Team India ఓటమికి కారణాలు చెప్పిన కెప్టెన్ విరాట్ కోహ్లీ

లీడ్స్ టెస్టు తొలి ఇన్నింగ్స్‌లో 78 పరుగులకే ఆలౌటైన భారత్ జట్టు.. ఆతిథ్య ఇంగ్లాండ్ టీమ్‌కి ఏకంగా 354 పరుగుల ఆధిక్యాన్ని కట్టబెట్టింది. ఆ తర్వాత రెండో ఇన్నింగ్స్‌లోనూ మెరుగైన స్థితి నుంచి ఒక్కసారిగా కుప్పకూలింది.

ప్రధానాంశాలు:లీడ్స్ టెస్టులో పేలవంగా ఓడిన భారత్ ఇన్నింగ్స్ 76 పరుగుల తేడాతో గెలిచిన ఇంగ్లాండ్బ్యాటింగ్‌లో ఘోరంగా విఫలమైన టీమిండియాఐదు టెస్టుల సిరీస్ 1-1తో ప్రస్తుతం సమం ఇంగ్లాండ్‌తో లీడ్స్ వేదికగా శనివారం ముగిసిన మూడో టెస్టులో టీమిండియా అనూహ్యరీతిలో పరాజయాన్ని చవిచూసింది. నాలుగు రోజుల్లోనే ముగిసిన ఈ మ్యాచ్‌లో ఇన్నింగ్స్ 76 పరుగుల తేడాతో గెలుపొందిన ఇంగ్లాండ్ టీమ్.. ఐదు టెస్టుల సిరీస్‌ని 1-1తో సమం చేసింది. ఇక నాలుగో టెస్టు మ్యాచ్ సెప్టెంబరు 2 నుంచి కెన్నింగ్టన్ ఓవల్ వేదికగా జరగనుంది.

Read Also: విరాట్ కోహ్లీ వికెట్ కోసం సింపుల్ ప్లాన్.. బహిర్గతం చేసిన ఓలీ రాబిన్సన్
లీడ్స్ టెస్టులో టాస్ గెలిచి మొదట బ్యాటింగ్ చేసిన భారత్ జట్టు 78 పరుగులకే తొలి ఇన్నింగ్స్‌లో ఆలౌటవగా.. అనంతరం ఇంగ్లాండ్ టీమ్ మొదటి ఇన్నింగ్స్ 432 పరుగులు చేసింది. దాంతో.. 354 పరుగుల తొలి ఇన్నింగ్స్ లోటుతో రెండో ఇన్నింగ్స్ ఆడిన భారత్ శుక్రవారం 215/2తో మెరుగైన స్థితిలో కనిపించింది. కానీ.. శనివారం తొలి సెషన్‌లోనే వరుసగా వికెట్లు చేజార్చుకున్న టీమిండియా ఆఖరికి 278 పరుగులకే ఆలౌటైంది. మ్యాచ్‌లో కీలకమైన శనివారం కేవలం 63 పరుగుల వ్యవధిలోనే చివరి 8 వికెట్లనీ టీమిండియా చేజార్చుకోవడం గమనార్హం.

Read Also: IND vs ENG 3rd Testలో సరికొత్త రికార్డులు.. కోహ్లీ కెప్టెన్సీలో అవమానకర ఓటమి

భారత్ జట్టు ఓటమిపై కెప్టెన్ విరాట్ కోహ్లీ మాట్లాడుతూ ‘‘ఇంగ్లాండ్‌ గడ్డపై బ్యాటింగ్‌లో కుప్పకూలడం జరుగుతూ ఉంటుంది. కానీ.. లీడ్స్ పిచ్ బ్యాటింగ్‌కి బాగా అనుకూలంగా కనిపించింది. అయితే.. ఇంగ్లాండ్ బౌలర్లు క్రమశిక్షణతో బౌలింగ్ చేస్తూ.. భారత్ బ్యాట్స్‌మెన్ తప్పిదాలు చేసేలా చేశారు. భారత్ జట్టు బ్యాటింగ్ విభాగం సరైన నిర్ణయాలు తీసుకోలేకపోయింది. అలానే ఇంగ్లాండ్‌కి భారీ ఆధిక్యాన్ని కట్టబెట్టడం కూడా టీమ్‌పై ఒత్తిడిని పెంచింది. శుక్రవారం మెరుగైన భాగస్వామ్యాల్ని నెలకొల్పాం. అయితే.. శనివారం మాపై ఒత్తిడి పెంచడంలో ఇంగ్లాండ్ బౌలర్లు సక్సెస్ అయ్యారు’’ అని విరాట్ కోహ్లీ చెప్పుకొచ్చాడు.

Read Also: Virat Kohliని వెనక్కి పిలిచిన రహానె.. రిప్లైలో ఊహించని ట్విస్ట్

Leave a Reply

Your email address will not be published. Required fields are marked *

Next Post

సీఎం కేసీఆర్ ‘కంచం’పై ట్రోలింగ్.. వాళ్లు తినే ప్లేట్ పనికి రాదా?

Sat Aug 28 , 2021
ఎస్సీ నేతలతో సీఎం కేసీఆర్ విందు భోజనంపై దారుణమైన ట్రోలింగ్ జరుగుతోంది. అందరం ఒకటి అంటూనే దొర తేడా బాగా చూపించారంటూ విమర్శలు వస్తున్నాయి. ఆర్ఎస్ ప్రవీణ్ ట్వీట్‌కి నెటిజన్లు ఘాటుగా స్పందిస్తున్నారు.