WTC Finalలో భారత్ ఫస్ట్ బ్యాటింగ్.. కివీస్ కెప్టెన్ అనూహ్య నిర్ణయం

ప్రతిష్ఠాత్మక ఐసీసీ వరల్డ్ టెస్టు ఛాంపియన్‌షిప్ ఫైనల్లో టాస్ గెలిచిన న్యూజిలాండ్ కెప్టెన్ కేన్ విలియమ్సన్ అనూహ్య నిర్ణయం తీసుకున్నాడు. సౌథాంప్టన్‌లో శుక్రవారం వర్షం పడటంతో..

ప్రధానాంశాలు:భారత్, న్యూజిలాండ్ మధ్య వరల్డ్ టెస్టు ఛాంపియన్‌షిప్ ఫైనల్ఒక్కరోజు ఆలస్యంగా స్టార్ట్ అవుతున్న మ్యాచ్ టాస్ గెలిచి ఫీల్డింగ్ ఎంచుకున్న కివీస్ కెప్టెన్భారత్ తుది జట్టులో ముగ్గురు పేసర్లు, ఇద్దరు స్పిన్నర్లుభారత్‌తో సౌథాంప్టన్ వేదికగా శనివారం ఆరంభమైన ఐసీసీ వరల్డ్ టెస్టు ఛాంపియన్‌షిప్ ఫైనల్ మ్యాచ్‌లో టాస్ గెలిచిన న్యూజిలాండ్ కెప్టెన్ కేన్ విలియమ్సన్ ఫీల్డింగ్ ఎంచుకున్నాడు. వాస్తవానికి శుక్రవారమే ఈ ఫైనల్ మ్యాచ్ ప్రారంభంకావాల్సి ఉంది. కానీ.. వర్షం కారణంగా నిన్న కనీసం టాస్‌ కూడా సాధ్యపడలేదు.

టెస్టుల్లో భారత్, న్యూజిలాండ్ మధ్య హెడ్ టు హెడ్ రికార్డుల్ని ఓసారి పరిశీలిస్తే..? ఇప్పటి వరకూ ఈ రెండు జట్లు 59 మ్యాచ్‌ల్లో తలపడ్డాయి. ఇందులో భారత్ జట్టు ఏకంగా 21 మ్యాచ్‌ల్లో విజయం సాధించగా.. న్యూజిలాండ్ టీమ్ 12 మ్యాచ్‌ల్లో విజయం సాధించింది. మిగిలిన 26 మ్యాచ్‌లు డ్రాగా ముగిశాయి.

ఐసీసీ ఈవెంట్స్‌ పరంగా చూసుకుంటే మాత్రం భారత్‌పై న్యూజిలాండ్ టీమ్‌ది పైచేయిలా కనిపిస్తోంది. గత చివరి ఐదు మ్యాచ్‌ల్లోనూ కివీస్ టీమ్ విజయం సాధించింది. ఇందులో ఐసీసీ వరల్డ్ టెస్టు ఛాంపియన్‌షిప్‌లో భాగంగా జరిగిన రెండు టెస్టులు, టీ20 వరల్డ్‌కప్‌లో రెండు మ్యాచ్‌లు, 2019 వన్డే ప్రపంచకప్ సెమీ ఫైనల్ మ్యాచ్‌ ఉంది. ఆఖరిగా ఐసీసీ ఈవెంట్స్‌‌లో న్యూజిలాండ్‌ని 2003 వన్డే ప్రపంచకప్‌లో భారత్ ఓడించింది.

భారత జట్టు ఇదే: విరాట్ కోహ్లీ (కెప్టెన్), అజింక్య రహానె (వైస్ కెప్టెన్), రోహిత్ శర్మ, శుభమన్ గిల్, చతేశ్వర్ పుజారా, రిషబ్ పంత్ (వికెట్ కీపర్), రవీంద్ర జడేజా, రవిచంద్రన్ అశ్విన్, జస్‌ప్రీత్ బుమ్రా, ఇషాంత్ శర్మ, మహ్మద్ షమీ

న్యూజిలాండ్ జట్టు: టామ్ లాథమ్, దేవాన్ కాన్వె, కేన్ విలియమ్సన్ (కెప్టెన్), రాస్ టేలర్, హెన్రీ నికోలస్, బీజే వాట్లింగ్, కొలిన్ గ్రాండ్‌హోమ్, కైల్ జెమీషన్, నీల్ వాగ్నర్, టిమ్ సౌథీ, ట్రెంట్ బౌల్ట్

Leave a Reply

Your email address will not be published. Required fields are marked *

Next Post

జూన్ 24వ తేదీన వివో కొత్త ఫోన్.. రూ.15 వేలలోనే 5జీ ఫోన్!

Sat Jun 19 , 2021
వివో తన కొత్త 5జీ ఫోన్ మనదేశంలో లాంచ్ చేయనుంది. అదే వివో వీ21ఈ 5జీ. దీని ధర రూ.15 వేలలోనే ఉండే అవకాశం ఉంది. జూన్ 24వ తేదీన ఈ ఫోన్ లాంచ్ కానుంది.