తెలంగాణలో మరో రెండు రోజులు భారీ వర్షాలు

వర్షాలతో పాటు ఈదురు గాలులు కూడా వీస్తాయని వాతావరణ శాఖ పేర్కొంది. పలు ప్రాంతాల్లో భారీ వర్షాలక తోడుగా ఉరుములు, మెరుపులు కూడా వస్తాయని అధికారులు తెలిపారు.

ప్రధానాంశాలు:మరో రెండు రోజుల పాటు భారీ వర్షాలుఉరుములు మెరుపులు పడే అవకాశం ఈదురు గాలులతో కూడిన వర్షాలు బంగాళాఖాతంలో అల్పపీడన ప్రభావం కొనసాగుతోంది. గత కొన్ని రోజులుగా తెలంగాణలో వర్షాలు కురుస్తున్నాయి. నాలుగు రోజులు పలు ప్రాంతాల్లో ఎడతెరిపి లేకుండా కుండపోత వాన కురుస్తూనే ఉంది.
మరో రెండు రోజుల పాటు రెండు తెలుగు రాష్ట్రాల్లో భారీ వర్షాలు కురిసే అవకాశముందని వాతావరణ శాఖ తెలిపింది. ఉరుములు, మెరుపులతో కూడిన వర్షాలు రాష్ట్రంలో ఒకటి రెండు ప్రదేశాల్లో వచ్చే అవకాశాలున్నాయని వాతావరణ శాఖ తెలిపింది.

వానలతో పాటు గంటకు 30 నుంచి 40 కిలోమీటర్ల వేగంగా ఈదురుగాలులు కూడా వీస్తాయని వాతావరణ శాఖ పేర్కొంది. అయితే పశ్చిమ మధ్య బంగాళాఖాతం, వాయువ్య బంగాళాఖాతం పరిసరాల్లోని ఉత్తర ఆంధ్రా, దక్షిణ ఒడిశా తీరాల దగ్గర కొనసాగిన అల్పపీడనం మంగళవారం కాస్త బలహీన పడింది. అల్పపీడనానికి అనుబంధంగా ఉన్న ద్రోణి దక్షిణ ఒడిశా నుంచి ఉత్తర కోస్తాంధ్రా మీద కొనసాగుతూ మధ్యస్థ ట్రోపోస్పీయర్ స్థాయి వరకు వ్యాపించి ఎత్తుకి వెళ్ళే కొలదీ నైరుతి వైపునకు వంపు తిరిగి ఉంది.

ఈ ప్రభావంతో రానున్న రెండు రోజుల పాటు భారీ నుంచి అతిభారీ వర్షాలు కురిసే అవకాశం ఉందని వాతావరణ శాఖ తెలిపింది. బుధవారం ఒకటి, రెండు ప్రదేశాల్లో, ఎల్లుండి భారీ వర్షాలు ఒకటి రెండు ప్రదేశములలో కొన్ని జిల్లాలలో వచ్చే అవకాశాలు ఉన్నాయని పేర్కొంది.పలు చోట్ల ఉరుములు, మెరుపులు కూడా పడతాయని వాతావరణ శాఖ అధికారులు పేర్కొన్నారు.

Leave a Reply

Your email address will not be published. Required fields are marked *

Next Post

హీరోతో గడపడం తప్పనిసరి! డైరెక్టుగా అడిగేవారు.. తెరవెనుక బాగోతాలంటూ బోల్డ్ హీరోయిన్ షాకింగ్ కామెంట్స్

Wed Jul 14 , 2021
ఇటీవల జరిగిన ఓ ఇంటర్వ్యూలో లైంగిక వేధింపులు అనే అంశంపై రియాక్ట్ అవుతూ షాకింగ్ కామెంట్స్ చేసింది బోల్డ్ బ్యూటీ మల్లికా శెరావత్. తనకు ఎన్నో ఎన్నో చేదు అనుభవాలు ఎదురయ్యాయని ఆమె చెప్పుకొచ్చింది.