WTC Finalలో పగిలిన పుజారా హెల్మెట్.. తప్పిన ప్రమాదం

సౌథాంప్టన్ పిచ్ భారత బ్యాట్స్‌మెన్‌లకి సవాల్ విసురుతోంది. పిచ్ నుంచి లభిస్తున్న కొద్దిపాటి సహకారంతో కివీస్ పేసర్లు బౌన్సర్లతో చెలరేగిపోతున్నారు. దాంతో.. పుజారా, గిల్ హెల్మెట్‌లకి..

ప్రధానాంశాలు:భారత్, న్యూజిలాండ్ మధ్య సౌథాంప్టన్ వేదికగా ఫైనల్భారత బ్యాట్స్‌మెన్‌లను బౌన్సర్లతో పరీక్షిస్తున్న కివీస్ పేసర్లుపుజారా, శుభమన్ గిల్ హెల్మెట్‌లకి తాకిన బౌన్సర్లుఫస్ట్ రన్ కోసం 35 బంతులు తీసుకున్న పుజారా న్యూజిలాండ్‌తో సౌథాంప్టన్ వేదికగా జరుగుతున్న ఐసీసీ వరల్డ్ టెస్టు ఛాంపియన్‌షిప్ ఫైనల్లో భారత టాప్ ఆర్డర్ బ్యాట్స్‌మెన్ చతేశ్వర్ పుజారాకి కొద్దిలో ప్రమాదం తప్పింది. న్యూజిలాండ్ ఫాస్ట్ బౌలర్ నీల్ వాగ్నర్ విసిరిన బౌన్సర్ బంతిని ఫుల్ చేసేందుకు చతేశ్వర్ పుజారా (8: 54 బంతుల్లో 2×4) ప్రయత్నించాడు. కానీ.. బ్యాట్‌కి దొరకని బంతి నేరుగా వెళ్లి పుజారా హెల్మెట్‌కి బలంగా తాకింది. దాంతో.. హెల్మెట్‌‌లోని కొంత భాగం ఎగిరి కిందపడింది.

వాస్తవానికి ఫైనల్లో పరుగు ఖాతా తెరవడానికి 35 బంతుల్ని చతేశ్వర్ పుజారా తీసుకున్నాడు. ఇన్నింగ్స్ 37వ ఓవర్ వేసిన వాగ్నర్ గంటకి 130కిమీ వేగంతో బంతిని సంధించగా.. అప్పటి వరకూ కూల్‌గా ఆడుతున్నట్లు కనిపించిన పుజారా.. ఒక్కసారిగా ఫుల్ షాట్ కోసం ప్రయత్నించాడు. కానీ.. అదనపు బౌన్స్ కారణంగా బ్యాట్‌కి బంతి దొరకలేదు. దాంతో.. వేగంగా వెళ్లిన బంతి బలంగా హెల్మెట్‌కి తాకింది.

బౌన్సర్ బంతి హెల్మెట్‌కి తాకడంతో.. వెంటనే బౌలర్ వాగ్నర్ స్పందిస్తూ.. పుజారాకి సారీ చెప్పాడు. మరోవైపు టీమిండియా ఫిజియో కూడా మైదానంలోకి వచ్చి పుజారాతో మాట్లాడాడు. అయితే.. ఎలాంటి గాయం కాకపోవడంతో అంతా ఊపిరి పీల్చుకున్నారు. అంతకముందే యువ ఓపెనర్ శుభమన్ గిల్ హెల్మెట్‌కీ బౌన్సర్ బంతి తాకింది.

Leave a Reply

Your email address will not be published. Required fields are marked *

Next Post

ఇలా చేస్తే చాలు.. రూ.50 వేలు గెలిచేయచ్చు!

Sun Jun 20 , 2021
అమెజాన్ క్విజ్‌లో నేడు(జూన్ 20వ తేదీ) అడిగిన ప్రశ్నలు, వాటి సమాధానాలు ఇవే. ఈ ప్రశ్నలకు సరైన సమాధానాలు చెప్తే రూ.50 వేల నగదు గెలుచుకునే అవకాశం లభిస్తుంది.