WTC Finalలో విరాట్ కోహ్లీ ఔట్.. రివ్యూకి వెళ్లినా తప్పని నిరాశ

శనివారం క్రీజులో సెటిలయ్యేందుకు అధిక ప్రాధాన్యత ఇచ్చిన విరాట్ కోహ్లీ. ఆదివారం ఆరంభంలోనే వికెట్ చేజార్చుకున్నాడు. బంతి బ్యాట్ ఎడ్జ్ తాకిందని భావించి డీఆర్‌ఎస్‌కి వెళ్లినా ప్రయోజనం లేకపోయింది.

ప్రధానాంశాలు:ఫైనల్లో ఆదివారం నిరాశపరిచిన విరాట్ కోహ్లీ శనివారం స్కోరుకి ఒక పరుగు కూడా జత చేయకుండానే ఔట్రివ్యూకి వెళ్లినా విరాట్ కోహ్లీకి తప్పని నిరాశఅరగంట ఆలస్యంగా ఈరోజు ప్రారంభమైన మ్యాచ్న్యూజిలాండ్‌తో సౌథాంప్టన్ వేదికగా జరుగుతున్న ఐసీసీ వరల్డ్ టెస్టు ఛాంపియన్‌షిప్ ఫైనల్లో.. ఆదివారం తొలి సెషన్ ఆరంభంలో భారత్ జట్టు కెప్టెన్ విరాట్ కోహ్లీ వికెట్ చేజార్చుకుంది. ఓవర్ నైట్ వ్యక్తిగత స్కోరు 44తో ఇన్నింగ్స్‌ని కొనసాగించిన విరాట్ కోహ్లీ (44: 132 బంతుల్లో 1×4) ఈరోజు 8 బంతులు ఎదుర్కొని కనీసం ఒక పరుగు కూడా జత చేయకుండానే వికెట్ చేజార్చుకున్నాడు. దాంతో.. ప్రస్తుతం భారత్ 149/4తో నిలవగా.. క్రీజులో అజింక్య రహానె (32 బ్యాటింగ్: 102 బంతుల్లో 4×4) ఉన్నాడు.

ఆదివారం ఓవర్‌నైట్ స్కోరు 146/3తో భారత్ తొలి ఇన్నింగ్స్‌‌ని కొనసాగించిన విరాట్ కోహ్లీ.. ఇన్నింగ్స్ 68వ ఓవర్ వేసిన కైల్ జెమీషన్ బౌలింగ్‌లో వికెట్ల ముందు దొరికిపోయాడు. శనివారం బంతిని ఏకదీక్షతో చూస్తూ.. లేట్‌గా ఆడుతూ కనిపించిన విరాట్ కోహ్లీ.. ఈరోజు జెమీషన్ విసిరిన బంతిని అంచనా వేయలేకపోయాడు. దాంతో.. బ్యాట్‌కి దొరకని బంతి నేరుగా వెళ్లి కోహ్లీ ఫ్యాడ్స్‌ని తాకగా.. ఫీల్డ్ అంపైర్ వేలెత్తేశాడు. అయితే.. బంతి బ్యాట్ అంచున తాకిందని భ్రమపడిన కోహ్లీ.. డీఆర్‌ఎస్ కోరగా.. రిప్లైలో అతనికి నిరాశ తప్పలేదు.

2019, నవంబరులో ఆఖరిగా ఇంటర్నేషనల్ సెంచరీ నమోదు చేసిన విరాట్ కోహ్లీ.. అప్పటి నుంచి మూడంకెల స్కోరు కోసం ఎదురుచూస్తున్నాడు. ఈ ఫైనల్ మ్యాచ్‌లోనూ 132 బంతులాడిన కోహ్లీ.. కేవలం ఒకే ఒక బౌండరీ సాధించడం అభిమానుల్ని ఆశ్చర్యపరుస్తోంది.

Leave a Reply

Your email address will not be published. Required fields are marked *

Next Post

డిస్కవరీ ఛానెల్‌లో కాళేశ్వరం ప్రాజెక్టు డాక్యుమెంటరీ.. ఎప్పుడంటే..

Sun Jun 20 , 2021
Telangana News: గోదావరి నదిపై నిర్మించిన కాళేశ్వరం ప్రాజెక్టును నదిలో నీరు పారే దిశకు వ్యతిరేక దిశలో వందల కిలోమీటర్ల చొప్పున నీటిని ఎత్తిపోసి పంట పొలాలకు నీరు అందిస్తున్న సంగతి తెలిసిందే.