ ముందుంటారు.

కాగా, ఆంధ్రప్రదేశ్‌లో 18 సంవత్సరాలు దాటిన ప్రతి ఒక్కరికీ కరోనా వైరస్ వ్యాక్సిన్ ఉచితంగా ఇవ్వనున్నట్లు ముఖ్యమంత్రి వైఎస్ జగన్మోహన్ రెడ్డి ప్రకటించిన విషయం తెలిసిందే. మే 1వ తేదీ నుంచి 18 సంవత్సరాలు దాటిన అందరికీ ఉచితంగా కరోనా వ్యాక్సిన్‌ ఇవ్వనున్నట్లు వెల్లడించారు. ప్రభుత్వ ఖర్చుతోనే రాష్ట్ర ప్రజలకు ఉచితంగా వ్యాక్సిన్‌ ఇవ్వాలని ముఖ్యమంత్రి వైఎస్‌ జగన్‌మోహన్‌రెడ్డి నిర్ణయించారు. ఈ గొప్ప కార్యక్రమానికి మద్దతుగా పలువురు విరాళాలు ప్రకటిస్తున్నారు. ఇందులో భాగంగానే ఐపీఎస్ సునీల్ కుమార్ సైతం తన నెల జీతం విరాళం ఇచ్చారు.

Leave a Reply

Your email address will not be published. Required fields are marked *

Next Post

కరోనా టైమ్‌లో ప్రభుత్వం కీలక నిర్ణయం.. వారి అకౌంట్లలోకి రూ.5 వేలు!

Sun Apr 25 , 2021
కరోనా కేసులు భారీగా పరిగిపోతున్న నేపథ్యంలో ఢిల్లీ ప్రభుత్వం మళ్లీ లాక్ డౌన్‌ను వారం రోజులు పొడిగించింది. ఈనేపథ్యంలో కార్మికులు ఇబ్బందులు పడకుండా ఉండేందుకు వారికి రూ.5 వేలు అందిస్తోంది.