కోర్టు తీర్పుపై తాప్సీ సంచలన వ్యాఖ్యలు.. ‘ఇదొక్కటే మిగిలింది’ అంటూ కామెంట్స్

హీరోయిన్‌గా కంటే కూడా.. సామాజికవేత్తగా ప్రజల్లో మంచి గుర్తింపు సంపాదించుకుంది నటి తాప్సీ. అయితే కొన్ని విషయాలపై ఆమె స్పందించే విధానం వివాదాలకు దారి తీస్తుంది. తాజాగా ఇలాంటి సంఘటనే జరిగింది.

దర్శకేంద్రుడు రాఘవేంద్ర రావు తెరకెక్కించిన ‘ఝుమ్మంది నాదం’ సినిమాతో తెలుగు ప్రేక్షకులకు పరిచయం అయిన పంజాబీ ముద్దుగుమ్మ తాప్సీ పన్ను. ఈ సినిమాతో మంచి సక్సెస్ అందుకున్న తాప్సీ.. ఆ తర్వాత తెలుగుతో పాటు ఇతర భాష సినిమాలతో బిజీ అయింది. అయితే కొంతకాలం తర్వాత తెలుగులో సరైన సక్సెస్‌ రాకపోవడంతో ఆమె బాలీవుడ్‌కే పరిమితమైంది. అక్కడే సినిమాలు చేస్తూ.. ప్రేక్షకులను అలరిస్తుంది.

త్వరలోనే మళ్లీ దక్షిణాది ఇండస్ట్రీలో అడుగు పెట్టేందుకు రెడీ అవుతోంది ఈ భామ. విజయ్ సేతుపతి హీరోగా రూపొందుతున్న ‘అనబెల్ సేతుపతి’ అనే సినిమాతో ఆమె మళ్లీ రీ ఎంట్రీ ఇవ్వనుంది. లేటెస్ట్‌గా ఈ సినిమా పోస్టర్ కూడా విడుదల అయింది. పాన్ ఇండియా ప్రాజెక్టుగా ఈ సినిమా తెలుగు, తమిళ, హింది, మలయాళ, కన్నడ భాషల్లో విడుదల కానుంది. ఇక తాప్సీ సినిమాలతో పాటు సామాజిక అంశాల గురించి కూడా స్పందిస్తూ ఉంటుంది. తాజాగా ఛత్తీస్‌గఢ్ న్యాయస్థానం ఇచ్చిన తీర్పును ఆమె తప్పుబట్టింది.

చత్తీస్‌గఢ్ హైకోర్టు ఇటీవల సంచలన తీర్పు వెలువరించింది. చట్టబద్ధంగా వివాహం చేసుకున్న భార్యకు ఇష్టం ఉన్నా, లేకున్నా భర్తతో లైంగిక చర్య చేయవచ్చు అంటూ కోర్టు తీర్పును వెలువరించింది. అది అత్యాచారం కిందకు రాదని కోర్టు స్పష్టం చేసింది. అయితే దీనిపై తాప్సీ తీవ్రస్థాయిలో వ్యతిరేకత వ్యక్తం చేసింది. అయితే ఒక స్త్రీకి ఇష్టం లేకుండా శృంగారంలోకి బలవంతం చేయడం కచ్చితంగా అత్యాచారమే అంటూ తాప్సీ పరోక్షంగా పేర్కొంది. ‘మనం వినాల్సిన వాటిలో ఇది ఒక్కట్టే మిగిలి ఉంద’ని వ్యాఖ్యానించింది. ఆమెతో పాటు సోనా మెహపాత్రా కూడా ఈ తీర్పును వ్యతిరేకించింది.

Leave a Reply

Your email address will not be published. Required fields are marked *

Next Post

స్టాలిన్ మరో సంచలన నిర్ణయం.. ప్రభుత్వ స్కూల్స్‌లో చదివితే 7.5 శాతం రిజర్వేషన్

Fri Aug 27 , 2021
తమిళనాడు ముఖ్యమంత్రిగా డీఎంకే అధినేత ఎంకే స్టాలిన్ మే నెలలో బాధ్యతలు చేపట్టారు. తొలి రోజు నుంచే స్టాలిన్ విప్లవాత్మక పథకాలు, కార్యక్రమాలను ప్రారంభించి మన్ననలు అందుకుంటున్నారు.

You May Like