Rohit Sharma ఔట్ తర్వాత కోహ్లీ‌కి బదులుగా బ్యాటింగ్‌కి జార్వో.. ఈడ్చేసిన సెక్యూరిటీ

లార్డ్స్ టెస్టులో టీమిండియా తరఫున ఆడేందుకు మైదానంలోకి వెళ్లిన జార్వో.. తాజా లీడ్స్ టెస్టులో బ్యాటింగ్ కోసం ఏకంగా క్రీజులోకి వెళ్లిపోయాడు. ఆలస్యంగా అతడ్ని గుర్తించిన సెక్యూరిటీ సిబ్బంది..

ప్రధానాంశాలు:లీడ్స్ టెస్టులోనూ జార్వో హడావుడి రోహిత్ శర్మ ఔట్ తర్వాత బ్యాటింగ్‌కి జార్వోఆలస్యంగా గుర్తించిన సెక్యూరిటీ సిబ్బందిమరోసారి నవ్వులు పూయించిన టీమిండియా ఫ్యాన్ఇంగ్లాండ్‌తో లీడ్స్ వేదికగా జరుగుతున్న మూడో టెస్టులో రోహిత్ శర్మ ఔటవగా.. ఓ బ్యాట్స్‌మెన్ క్రీజులోకి వచ్చి బ్యాటింగ్ కోసం స్టాన్స్ తీసుకునే ప్రయత్నం చేశాడు. కానీ.. అతను భారత క్రికెటర్ కాదు. అయితే.. టీమిండియా జెర్సీ ధరించి ఉండటం.. అచ్చం బ్యాట్స్‌మెన్ తరహాలో హెల్మెట్, ఫ్యాడ్స్‌ని కూడా వేసుకుని ఉండటంతో సెక్యూరిటీ సిబ్బంది ఏమరపాటులో ఉండిపోయారు. కానీ.. అతను భారత బ్యాట్స్‌మెన్ కాదు.. జార్వో అని గుర్తించిన ఫీల్డ్ అంపైర్లు.. సెక్యూరిటీ సిబ్బందిని అలెర్ట్ చేశారు. దాంతో.. జార్వోని క్రీజు నుంచి మైదానం వెలుపలికి సెక్యూరిటీ సిబ్బంది ఈడ్చి పారేశారు.

టీమిండియా తరఫున జార్వో ఆడేందుకు ఇలా మైదానంలోకి రావడం ఇది రెండోసారి. ఇటీవల లార్డ్స్ వేదికగా జరిగిన రెండో టెస్టులో భారత బౌలర్లు ఇంగ్లాండ్ వికెట్ పడగొట్టేందుకు శ్రమిస్తున్న వేళ.. భారత్ జట్టు జెర్సీ ధరించి మైదానంలోకి వచ్చిన జార్వో.. బౌలింగ్ చేసేందుకు కూడా రెడీ అయ్యాడు. ఈ క్రమంలో సెక్యూరిటీ సిబ్బంది అతడ్ని అడ్డుకోగా.. జెర్సీపై ఉన్న బీసీసీఐ లోగోని వారికి చూపించిన జార్వో.. తాను భారత క్రికెటర్‌ని అంటూ వారితో వాదించాడు. కానీ.. అతడ్ని అప్పట్లో సెక్యూరిటీ సిబ్బంది మైదానం వెలుపలికి ఈడ్చేశారు. లార్డ్స్‌లో జార్వో వాదన విన్న సిరాజ్ మైదానంలోనే పడిపడి నవ్వాడు.

శుక్రవారం లీడ్స్ స్టేడియంలోనూ రోహిత్ శర్మ ఔట్ తర్వాత.. విరాట్ కోహ్లీ క్రీజుకి వచ్చేందుకు సిద్ధమవగా.. జార్వో హడావుడి చేశాడు. తాను నెం.4లో బ్యాటింగ్ చేస్తానని సెక్యూరిటీ సిబ్బందిని జార్వో రిక్వెస్ట్ చేస్తూ కనిపించాడు. దాంతో.. మరోసారి అతడ్ని మైదానం వెలుపలికి సెక్యూరిటీ సిబ్బంది ఈడ్చి పారేశారు. ఆ తర్వాత విరాట్ కోహ్లీ బ్యాటింగ్‌కి వచ్చాడు. మొత్తంగా జార్వోపై ఇప్పుడు సోషల్ మీడియాలో జోక్‌లు పేలుతున్నాయి. జార్వో తాను ధరించిన టీమిండియా జెర్సీపై 69 అని ఓ నెంబరు కూడా వేయించుకోడం గమనార్హం.

Leave a Reply

Your email address will not be published. Required fields are marked *

Next Post

ఏపీఎస్ ఆర్టీసీ కొత్త సర్వీస్.. ఇకపై నేరుగా ఇంటికే, వివరాలివే

Sat Aug 28 , 2021
కార్గో రవాణా డోర్‌ డెలివరీ సేవలు మెరుగ్గా అందించేందుకు ఆర్టీసీ పూర్తిస్థాయిలో సన్నద్ధమవుతోంది. ఆర్టీసీ బస్‌ స్టేషన్లలోని స్టోరేజీ పాయింట్లలో సీసీ కెమెరాలను ఏర్పాటు చేసింది.