Yashpal Sharma ట్రెండ్ సెట్టర్.. 1983 వరల్డ్‌కప్‌లో 6, 6 (వీడియో)

1983 వరల్డ్‌కప్‌ ఫస్ట్ మ్యాచ్‌లోనే భీకరమైన వెస్టిండీస్ బౌలింగ్ దాడిని ఎదుర్కొన్న యశ్‌పాల్ శర్మ.. హాఫ్ సెంచరీ నమోదు చేశాడు. ఆ తర్వాత ఇంగ్లాండ్‌ బౌలర్లకి చెమటలు పట్టిస్తూ భారీ సిక్సర్లు బాదాడు.

ప్రధానాంశాలు:1983 వరల్డ్‌కప్ హీరో యశ్‌పాల్ శర్మ గుండెపోటుతో ఈరోజు మృతిఆ టోర్నీ ఫస్ట్ మ్యాచ్‌లోనే వెస్టిండీస్‌పై యశ్‌పాల్ హాఫ్ సెంచరీఇంగ్లాండ్‌తో సెమీస్‌లో రెండు భారీ సిక్సర్లు.. 61 పరుగులుఫైనల్లో కీలక సమయంలో ఔట్.. అయినా పోరాడి గెలిచిన భారత్భారత మాజీ క్రికెటర్ యశ్‌పాల్ శర్మ (66) హఠార్మణంపై క్రీడాలోకం దిగ్భ్రాంతి వ్యక్తం చేస్తోంది. 1983 ప్రపంచకప్ గెలిచిన భారత జట్టులో సభ్యుడిగా ఉన్న యశ్‌పాల్ శర్మ.. మిడిలార్డర్‌లో తన దూకుడుతో అప్పట్లో సరికొత్త ట్రెండ్‌ని సెట్ చేశాడు. ఆ మెగా టోర్నీ ఫస్ట్ మ్యాచ్‌లోనే వెస్టిండీస్‌పై 120 బంతుల్లో 89 పరుగులు చేసిన యశ్‌పాల్ శర్మ.. ఆ తర్వాత ఆస్ట్రేలియాపై 40 పరుగులు, ఇంగ్లాండ్‌పై సెమీ ఫైనల్లో 61 పరుగులు చేశాడు. ఈ క్రమంలో ఇంగ్లాండ్ ఫాస్ట్ బౌలర్లు పాల్ అలాట్‌, బాబ్ విల్స్‌కి యశ్‌పాల్ శర్మ కొట్టిన భారీ సిక్సర్లు.. అప్పట్లో భారత క్రికెట్‌లో సరికొత్త ట్రెండ్‌ని సెట్ చేసిందని మాజీ క్రికెటర్లు గుర్తు చేసుకుంటున్నారు.

పాల్ బౌలింగ్‌లో కాస్త వెనక్కి వెళ్లి లాంగాఫ్ దిశగా కళ్లు చెదిరే సిక్స్ బాదిన యశ్‌పాల్ శర్మ.. ఆ తర్వాత విల్స్ బౌలింగ్‌లో క్రాస్ ద స్టంప్స్‌ వెళ్లి స్వ్కేర్ లెగ్ దిశగా బంతిని స్టాండ్స్‌లోకి కొట్టేశాడు. దాంతో.. అప్పటి వరకూ ప్రత్యర్థి బౌలింగ్ దాడికి జంకుతూ కనిపించిన భారత బ్యాట్స్‌మెన్‌లు.. ఆ తర్వాత ఎదురుదాడి చేయడం ప్రారంభించారు. అయితే.. వెస్టిండీస్‌తో ఫైనల్లో మాత్రం 32 బంతులు ఎదుర్కొన్న యశ్‌పాల్ శర్మ ఒక బౌండరీ సాయంతో 11 పరుగులే చేసి ఔటయ్యాడు. క్రీజులో సెటిలైన తర్వాత బ్యాట్ ఝళిపించేందుకు ప్రయత్నిస్తూ అతను వికెట్ చేజార్చుకున్నాడు. అయినప్పటికీ.. ఆ ఫైనల్లో 43 పరుగుల తేడాతో వెస్టిండీస్‌ని ఓడించిన భారత్.. తొలిసారి వరల్డ్‌కప్‌ని ముద్దాడింది.

యశ్‌పాల్ శర్మ మృతిపై భారత మాజీ క్రికెటర్లు సంతాపం వ్యక్తం చేస్తున్నారు. సచిన్ టెండూల్కర్, వీవీఎస్ లక్ష్మణ్, యువరాజ్ సింగ్, వసీం జాఫర్, ఇర్ఫాన్ పఠాన్, ఆకాశ్ చోప్రా తదితరులు యశ్‌పాల్ శర్మకి ట్విట్టర్ ద్వారా సంతాపం తెలిపారు.

Leave a Reply

Your email address will not be published. Required fields are marked *

Next Post

ఆ రెండు కోరికలు తీరకుండానే కన్నుమూశారు.. కత్తిమహేష్ జీవితంలో మిగిలిన అసంతృప్తి ఇదే

Tue Jul 13 , 2021
ప్రముఖ తెలుగు దర్శకుడు, విమర్శకుడు కత్తి మహేష్ ఈ మధ్య రోడ్డు ప్రమాదంలో తుదిశ్వాస విడిచిన విషయం తెలిసిందే. తన కెరీర్‌లో ఎన్నో ఘనతలు సాధించిన ఆయన ఓ రెండు కోరికలు తీరకుండానే ప్రాణాలు కోల్పోయారట.