TPCC ఎంపిక చివరి దశకు.. సీల్డ్ కవర్‌లో ఆయన పేరే..?

Telangana PCC Chief: టీపీసీసీ చీఫ్ రేసులో చివరి దశ వరకూ ఎంపీలు కోమటిరెడ్డి వెంకట్‌రెడ్డి, రేవంత్‌ రెడ్డిల పేర్లు బలంగా వినిపించాయి. సీల్డ్ కవర్‌లో వీరిలో ఒకరి పేరే ఉందని పార్టీ కీలక నేతలు అంటున్నారు.

ప్రధానాంశాలు:టీపీసీసీ చీఫ్ ఎంపికపై ఉత్కంఠచివరి దశకు ఎంపిక ప్రక్రియ!త్వరలో ప్రకటించే అవకాశంకొద్ది నెలల నుంచి తీవ్రమైన ఉత్కంఠ రేపుతున్న తెలంగాణ ప్రదేశ్ కాంగ్రెస్ కమిటీ (టీపీసీసీ) అధ్యక్షుడి ఎంపిక చివరి దశకు వచ్చినట్లు తెలుస్తోంది. చివరిదశలో ఇద్దరి పేర్లు మాత్రమే ఉన్నట్లు సమాచారం. అయితే, ఇప్పటికే ఒకరి పేరును ఖరారు చేసి సీల్డ్ కవర్లో ఉంచినట్లు ప్రచారం జరుగుతోంది. రేపో మాపో ప్రకటించే అవకాశం ఉందని పార్టీ వర్గాలు అంచనా వేస్తున్నాయి.

టీపీసీసీ చీఫ్ రేసులో చివరి దశ వరకూ ఎంపీలు కోమటిరెడ్డి వెంకట్‌రెడ్డి, రేవంత్‌ రెడ్డిల పేర్లు బలంగా వినిపించాయి. సీల్డ్ కవర్‌లో వీరిలో ఒకరి పేరే ఉందని పార్టీ కీలక నేతలు అంటున్నారు. పేరును ప్రకటించే ముందు తెలంగాణ రాష్ట్ర వ్యవహారాల ఇంఛార్జ్ మాణిక్కం ఠాగూర్ మరోసారి సోనియా గాంధీతో భేటీ అయి చర్చించనున్నట్లు తెలుస్తోంది. అయితే, తొలి నుంచి టీపీసీసీ రేసులో ఉన్న రేవంత్ రెడ్డి, కోమటిరెడ్డితో పాటు నిజామాబాద్ మాజీ ఎంపీ మధు గౌడ్ యాస్కి కూడా పోటీ పడ్డారు. వీహెచ్, జగ్గారెడ్డి సహా పలువురు నేతలు తమకు పీసీసీ ఇవ్వాలని బహిరంగంగానే ప్రకటించేశారు. జగ్గారెడ్డి ఒకడుగు కిందికి దిగి తనకు కార్యనిర్వహక అధ్యక్షుడి పదవైనా ఇవ్వాలని వేడుకున్నారు.

ఇదిలా ఉంటే.. ఎన్నో రోజుల కసరత్తు, ప్రత్యక్ష పరిశీలన చేయించిన కాంగ్రెస్ అధిష్ఠానం, పీసీసీ చీఫ్‌ పేరుపై ఓ స్పష్టతకు వచ్చినట్లు తెలుస్తోంది. మాణిక్కం ఠాగూర్ తెలంగాణలో పార్టీ సీనియర్ నేతలు, డీసీసీల అభిప్రాయాలు కూడా సేకరించిన సంగతి తెలిసిందే. దాంతో నివేదిక సేకరించి ఆ నివేదికను గతంలోనే సోనియా గాంధీకి అందించారు. చివరికి ఇద్దరి పేర్లను షార్ట్ లిస్ట్ చేసి ఒకర్ని ఎంపిక చేసినట్టు సమాచారం. వీరి పేరును సీల్డ్ కవర్‌లో ఉంచినట్లు తెలుస్తోంది. అయితే, అందులో ఏ పేరు ఉందోనని కాంగ్రెస్ వర్గాలు ఉత్కంఠతో ఉండగా.. రేవంత్ రెడ్డికే పీసీసీ చీఫ్ అంటూ ఆయన అభిమానులు సామాజిక మాధ్యమాల్లో పోస్టులు చేస్తున్నారు.

ఆదిలాబాద్‌లో వింత పెళ్లి, ఇదో విచిత్రం.. ఏలాగో తెలిస్తే ముక్కున వేలేసుకుంటారు! సడెన్‌గా సర్పంచ్‌కు ఫోన్ చేసిన KCR.. సీఎం చెప్పింది విని ఫుల్ ఖుషీ

Leave a Reply

Your email address will not be published. Required fields are marked *

Next Post

మరో బెస్ట్‌టీవీని మార్కెట్లో లాంచ్ చేసిన టీవీ.. 65 అంగుళాల స్క్రీన్.. ధర ఎంతంటే?

Fri Jun 18 , 2021
ప్రముఖ ఎలక్ట్రానిక్స్ దిగ్గజ బ్రాండ్ సోనీ తన కొత్త స్మార్ట్ టీవీని మనదేశంలో లాంచ్ చేసింది. అదే సోనీ బ్రేవియా ఎక్స్ఆర్ ఏ80జే ఓఎల్ఈడీ టీవీ. ఇందులో 65 అంగుళాల డిస్‌ప్లేను అందించడం విశేషం.