India vs Sri Lanka సిరీస్ వాయిదా.. నాలుగు రోజులు లేట్‌గా

కొలంబో వేదికగా భారత్, శ్రీలంక మధ్య జరగాల్సిన సిరీస్ వాయిదాపడింది. శ్రీలంక టీమ్‌లో వరుసగా కరోనా కేసులు నమోదవుతుండటంతో నాలుగు రోజులు లేట్‌గా సిరీస్ ఆరంభంకానుంది.

ప్రధానాంశాలు:భారత్, శ్రీలంక మధ్య సిరీస్ వాయిదానాలుగు రోజులు ఆలస్యంగా ప్రారంభంకానున్న సిరీస్శ్రీలంక టీమ్‌లో వరుసగా రెండు కరోనా కేసులుఇప్పటికే కొలంబోకి చేరుకున్న భారత్ జట్టు భారత్, శ్రీలంక మధ్య ఈ నెల 13 నుంచి ప్రారంభంకావాల్సిన సిరీస్‌ వాయిదా పడింది. ఇటీవల ఇంగ్లాండ్ పర్యటనని ముగించుకుని వచ్చిన శ్రీలంక టీమ్‌లో వరుసగా కరోనా కేసులు నమోదవుతుండటంతో.. ముందస్తు జాగ్రత్త చర్యల్లో భాగంగా శ్రీలంక క్రికెట్ బోర్డు ఈ నిర్ణయం తీసుకుంది. ఇప్పటికే శ్రీలంక టీమ్ బ్యాటింగ్ కోచ్ గ్రాంట్ ఫ్లవర్‌కి కరోనా పాజిటివ్‌గా తేలగా.. తాజాగా ఆ టీమ్ డేటా అనలిస్ట్‌ జీటీ నిరోషన్‌‌ కూడా ఈ మహమ్మారి బారిన పడినట్లు తేలింది.

కొలంబో వేదికగా వాస్తవానికి భారత్, శ్రీలంక మధ్య ఈ నెల 13 నుంచి మూడు వన్డేలు, మూడు టీ20ల సిరీస్ ప్రారంభంకావాల్సి ఉంది. షెడ్యూల్ ప్రకారం 13న తొలి వన్డే.. ఆ తర్వాత 16, 18న మిగిలిన రెండు వన్డేలు జరగాల్సి ఉండగా.. 21, 23, 25న మూడు టీ20లకి ప్లాన్ చేశారు. కానీ.. తాజాగా సిరీస్‌ని నాలుగు రోజులు వాయిదా వేయడంతో.. ఫస్ట్ వన్డే 17న జరగనుంది. దాంతో.. మిగిలిన రెండు వన్డేలు 19, 21 ఆ తర్వాత మూడు టీ20లు 24, 25, 27న జరగనున్నట్లు తెలుస్తోంది.

ఇంగ్లాండ్, శ్రీలంక మధ్య ఇటీవల వన్డే, టీ20 సిరీస్ ముగియగా.. ఇంగ్లాండ్ టీమ్‌లో ఏకంగా ఏడు కరోనా కేసులు నమోదయ్యాయి. ఆ సిరీస్ ముగిసిన తర్వాత కొలంబోకి చేరుకున్న 48 గంటల్లోనే గ్రాంట్ ఫ్లవర్, ఆ తర్వాత రోజు వ్యవధిలోనే జీటీ నిరోషన్‌ కరోనా బారినపడటం గమనార్హం. దాంతో.. ప్రస్తుతం శ్రీలంక టీమ్ క్వారంటైన్‌లో ఉంది. మరోవైపు ఇప్పటికే కొలంబోకి చేరుకున్న శిఖర్ ధావన్ కెప్టెన్సీలోని భారత్ జట్టు.. ప్రాక్టీస్ మ్యాచ్‌లు ఆడుతోంది.

Leave a Reply

Your email address will not be published. Required fields are marked *

Next Post

MS Dhoni ఐపీఎల్‌కి రిటైర్మెంట్ ఇస్తే..? నా నిర్ణయం కూడా అదే: సురేశ్ రైనా

Sat Jul 10 , 2021
మహేంద్రసింగ్ ధోనీ, సురేశ్ రైనా.. గత దశాబ్దకాలంగా ఆప్తమిత్రులు. టీమిండియాకి, ఐపీఎల్‌లో చెన్నై సూపర్ కింగ్స్ తరఫున సుదీర్ఘకాలం ఆడిన ఈ జోడీ.. రిటైర్మెంట్ విషయంలోనూ ...