WTC Final: సౌథాంప్టన్‌‌లో మళ్లీ నిలిచిన ఆట.. నాలుగోసారి అదే కారణం

సౌథాంప్టన్ వాతావరణ పరిస్థితుల కారణంగా ఐసీసీ వరల్డ్ టెస్టు ఛాంపియన్‌షిప్ ఫైనల్‌కి రిజర్వ్ డేని కూడా ఐసీసీ ప్రకటించింది. కానీ.. మ్యాచ్ మొదలైన మొదటి రోజే ఏకంగా నాలుగు సార్లు..

ప్రధానాంశాలు:ఫైనల్‌కి సహకరించని సౌథాంప్టన్ వాతావరణంనాలుగోసారి మ్యాచ్‌ని నిలిపివేసిన ఫీల్డ్ అంపైర్లువర్షంతో శుక్రవారం మొత్తం తుడిచిపెట్టుకుపోయిన ఆటఆది, సోమవారం వర్షం పడే సూచనలు భారత్, న్యూజిలాండ్ మధ్య జరుగుతున్న ఐసీసీ వరల్డ్ టెస్టు ఛాంపియన్‌షిప్ ఫైనల్ మ్యాచ్‌కి వాతావరణం సహకరించడం లేదు. శుక్రవారం కనీసం టాస్‌కి కూడా వరుణుడు సహకరించకపోగా.. శనివారం నాలుగో సారి బ్యాడ్ లైట్ కారణంగా మ్యాచ్‌ని ఫీల్డ్ అంపైర్లు నిలిపివేశారు. మ్యాచ్ జరుగుతున్న ఇంగ్లాండ్‌లోని సౌథాంప్టన్‌లో కేవలం నిమిషాల వ్యవధిలోనే వాతావరణం మారిపోతూ ఆటగాళ్లకి సవాల్ విసురుతోంది.

మ్యాచ్‌లో టాస్ ఓడి మొదట బ్యాటింగ్ చేస్తున్న భారత జట్టు.. ఆటని అంపైర్లు నిలిపివేసే సమయానికి తొలి ఇన్నింగ్స్‌లో 146/3తో నిలిచింది. క్రీజులో కెప్టెన్ విరాట్ కోహ్లీ (44 బ్యాటింగ్: 124 బంతుల్లో 1×4), వైస్ కెప్టెన్ అజింక్య రహానె (29 బ్యాటింగ్: 79 బంతుల్లో 4×4) ఉన్నారు. అంతకముందు ఓపెనర్లు రోహిత్ శర్మ (34: 68 బంతుల్లో), శుభమన్ గిల్ (28: 64 బంతుల్లో 3×4)తో పాటు చతేశ్వర్ పుజారా (8: 54 బంతుల్లో 2×4) వికెట్లు చేజార్చుకున్నారు. కివీస్ బౌలర్లలో ట్రెంట్ బౌల్ట్, కైల్ జెమీషన్, నైల్ వాగ్నర్ తలో వికెట్ తీశారు. మ్యాచ్‌ని నిలిపివేసిన తర్వాత దాదాపు గంట సేపు ఎదురుచూసిన ఫీల్డ్ అంపైర్లు.. వాతావరణం మెరుగుపడకపోవడంతో శనివారం ఆటని నిలిపివేశారు.

Leave a Reply

Your email address will not be published. Required fields are marked *

Next Post

WTC Finalలో కివీస్‌కి ఫీల్డ్ అంపైర్ సాయం.. కోహ్లీలో టెన్షన్

Sat Jun 19 , 2021
టీమిండియా కెప్టెన్ విరాట్ కోహ్లీ వికెట్ కోసం న్యూజిలాండ్ కెప్టెన్ కేన్ విలియమ్సన్ సాహసోపేతంగా డీఆర్‌ఎస్ కోరబోయాడు. కానీ.. అతను రివ్యూ అడగక ముందే ఫీల్డ్ అంపైర్...