Pujaraకి సెంచరీ మిస్.. రివ్యూకి వెళ్లి మరీ వికెట్ సాధించిన ఇంగ్లాండ్

లీడ్స్ టెస్టులో సెంచరీ సాధించేలా కనిపించిన చతేశ్వర్ పుజారా.. అనూహ్యరీతిలో శతకం ముంగిట వికెట్ చేజార్చుకున్నాడు. ఫీల్డ్ అంపైర్ ఫస్ట్ ఔటివ్వకపోయినా.. ఇంగ్లాండ్ కెప్టెన్

ప్రధానాంశాలు:లీడ్స్ టెస్టులో పుజారాకి చేజారిన శతకం91 పరుగుల వద్ద ఎల్బీడబ్ల్యూగా పుజారా ఔట్2019, జనవరి నుంచి సెంచరీ కోసం పుజారా నిరీక్షణపుజారా వికెట్ కోసం రివ్యూకి వెళ్లిన ఇంగ్లాండ్ ఇంగ్లాండ్‌తో లీడ్స్ వేదికగా జరుగుతున్న మూడో టెస్టులో భారత టెస్టు స్పెషలిస్ట్ బ్యాట్స్‌మెన్ చతేశ్వర్ పుజారా కొద్దిలో శతకం చేజార్చుకున్నాడు. మ్యాచ్‌లో నాలుగో రోజైన శనివారం ఓవర్‌నైట్ వ్యక్తిగత స్కోరు 91తో బ్యాటింగ్ కొనసాగించిన చతేశ్వర్ పుజారా (91: 189 బంతుల్లో 15×4).. అదే స్కోరు వద్ద వికెట్ చేజార్చుకున్నాడు. ఈరోజు 9 బంతులాడిన పుజారా కనీసం ఒక్క పరుగు కూడా నిన్నటి స్కోరుకి జత చేయలేకపోయాడు. పుజారా చివరిగా 2019, జనవరిలో సెంచరీ నమోదు చేశాడు.

శనివారం ఓవర్‌నైట్ స్కోరు 215/2తో రెండో ఇన్నింగ్స్ కొనసాగించిన భారత్ జట్టు అదే స్కోరు వద్ద పుజారా వికెట్ చేజార్చుకుంది. ఫుల్ లెంగ్త్ బంతుల్ని పుజారా డ్రైవ్ కోసం ప్రయత్నిస్తూ మంచి టచ్‌లోనే కనిపించాడు. కానీ.. ఇన్నింగ్స్ 84వ ఓవర్ వేసిన ఓలీ రాబిన్సన్ బౌలింగ్‌లో బంతిని అంచనా వేయడంలో తడబడి వికెట్ల ముందు ఎల్బీడబ్ల్యూగా దొరికిపోయాడు.

ఆఫ్ స్టంప్‌కి వెలుపలగా పడిన బంతిని చతేశ్వర్ పుజారా ఆడకుండా వదిలేశాడు. కానీ.. బంతి నేరుగా వచ్చిన అతని ఫ్యాడ్స్‌ని తాకింది. దాంతో ఎల్బీడబ్ల్యూ ఔట్ కోసం ఇంగ్లాండ్ టీమ్ అప్పీల్ చేయగా.. ఫీల్డ్ అంపైర్ తిరస్కరించాడు. అయితే.. ఇంగ్లాండ్ కెప్టెన్ జో రూట్ డీఆర్‌ఎస్ కోరగా.. రిప్లైలో బంతి ఆఫ్ స్టంప్‌ని తాకేలా కనిపించింది. దాంతో.. అంపైర్ తన నిర్ణయాన్ని మార్చుకుని పుజారా ఔట్‌గా ప్రకటించాడు.

Leave a Reply

Your email address will not be published. Required fields are marked *

Next Post

ఐఏఎస్ అధికారిని కూరగాయల షాపులో కూర్చోబెట్టి.. పిల్లాడ్ని వెతకడానికి వెళ్లిన మహిళ!

Sat Aug 28 , 2021
ఉద్యోగ విధులు ముగించుకుని ఇంటికి తిరిగెళుతున్న ఓ అధికారి.. తోవలో కూరగాయలు కొనుక్కువెళ్దామని ఓ మార్కెట్‌కు వెళ్లాడు. ఓ దుకాణం వద్దకు వెళ్లేసరికి అక్కడి పెద్దావిడ ఆయనను కూర్చోబెట్టి కొడుకు వెదకడానికి వెళ్లింది.