WTC Finalలో భారత్‌కి ఫస్ట్ షాక్.. ఆ తప్పిదంతో రోహిత్ శర్మ ఔట్

ఇంగ్లాండ్ పిచ్‌లపై ఎలా బ్యాటింగ్ చేయాలో గత కొద్దిరోజుల నుంచి మాజీ క్రికెటర్లు సూచిస్తున్నారు. కానీ.. రోహిత్ శర్మ ఆ సూచనల్ని పాటించినట్లు కనిపించలేదు. ఏమాత్రం ఫుట్‌వర్క్ లేకుండా…

ప్రధానాంశాలు:భారత్, న్యూజిలాండ్ మధ్య సౌథాంప్టన్‌లో జరుగుతున్న ఫైనల్కైల్ జెమీషన్ బౌలింగ్‌లో వికెట్ చేజార్చుకున్న రోహిత్ శర్మస్లిప్‌లో అద్భుతంగా క్యాచ్ పట్టిన ఫీల్డర్ టిమ్ సౌథీఏమాత్రం ఫుట్‌వర్క్ లేకుండా బంతిని ఆడిన రోహిత్ న్యూజిలాండ్‌తో సౌథాంప్టన్ వేదికగా జరుగుతున్న ఐసీసీ వరల్డ్ టెస్టు ఛాంపియన్‌షిప్ ఫైనల్లో భారత్ జట్టుకి ఫస్ట్ షాక్ తగిలింది. టాస్ ఓడి మొదట బ్యాటింగ్ చేసిన భారత్ జట్టుకి ఓపెనర్ శుభమన్ గిల్ (27 బ్యాటింగ్: 58 బంతుల్లో 3×4)తో కలిసి శుభారంభమిచ్చిన సీనియర్ ఓపెనర్ రోహిత్ శర్మ (34: 68 బంతుల్లో 6×4)..టీమ్ స్కోరు 62 వద్ద పేలవరీతిలో వికెట్ చేజార్చుకున్నాడు.

ఇన్నింగ్స్ 21వ ఓవర్ వేసిన ఫాస్ట్ బౌలర్ కైల్ జెమీషన్.. మొదటి బంతికే రోహిత్ శర్మని ఔట్ చేసేశాడు. ఆఫ్ స్టంప్‌కి వెలుపలగా పడిన బంతిని ఫుట్‌వర్క్ లేకుండా రోహిత్ శర్మ ఆడే ప్రయత్నం చేశాడు. దాంతో.. బ్యాట్ ఔట్‌సైడ్ ఎడ్జ్ తాకిన బంతి స్లిప్‌లో కొద్దిగా గాల్లోకి లేచింది. అయినప్పటికీ.. చక్కగా పక్కకి డైవ్ చేసిన టిమ్ సౌథీ క్యాచ్ అందుకున్నాడు.

ఇంగ్లాండ్ పిచ్‌లపై బంతిని కాస్త లేట్‌గా ఆడాలని మాజీ క్రికెటర్లు గత కొద్దిరోజుల నుంచి సూచిస్తున్నారు. భారత మాజీ ఓపెనర్ వసీం జాఫర్‌ ‘‘బాలీవుడ్ పాత సినిమాల్లో పోలీసుల తరహాలో వ్యహరించండి’’ అని పరోక్షంగా హింట్ కూడా ఇచ్చాడు. బాలీవుడ్ పాత సినిమాల్లో పోలీసులు ఆలస్యంగా వచ్చే సీన్‌లు ఉన్న విషయం తెలిసిందే.

Leave a Reply

Your email address will not be published. Required fields are marked *

Next Post

ఏపీ ప్రజలకు శుభవార్త: భారీ రికార్డుపై కన్నేసిన జగన్ సర్కార్.. రేపు ఒక్కరోజే 8 లక్షల మందికి..!

Sat Jun 19 , 2021
ఆంధ్రప్రదేశ్ ప్రజలకు జగన్ ప్రభుత్వం గుడ్ న్యూస్ చెప్పింది. ఆదివారం ఒక్క రోజే 8 లక్షల మందికి వ్యాక్సినేషన్ వేయాలని నిర్ణయం..!