IND vs ENG 3rd Testలో సరికొత్త రికార్డులు.. కోహ్లీ కెప్టెన్సీలో అవమానకర ఓటమి

లీడ్స్ టెస్టులో ఇన్నింగ్స్ తేడాతో ఈరోజు భారత్ జట్టు ఓడిపోయింది. కెప్టెన్ విరాట్ కోహ్లీ టాస్ గెలిచినా టెస్టు మ్యాచ్‌లో భారత్ ఓడిపోవడం ఇది రెండోసారికాగా.. ఇంగ్లాండ్ కెప్టెన్ జో రూట్.. అరుదైన ఘనత సాధించాడు.

ప్రధానాంశాలు:లీడ్స్ టెస్టులో ఇన్నింగ్స్ తేడాతో ఓడిన భారత్కోహ్లీ టాస్ గెలిచినా మ్యాచ్‌లో తప్పని ఓటమినాలుగు రోజుల్లోనే మ్యాచ్‌ని ముగించిన ఇంగ్లాండ్భారత్ ఇన్నింగ్స్ తేడాతో ఓడటం ఇది 45వ సారిభారత్, ఇంగ్లాండ్ మధ్య లీడ్స్ వేదికగా జరిగిన మూడో టెస్టు మ్యాచ్ నాలుగు రోజుల్లోనే ముగిసింది. బౌలింగ్, బ్యాటింగ్‌లో తేలిపోయిన టీమిండియా ఇన్నింగ్స్ 76 పరుగుల తేడాతో ఆతిథ్య ఇంగ్లాండ్ చేతిలో ఘోర పరాజయాన్ని చవిచూసింది. దాంతో.. ఐదు టెస్టుల సిరీస్‌ ప్రస్తుతం 1-1తో సమమవగా.. నాలుగో టెస్టు మ్యాచ్ సెప్టెంబరు 2 నుంచి కెన్నింగ్టన్ ఓవల్ వేదికగా జరగనుంది.

లీడ్స్ టెస్టులో నమోదైన రికార్డుల్ని ఓసారి పరిశీలిస్తే.. భారత్ జట్టు ఇన్నింగ్స్ తేడాతో టెస్టు మ్యాచ్‌లో ఓడిపోవడం ఇది 45వ సారి. ఇక విరాట్ కోహ్లీ కెప్టెన్సీ‌లో టీమిండియా ఇలా ఇన్నింగ్స్ తేడాతో ఓడటం మాత్రం ఇది రెండో సారి. 2018లో మొదటిసారి లార్డ్స్‌ వేదికగా జరిగిన టెస్టులో ఇంగ్లాండ్ చేతిలోనే భారత్ ఇన్నింగ్స్ 159 పరుగుల తేడాతో ఓడింది.

జోరూట్‌కి కెప్టెన్‌గా ఇది 55వ టెస్టుకాగా.. ఇందులో 27 మ్యాచ్‌ల్లో ఇంగ్లాండ్ టీమ్‌ని గెలిపించాడు. ఈ క్రమంలో మైకేల్ వాన్ పేరిట ఉన్న 26 టెస్టు విజయాల రికార్డ్‌ని అతను బ్రేక్ చేశాడు. ఇక సిరీస్‌లో ఇప్పటి వరకూ జరిగిన మూడు టెస్టుల్లోనూ జో రూట్ సెంచరీలు నమోదు చేశాడు.

కెప్టెన్‌గా విరాట్ కోహ్లీ టాస్ గెలిచిన తర్వాత భారత్ జట్టు టెస్టు మ్యాచ్‌లో ఓడిపోవడం ఇది రెండోసారి మాత్రమే. 2020-21లో ఆస్ట్రేలియా‌తో అడిలైడ్ వేదికగా జరిగిన మ్యాచ్‌లో కోహ్లీ టాస్ గెలిచినా.. భారత్ జట్టు 8 వికెట్ల తేడాతో ఓడిపోయింది.

ఈ మ్యాచ్‌లో 4 వికెట్లు పడగొట్టిన జేమ్స్ అండర్సన్.. ఇంగ్లాండ్ గడ్డపై టెస్టుల్లో 400 వికెట్ల మైలురాయిని అందుకున్నాడు. ఈ క్రమంలో సొంతగడ్డపై టెస్టుల్లో 400 వికెట్లు పడగొట్టిన రెండో బౌలర్‌గా అండర్సన్ నిలిచాడు. 94 టెస్టుల్లో అండర్సన్ ఈ ఘనత సాధించగా.. శ్రీలంక దిగ్గజ స్పిన్నర్ ముత్తయ్ మురళీధరన్ 73 టెస్టుల్లోనే 493 వికెట్లతో ఈ రికార్డ్‌లో టాప్‌లో ఉన్నాడు.

Leave a Reply

Your email address will not be published. Required fields are marked *

Next Post

Team India ఓటమికి కారణాలు చెప్పిన కెప్టెన్ విరాట్ కోహ్లీ

Sat Aug 28 , 2021
లీడ్స్ టెస్టు తొలి ఇన్నింగ్స్‌లో 78 పరుగులకే ఆలౌటైన భారత్ జట్టు.. ఆతిథ్య ఇంగ్లాండ్ టీమ్‌కి ఏకంగా 354 పరుగుల ఆధిక్యాన్ని కట్టబెట్టింది. ఆ తర్వాత రెండో ఇన్నింగ్స్‌లోనూ మెరుగైన స్థితి నుంచి ఒక్కసారిగా కుప్పకూలింది.