WTC Finalలో ఈరోజు కూడా ఆ టెన్షన్.. భారత్‌కి నిరాశ తప్పదా..?

ఐసీసీ వరల్డ్ టెస్టు ఛాంపియన్‌షిప్ ఫైనల్ కోసం ఆసక్తిగా ఎదురుచూసిన అభిమానులకి నిరాశే ఎదురవుతోంది. రెండు రోజులకి గానూ కేవలం 64.4 ఓవర్లు ఆట మాత్రమే సాధ్యమవగా.. బ్యాడ్ లైట్‌తో పదే పదే మ్యాచ్‌ నిలిచిపోతూ వచ్చింది.

ప్రధానాంశాలు:భారత్, న్యూజిలాండ్ మధ్య ఫైనల్ మ్యాచ్‌కి వరుస అడ్డంకులుశనివారం నాలుగు సార్లు బ్యాడ్ లైట్‌తో నిలిచిన మ్యాచ్భారత బ్యాట్స్‌మెన్‌కి సౌథాంప్టన్ వాతావరణం సవాల్ఆదివారం కూడా సౌథాంప్టన్‌లో వర్షం పడే సూచనలు భారత్, న్యూజిలాండ్ మధ్య సౌథాంప్టన్ వేదికగా మొదలైన ఐసీసీ వరల్డ్ టెస్టు ఛాంపియన్‌షిప్ ఫైనల్‌ సాఫీగా జరిగే సూచనలు కనిపించడం లేదు. శుక్రవారం ప్రారంభంకావాల్సిన మ్యాచ్.. వర్షం కారణంగా శనివారం ఆరంభమవగా.. నిన్న కూడా బ్యాడ్ లైట్ కారణంగా కేవలం 64.4 ఓవర్ల ఆట మాత్రమే సాధ్యమైంది. అది కూడా నాలుగు సార్లు వెలుతురు లేమి కారణంగా ఆటని అంపైర్లు నిలిపివేశారు. ఇక మూడో రోజైన ఆదివారం వర్షం పడే సూచనలు కనిపిస్తున్నాయి. తొలిరోజు ఆట వర్షం కారణంగా తుడిపెట్టుకుపోవడంతో రిజర్వ్ డే (బుధవారం) తెరపైకి వచ్చిన విషయం తెలిసిందే.

మ్యాచ్‌లో టాస్ ఓడి మొదట బ్యాటింగ్ చేస్తున్న భారత జట్టు.. శనివారం ఆటని అంపైర్లు నిలిపివేసే సమయానికి తొలి ఇన్నింగ్స్‌లో 146/3తో నిలిచింది. క్రీజులో కెప్టెన్ విరాట్ కోహ్లీ (44 బ్యాటింగ్: 124 బంతుల్లో 1×4), వైస్ కెప్టెన్ అజింక్య రహానె (29 బ్యాటింగ్: 79 బంతుల్లో 4×4) ఉన్నారు. అంతకముందు ఓపెనర్లు రోహిత్ శర్మ (34: 68 బంతుల్లో), శుభమన్ గిల్ (28: 64 బంతుల్లో 3×4)తో పాటు చతేశ్వర్ పుజారా (8: 54 బంతుల్లో 2×4) వికెట్లు చేజార్చుకున్నారు. కివీస్ బౌలర్లలో ట్రెంట్ బౌల్ట్, కైల్ జెమీషన్, నైల్ వాగ్నర్ తలో వికెట్ తీశారు.

ఇంగ్లాండ్‌లోని సౌథాంప్టన్‌ వాతావరణం నిమిషాల్లో మారిపోతూ బ్యాట్స్‌మెన్‌కి సరికొత్త సవాల్‌ని విసురుతోంది. మబ్బులతో కూడిన వాతావరణం.. ఆ వెంటనే ఎండ.. మళ్లీ బ్యాడ్ లైట్. దాంతో.. శనివారం భారత బ్యాట్స్‌మెన్‌లు ఇబ్బందిపడ్డారు. టీమిండియా కెప్టెన్ విరాట్ కోహ్లీ మినహా ఎవరూ కనీసం 100 బంతుల్ని కూడా ఎదుర్కోలేకపోయారు. ఇంగ్లాండ్ పిచ్‌లపై లేట్‌గా ఆడాలన్న మాజీ క్రికెటర్ల సూచనల్ని కోహ్లీ చక్కగా పాటిస్తున్నట్లు కనిపిస్తోంది.

Leave a Reply

Your email address will not be published. Required fields are marked *

Next Post

రాష్ట్రంలో పీసీఏ ఏర్పాటుకు ప్రయత్నాలు.. ఛైర్మన్‌గా ఆయనకు బాధ్యతలు

Sun Jun 20 , 2021
పోలీస్ వ్యవస్థ పనితీరు మెరుగుపరచడానికి ప్రతి రాష్ట్రం తప్పనిసరిగా పోలీస్ కంప్లయింట్ అథారిటీని ఏర్పాటుచేయాలని సర్వోన్నత న్యాయస్థానం ఆదేశాలు జారీచేసింది.