కష్టకాలంలో భారత్‌కు ఊరటనిచ్చే వార్త.. మే 1కి Sputnik V వ్యాక్సిన్

దేశంలో కరోనా విలయం కొనసాగుతుండటంతో ఆస్పత్రుల్లో బెడ్స్, ఆక్సిజన్ కొరత వేధిస్తోంది. మరోవైపు, వ్యాక్సినేషన్ ప్రక్రియకు ఇది విఘాతం కలిగించే సూచనలు ఉన్నాయి.

ప్రధానాంశాలు:దేశంలో అందుబాటులోకి మరో వ్యాక్సిన్.తొలి బ్యాచ్ స్పుత్నిక్ వీ పంపనున్న రష్యా.ఏడాదిలో 850 మిలియన్ల కోవిడ్ డోస్‌లు.రష్యా అభివృద్ధి చేసిన కోవిడ్ వ్యాక్సిన్‌ ‘స్పుత్నిక్‌- వీ’ అత్యవసర వినియోగానికి భారత్ అనుమతించిన విషయం తెలిసిందే. ఈ నేపథ్యంలో తొలి బ్యాచ్‌ టీకా డోసులు మే 1న భారత్‌కు చేరుకోనున్నట్లు రష్యన్‌ డైరెక్ట్‌ ఇన్వెస్ట్‌మెంట్‌ ఫండ్‌(ఆర్‌డీఐఎఫ్‌) హెడ్‌ కిరిల్‌ దిమిత్రివ్‌ సోమవారం ప్రకటించారు. అయితే తొలి కన్‌సైన్‌మెంట్‌లో ఎన్ని డోస్‌లు ఉంటాయి… వాటిని ఎక్కడ తయారు చేయనున్నారన్న అంశాలపై ఆయన స్పష్టతనివ్వలేదు. ‘‘మే 1న స్పుత్నిక్-వీ తొలి డోసులు భారత్‌కు డెలివరీ అవుతాయి’’ అని దిమిత్రోవ్ తెలిపారు.

వేసవి చివరినాటికి భారత్‌లో నెలకు 50 మిలియన్‌ డోసుల చొప్పున టీకాలను ఉత్పత్తి చేసే అవకాశాలున్నట్లు చెప్పారు. ఆర్డీఐఎఫ్ సహకారంతో గమలేయా ఇన్‌స్టిట్యూట్‌ అభివృద్ధి చేసిన ఈ టీకాను భారత్‌లో రెడ్డీస్‌ ల్యాబొరేటరీ ఉత్పత్తి చేస్తోంది. ఈ మేరకు ఒప్పందం కుదిరింది. రెండు, మూడు దశల క్లినికల్‌ ట్రయల్స్‌ నిర్వహించిన రెడ్డీస్‌.. వినియోగానికి అనుమతి కోరింది. క్లినికల్ ట్రయల్స్ ఫలితాలను విశ్లేషించిన నిపుణుల కమిటీ.. భారత్‌లో స్పుత్నిక్‌ వి టీకా అత్యవసర వినియోగానికి పచ్చజెండా ఊపింది.

భారత్‌లో కరోనా మహమ్మారి సునామీ వేగంతో విజృంభిస్తోన్న వేళ.. వ్యాక్సిన్లను రష్యా పంపడం కొంత ఊరటనిచ్చే అంశం. ఏడాదిలో 850 మిలియన్ డోస్‌ల తయారీకి ఐదు సంస్థలతో ఆర్డీఐఎఫ్ ఒప్పందం చేసుకుంది. మరోవైపు, బ్రిటన్, జర్మనీ, ఫ్రాన్స్, అమెరికా సహా పలు దేశాలు తక్షణ వైద్యసాయానికి ముందుకొచ్చాయి. దేశంలో కరోనా సంక్షోభం తలెత్తడంతో అన్ని రకాల ఔషధాలు, కోవిడ్ వ్యాక్సిన్‌లు, వైద్య పరికరాలపై దిగుమతి సుంకాన్ని కేంద్రం తాత్కాలికంగా రద్దుచేసింది. మరోవైపు, మోడెర్నా, జాన్సన్ అండ్ జాన్సన్ వంటి సంస్థలు తమ టీకాలకు అనుమతి కోరుతూ దరఖాస్తు చేశాయి.

Leave a Reply

Your email address will not be published. Required fields are marked *

Next Post

రూ.165తో కోటీశ్వరులు అయిపోండిలా.. ఎస్‌బీఐ, ఐసీఐసీఐ అదిరే స్కీమ్స్!

Tue Apr 27 , 2021
ప్రతి నెలా చిన్న మొత్తంతోనే మంచి రాబడి పొందాలని భావిస్తున్నారా? అయితే మీకు ఒక ఆప్షన్ అందుబాటులో ఉంది. తక్కువ మొత్తంతోనే కోటీశ్వరులు అయిపోవచ్చు. అయితే దీర్ఘకాలం వేచి ఉండాలి.