డల్లాస్‌లో ఘనంగా స్వాతంత్ర్య దినోత్సవ వేడుకలు

డల్లాస్‌లో 75వ భారత స్వాతంత్ర్య దినోత్సవ వేడుకలు ఘనంగా నిర్వహించారు. మహాత్మాగాంధీ మెమోరియల్ ఆఫ్ నార్త్ టెక్సాస్ వ్యవస్థాపక ఛైర్మన్ డా. ప్రసాద్ తోటకూర జాతీయ జెండాను ఆవిష్కరించారు..

ప్రధానాంశాలు:డల్లాస్‌లో ఘనంగా స్వాతంత్ర్య దినోత్సవ వేడుకలుమహాత్మాగాంధీ మెమోరియల్ ఆఫ్ నార్త్ టెక్సాస్ ఆధ్వర్యంలోజాతీయ జెండాను ఆవిష్కరించిన ప్రసాద్ తోటకూర మహాత్మాగాంధీ మెమోరియల్ ఆఫ్ నార్త్ టెక్సాస్ ఆధ్వర్యంలో డల్లాస్‌లో 75వ భారత స్వాతంత్ర్య దినోత్సవ వేడుకలు ఘనంగా నిర్వహించారు. కొవిడ్ నిబంధనలు పాటిస్తూ గాంధీ మెమోరియల్ దగ్గర జరిగిన కార్యక్రమంలో ప్రవాస భారతీయులు పాల్గొన్నారు. మహాత్మాగాంధీ మెమోరియల్ ఆఫ్ నార్త్ టెక్సాస్ వ్యవస్థాపక ఛైర్మన్ డా. ప్రసాద్ తోటకూర జాతీయ జెండాను ఆవిష్కరించారు.. బాపుకు నివాళులు అర్పించారు.
గాంధీజీ, ఎంతోమంది స్వాతంత్ర్య యోధుల త్యాగ ఫలితంగా దేశానికి స్వాతంత్ర్యం వచ్చిందన్నారు తోటకూర ప్రసాద్. దేశం ఎన్నో రంగాల్లో ఎంతో ప్రగతి సాధించినా.. ఇప్పటికీ కొన్ని వేల గ్రామాలల్లో కనీస వసతులైన మంచి నీరు, విద్యుత్, విద్యా, వైద్య సదుపాయాలు లేకపోవడం శోచనీయం అన్నారు. చిత్తశుద్ధితో పాలకులు, అంకిత భావంతో ప్రజలు కలసి పనిచేస్తే తప్ప ఆశించిన అభివృద్ధి సాధించలేమన్నారు.
ప్రపంచవ్యాప్తంగా ఉన్న ప్రవాస భారతీయులు భారత దేశాభివృద్ధిలో తమ వంతు కృషి చేయాలని తోటకూర ప్రసాద్ పిలుపునిచ్చారు. ఈ కార్యక్రమంలో మహాత్మాగాంధీ మెమోరియల్ కార్యదర్శి రావు కల్వల, బోర్డు సభ్యులు, కమ్యూనిటీ నాయకులు ఉర్మీత్ జునేజా, సల్మాన్ ఫర్షోరి, దినేష్ హూడా, షబ్నం మోడ్గిల్, ఎం.వి.ఎల్ ప్రసాద్, సత్యన్ కళ్యాణ్ దుర్గ్, పులిగండ్ల విశ్వనాధం, ములుకుట్ల వెంకట్‌లు పాల్గొన్నారు.

Leave a Reply

Your email address will not be published. Required fields are marked *

Next Post

పసివాడి ప్రాణం కోసం అథ్లెట్ పతకం వేలం.. హార్ట్ టచింగ్ స్టోరీ

Thu Aug 19 , 2021
ఒలింపిక్స్‌లో పతకం ప్రతి అథ్లెట్ కల. అలాంటి పతకాన్ని ఎలాంటి సంబంధం లేని ఓ పసివాడి ప్రాణం కాపాడేందుకు వేలానికి ఉంచితే..? వేలంలో పతకాన్ని దక్కించుకున్న కంపెనీ...