సడెన్‌గా ప్లేట్‌లెట్స్ తగ్గిపోవడం కరోనా లక్షణమే!

Platelets in Blood ఇప్పటి వరకూ జ్వరం, వాంతులు, విరోచనాలు, ఒళ్లు నొప్పులను కరోనా వైరస్ లక్షణాలుగా భావించేవారు. తాజాగా, మరికొన్ని లక్షణాలు బయటపడితే కరోనాగా పరిగణించాలి.

ప్రధానాంశాలు:రూపం మార్చుకుంటున్న కరోనా వైరస్.కొత్త లక్షణాలు గుర్తించిన నిపుణులు.అలసట, నిస్సత్తువ కరోనాకు సంకేతం. తీవ్రమైన అలసట, రక్తంలో ప్లేట్‌లెట్స్ అకస్మాత్తుగా పడిపోవడం కోవిడ్ ప్రారంభ దశకు సంకేతమని, తర్వాత జ్వరం, శ్వాస తీసుకోవడం ఇబ్బంది అభివృద్ధి చెందుతాయని నిపుణులు హెచ్చరిస్తున్నారు. లక్నోకి చెందిన అలీమ్ షేక్ (60) అనే వ్యక్తి తీవ్రమైన అలసటకు గురికావడంతో ఏప్రిల్ 19న రక్త పరీక్షలు చేయించుకోగా ప్లేట్‌లెట్స్ సాధారణ కంటే భారీగా తగ్గిపోయాయి. 1.5-4.5 లక్షల ఉండాల్సిన ప్లేట్‌లెట్స్ 85,000వేలకు పడిపోయాయి. దీంతో వైద్యుల సూచన మేరకు ఔషధాలు తీసుకోవడం ప్రారంభించాడు.

కానీ, ఏప్రిల్ 23న అతడు శ్వాసతీసుకోవడంలో తీవ్ర ఇబ్బంది పడ్డాడు. మరోసారి రక్త పరీక్షలు నిర్వహించగా.. ప్లేట్‌లెట్స్ కౌంట్ 20వేలకు దిగిపోయింది. అతడిని చికిత్స కోసం కుటుంబసభ్యులు పలు ఆస్పత్రుల చుట్టూ తిరిగినా ఆక్సిజన్ కొరత కారణంగా ఎవ్వరూ చేర్చుకోలేదు. వైద్యం అందక రెండు రోజుల కిందట అతడు చనిపోయాడు. మ

రో వ్యక్తికి కూడా ఇలాగే జరిగింది. బలాగంజ్‌కు చెందిన రాజ్ కుమార్ రస్తోగికి ఏప్రిల్ 13న అలసటగా అనిపించడంతో మర్నాడు రక్త పరీక్షలు చేయించుకున్నాడు. ప్లేట్‌లెట్స్ 21,000కి పడిపోయినట్టు రిపోర్టులో వెల్లడయ్యింది. దీంతో వైద్యుల సూచనల మేరకు మెడికేషన్ తీసుకోవడంతో పరిస్థితి కొంత మెరుగుపడింది. కానీ, ఏప్రిల్ 16 శ్వాసతీసుకోవడంలో ఇబ్బంది ఎదురయ్యింది. చికిత్స కోసం ఓ ప్రయివేట్ ఆస్పత్రికి తరలించగా.. సీటీ స్కాన్‌లో కోవిడ్‌గా గుర్తించారు.

ఆయనలో ఎటువంటి కోవిడ్ లక్షణాలు కనిపించలేదని, కనీసం ఊపిరి తీసుకోవడంలోనూ ఇబ్బంది పడలేదని కుటుంబసభ్యులు తెలిపారు. ఏప్రిల్ 17న ఆస్పత్రిలో చేర్చగా.. ఊపిరితిత్తుల్లో ఇన్‌ఫెక్షన్ తీవ్రమై వెంటిలేటర్ సౌకర్యం లేకపోవడంతో ఏప్రిల్ 20న చనిపోయారు. మరో వ్యక్తికి కూడా ఇలాగే జరిగింది. దీనిపై కింగ్ జార్జ్ మెడికల్ యూనివర్సిటీ రెస్పిరేటరీ మెడిసిన్ విభాగం ప్రొఫెసర్ డాక్టర్ సంతోష్ కుమార్ మాట్లాడుతూ..‘‘వైరల్ ఇన్‌ఫెక్షన్ కారణంగా ప్లేట్‌లెట్స్ సంఖ్య తగ్గుతుంది.. అందువల్ల అలసటను విస్మరించకూడదు..కోవిడ్ పరీక్ష చేయించుకోవాలి’’ అని అన్నారు.

‘‘కరోనాకు సాధారణ ఇన్‌ఫ్లూయోంజా వంటి లక్షణాలు సాధారణం కానీ, విరేచనాలు, కళ్లు ఎర్రబడటం, దద్దుర్లు, అలసట కూడా కరోనా లక్షణాలేనని అన్నారు. వైరల్ ఫీవర్ లక్షణాలలో తీవ్రమైన అలసట, అనారోగ్యం ఉంటాయి… కోవిడ్ కూడా ఒక రకమైన వైరస్ కావడంతో జ్వరంతోపాటు ఈ రెండు లక్షణాలు కూడా ఉండొచ్చు’’ అని రామ్‌ మనోహర్ లోహియా ఇన్‌స్టిట్యూట్ ఆఫ్ మెడికల్ సైన్సెస్ వైద్యుడు విక్రమ్ సింగ్ తెలిపారు.

‘‘సాధారణ వ్యక్తిలో లీటర్ రక్తానికి ప్లేట్‌లెట్స్ 1.5-4.5 లక్షల మధ్య ఉంటాయి.. కొన్ని సందర్భాల్లో ఇవి 75,000-85,000 వేలకు పడిపోతాయి.. డెంగ్యూ, ఇతర వ్యాధుల సోకితే ఈ విధంగా జరుగుతుంది.. ఒకవేళ అలసట, తీవ్రమైన నిస్సత్తువగా అనిపిస్తే కోవిడ్ పరీక్ష చేయించుకోవాలి’’ అని అన్నారు.

Leave a Reply

Your email address will not be published. Required fields are marked *

Next Post

కరోనాతో ప్రముఖ దర్శకుడు సాయి బాలాజీ ప్రసాద్ కన్నుమూత

Mon Apr 26 , 2021
కరోనా కారణంగా టాలీవుడ్ దర్శకుడు, రచయత ఎన్. సాయి బాలాజీ ప్రసాద్ (ఎన్. వర ప్రసాద్) మరణించారు. ఆయన మృతి పట్ల పలువురు సినీ ప్రముఖులు సంతాపం వ్యక్తం చేస్తున్నారు.