Sourav Ganguly బయోపిక్‌కి గ్రీన్‌సిగ్నల్.. బడ్డెట్ రూ.250 కోట్లు..!

2016లో మహేంద్రసింగ్ ధోనీ బయోపిక్ ‘ఎం.ఎస్.ధోనీ.. ది అన్‌టోల్డ్ స్టోరీ’ సూపర్ హిట్‌గా నిలిచింది. ఆ తర్వాత వరుసగా క్రికెటర్ల జీవితాల ఆధారంగా సినిమాలు వస్తున్నాయి.

ప్రధానాంశాలు:బయోపిక్‌కి అంగీకారం తెలిపిన సౌరవ్ గంగూలీహీరో, డైరెక్టర్‌ పేర్లని గోప్యంగా ఉంచిన దాదాసినిమా బడ్జెట్ రూ.250 కోట్లని ప్రచారం దాదా పాత్రని రణబీర్ కపూర్ పోషించే సూచనలుభారత మాజీ కెప్టెన్ సౌరవ్ గంగూలీ వ్యక్తిగత, క్రికెట్ జీవితాన్ని తెరపై అభిమానులు చూడబోతున్నారు. ఈ మేరకు అధికారికంగా తన బయోపిక్‌కి గ్రీన్‌సిగ్నల్ ఇచ్చినట్లు సౌరవ్ గంగూలీ స్వయంగా వెల్లడించాడు. తెరపై తన పాత్రని పోషించేది ఎవరు..? సినిమాకి డైరెక్టర్‌ ఎవరు..? అనే విషయాల్ని మాత్రం గంగూలీ వెల్లడించలేదు. కానీ.. గంగూలీ పాత్రని రణబీర్‌ కపూర్ పోషించబోతున్నట్లు వార్తలు వస్తున్నాయి. సినిమా బడ్జెట్ కూడా సుమారు రూ.250 కోట్లు ఉండబోతున్నట్లు ప్రచారం జరుగుతోంది.

బయో‌పిక్‌పై సౌరవ్ గంగూలీని ప్రశ్నించగా.. ‘‘అవును నా బయోపిక్‌కి అంగీకారం తెలిపాను. మూవీ హిందీలో రూపొందనుంది. అయితే హీరో, డైరెక్టర్ ఎవరు..? అనే విషయాల్ని మాత్రం ఇప్పుడే చెప్పలేను. అధికారికంగా పూర్తి వివరాలు తెలియడానికి కాస్త సమయం పడుతుంది’’ అని సౌరవ్ గంగూలీ స్పష్టం చేశాడు.

క్రికెటర్ల జీవితాల ఆధారంగా గత కొంతకాలంగా వరుసగా సినిమాలు వస్తున్నాయి. మహేంద్రసింగ్ ధోనీ బయోపిక్ సూపర్ హిట్‌గా నిలవగా.. ఆ తర్వాత మహ్మద్ అజహరుద్దీన్ బయోపిక్, సచిన్‌కి సంబంధించి తీసిన డాక్యుమెంటరీ ఫెయిలయ్యాయి. అలానే 1983 వరల్డ్‌కప్‌‌పై తీసిన ‘83’ సినిమా రిలీజ్‌కి రెడీగా ఉండగా.. మహిళా క్రికెటర్లు జులన్ గోస్వామి, మిథాలీ రాజ్ బయో‌పిక్‌లు కూడా చర్చల్లో ఉన్నాయి.

Leave a Reply

Your email address will not be published. Required fields are marked *

Next Post

రూ.5 లక్షలు పెడితే.. రూ.10 లక్షలు ఇస్తున్న పోస్టాఫీస్.. రిస్క్ లేకుండా కచ్చితమైన రాబడి!

Wed Jul 14 , 2021
మీరు డబ్బులు రెట్టింపు చేసుకోవాలని భావిస్తున్నారా? అయితే మీకోసం ఒక స్కీమ్ ఉంది. అదే కిసాన్ వికాస్ పత్ర. ఇందులో డబ్బులు పెడితే కచ్చితంగా రెట్టింపు అవుతాయి. రిస్క్ లేకుండా రాబడి పొందొచ్చు.