WTC Final‌లో ఈరోజు ఆట డౌట్.. మొదటిరోజు తరహాలోనే..?

ఐసీసీ వరల్డ్ టెస్టు ఛాంపియన్‌షిప్‌ ఫైనల్ మ్యాచ్ వరుణుడు దెబ్బకి సాఫీగా జరిగేలా కనిపించడం లేదు. ఇప్పటికే ఒకరోజు ఆట మొత్తం తుడిచిపెట్టుకుపోగా.. సోమవారం రాత్రి వరకూ..?

ప్రధానాంశాలు:డబ్ల్యూటీసీ ఫైనల్‌కి మళ్లీ వర్షం అంతరాయంసౌథాంప్టన్‌లో ఈరోజు ఉదయం నుంచి భారీ వర్షంఇప్పటికే శుక్రవారం రోజు తుడిచిపెట్టుకుపోయిన ఆటబుధవారం రిజర్వ్ డే‌లో మ్యాచ్‌ని కొనసాగించే సూచనలు భారత్, న్యూజిలాండ్ మధ్య సౌథాంప్టన్ వేదికగా జరుగుతున్న ఐసీసీ వరల్డ్ టెస్టు ఛాంపియన్‌షిప్‌ ఫైనల్లో.. సోమవారం ఆట కొనసాగడంపై సందిగ్ధత నెలకొంది. సౌథాంప్టన్ స్టేడియం పరిసరాల్లో ఉదయం 7 గంటలు (భారత కాలమాన ప్రకారం ఉదయం 11 గంటలు) నుంచి భారీ వర్షం పడుతోంది. దాంతో.. పిచ్ మొత్తాన్ని కవర్లతో స్టేడియం సిబ్బంది కప్పి ఉంచారు. ఈ వర్షం అక్కడి కాలమాన ప్రకారం రాత్రి 8 గంటల వరకూ పడే సూచనలు కనిపిస్తున్నాయి.

శుక్రవారం ప్రారంభంకావాల్సిన ఈ ఫైనల్ మ్యాచ్ వర్షం కారణంగా శనివారం ఆరంభమైంది. భారీ వర్షం.. ఆ తర్వాత మైదానం చిత్తడిగా మారడంతో శుక్రవారం కనీసం టాస్ కూడా సాధ్యం కాలేదు. ఆ తర్వాత శనివారం, ఆదివారం కలిసి మొత్తం 141.1 ఓవర్ల ఆట మాత్రమే సాధ్యమైంది. మ్యాచ్‌లో ఫస్ట్ బ్యాటింగ్ చేసిన భారత జట్టు 92.1 ఓవర్లు బ్యాటింగ్ చేసి 217 పరుగులకి ఆలౌటవగా.. అనంతరం మొదటి ఇన్నింగ్స్ ఆడుతున్న న్యూజిలాండ్ 49 ఓవర్లలో 101/2తో కొనసాగుతోంది.

సౌథాంప్టన్‌లో అదీ జూన్ నెలలో వర్షాలు ఎక్కువగా పడుతుండటంతో.. ఈ ఫైనల్ మ్యాచ్‌కి రిజర్వ్ డేని కూడా ఐసీసీ కేటాయించింది. ఇప్పటికే శుక్రవారం ఆట మొత్తం తుడిచిపెట్టుకుపోవడంతో.. బుధవారం రిజర్వ్ డే తెరపైకి వచ్చింది. ఐసీసీ వరల్డ్ టెస్టు ఛాంపియన్‌షిప్‌ విజేతకి రూ.11.67 కోట్లు ప్రైజ్‌మనీ దక్కనుంది. అలానే ఐసీసీ వరల్డ్ టెస్టు ఛాంపియన్‌షిప్‌ గద కూడా ఇవ్వనున్నారు. ఇక రన్నరప్‌గా నిలిచిన జట్టుకి రూ.5.84 కోట్లు ఇవ్వనున్నారు. ఒకవేళ మ్యాచ్ డ్రాగా ముగిస్తే ప్రైజ్‌మనీని రెండు జట్లూ సమంగా పంచుకోనున్నాయి.

Leave a Reply

Your email address will not be published. Required fields are marked *

Next Post

బీజేపీ ప్రయత్నాలు సాగవు.. ఐదేళ్లూ అధికారం మాదే: రౌత్ సంచలన వ్యాఖ్యలు

Mon Jun 21 , 2021
మహారాష్ట్రలో అధికారం పంచుకోడానికి బీజేపీ అంగీకరించకపోవడంతో శివసేన సుదీర్ఘ మైత్రికి టాటా చెప్పింది. బద్ధ శత్రువులైన కాంగ్రెస్, ఎన్‌సీపీలతో చేతులు కలిపి ప్రభుత్వాన్ని ఏర్పాటుచేసింది.