స్విస్ బ్యాంకుల్లో రూ. 20వేల కోట్ల నల్లధనం నిజం కాదా?.. కేంద్రం కీలక ప్రకటన

స్విట్జర్లాండ్‌ బ్యాంకుల్లో షేర్లు, రుణ పత్రాల్లోనూ భారతీయులు భారీగా పెట్టుబడులు పెడుతున్నారని.. 2020 చివరికి రూ.20వేల కోట్లకుపైగా డిపాజిట్లు భారతీయులకు రావాల్సి ఉందని వార్తలు వచ్చాయి.

ప్రధానాంశాలు:స్విస్ బ్యాంకులకు భారతీయులకు తగ్గని మోజుగతేడాది రూ.20 వేల కోట్లు నగదు డిపాజిట్.నల్లధనం కాదని కొట్టిపారేసిన కేంద్ర ప్రభుత్వం.స్విస్ బ్యాంకుల్లో రూ.20,700 కోట్లపైగా సామ్మును భారతీయులు దాచిపెట్టారంటూ జరుగుతున్న ప్రచారాన్ని కేంద్రం కొట్టిపారేసింది. ఈ మేరకు కేంద్ర ఆర్థిక మంత్రిత్వ శాఖ శనివారం వివరణ ఇచ్చింది. గత 13ఏళ్లలో ఎన్నడూ లేని విధంగా గతేడాది రికార్డు స్థాయిలో డిపాజిట్‌లు నమోదయినట్టు వార్తలు వచ్చిన విషయం తెలిసిందే. భారత సంస్థలకు రావాల్సిన బకాయిలు 255 కోట్ల స్విస్‌ ఫ్రాంక్‌ల (సుమారు రూ.20,700 కోట్లు)కు చేరాయని స్విస్‌ నేషనల్‌ బ్యాంక్‌ గురువారం వివరాలు విడుదల చేసినట్టు వస్తున్న వార్తలను ఖండించింది.

‘2021 జూన్ 18న నమోదయిన వివరాల ప్రకారం.. స్విస్ బ్యాంకుల్లో రూ.20,700 కోట్ల (2.55 బిలియన్ స్విస్ ఫ్రాంక్‌లు) కంటే ఎక్కువగా నిధులు జమ అయ్యాయని వార్తలు వచ్చాయి. 2019 చివరి నాటికి రూ.6, 625 కోట్లు (899 మిలియన్ ఫ్రాంక్‌లు) గా ఉన్న నిధులు రెండేళ్లలో తగ్గాల్సింది పోయి పెరిగాయని వార్తలు వినిపించాయి. పైగా 13ఏళ్లలో ఇదే అత్యధికం అని కూడా వచ్చింది’ అని ఆర్ధిక మంత్రిత్వశాఖ పేర్కొంది.

‘స్విస్ నేషనల్ బ్యాంక్ (SNB) అధికారిక లెక్కల ప్రకారం.. స్విట్జర్లాండ్‌లో భారతీయుల నల్లధనం డిపాజిట్ అయిందనేది నిజం కాదు.. ఈ నగదు భారతీయులు, ఎన్నారైలది కాదని ఇతర దేశాలకు చెందిన వ్యక్తులది’ అని తెలిపింది. వాస్తవానికి 2019 నుంచి ఖాతాదారుల డిపాజిట్లు తగ్గిపోయాయి. అయితే, వీరంతా బాండ్లు, సెక్యూరిటీస్, ఇతర ఫైనాన్షియల్ విధానంలో జమ చేస్తూ వస్తున్నారు.

ఫైనాన్షియల్ అకౌంట్స్ ఇన్ఫర్మేషన్ ప్రకారం.. స్విస్ బ్యాంకులో నగదు డిపాజిట్లు పెరిగినట్లు సమాచారం లేదు. అది కూడా భారతీయులుగా ధ్రువీకరించని వారి నుంచే పెరిగాయని లీగల్ అగ్రిమెంట్ ఉపయోగించి తెలుసుకున్నారు. స్విస్ అథారిటీలను సంప్రదించిన కేంద్ర ఆర్థిక మంత్రిత్వ శాఖ స్విస్ బ్యాంకుల్లో నిధులు పెరగడానికి లేదా తగ్గడానికి గల కారణాలపై ఆరా తీసింది.

అనుమానాస్పద బ్యాంకు ఖాతాల సమాచార మార్పిడి కోసం 2016లో భారత్- స్విట్జర్లాండ్ మధ్య ఒప్పందం కుదిరింది. స్విస్ బ్యాంకుల్లోని భారతీయుల ఖాతాలకు సంబంధించి పరస్పర సమాచారం మార్చుకునే ఒప్పందంపై సంతకాలు చేసుకున్నాయి. ఇది జనవరి 2018 నుంచి అమల్లోకి వచ్చింది. దాంతో మన నల్ల కుబేరులు పన్ను ల ఎగవేతకు స్వర్గధామాలైన కేమన్‌ ఐలాం డ్స్‌, మారిషస్‌ వంటి దేశాలకు మళ్లిస్తున్నారు.

Leave a Reply

Your email address will not be published. Required fields are marked *

Next Post

Ariyana: అరియానాతో సెక్స్ చేశా.. ఆమె ప్రైవేట్ పార్ట్‌పై వర్మ దారుణమైన కామెంట్.. అంతా ఆమె ముందే

Sat Jun 19 , 2021
సరిపోయింది.. ఇద్దరికిద్దరికీ.. ఒక సినిమాల్లో బోల్డ్ అయితే.. మరొకరు ఇంటర్వ్యూలలో బోల్డ్. ఈ ఇద్దరూ కలిసి సెక్స్ పాఠాలు చెప్పుకుంటే అదో పెద్ద A సర్టిఫికేట్ సినిమానే అన్నట్టుగా ఉంది ఈ ఇంటర్వ్యూ వీడియో.