గంజాయి ధరకు తిరుగులేదు.. సాగుకు అనుమతివ్వండి: కలెక్టర్‌కు రైతు వినతిపత్రం!

రైతుల ఆరుగాలం శ్రమించి పంట బాగా పండినా.. కనీస మద్దతు ధర కూడా కరవవుతోంది. కనీసం పెట్టుబడి కూడా దక్కక అప్పులపాలవుతున్నాడు. ఈ క్రమంలో పలువురు బలవన్మరణాలకు పాల్పడుతున్నారు.

ప్రధానాంశాలు:పంటకు గిట్టుబాటు లేక తీవ్ర నిరాశలో రైతులు.గంజాయి సాగుకు అనుమతికోరిన సోలాపూర్ రైతు.పోలీసులకు సమాచారం ఇచ్చిన అధికారులు.పండించిన పంటకు సరైన ధరలేక ఆవేదనతో రైతులు వాటిని రోడ్లపై పారబోసిన సంఘటనలు తరుచూ ఏదో ఒక చోట జరుగుతూనే ఉన్నాయి. తాజాగా, పంటకు మద్దతు ధరలేక విసిగి వేసారిపోయిన ఓ రైతు.. గంజాయి సాగు చేసుకోవడానికి అనుమతించాలని వినతిపత్రం ఇవ్వడంతో అధికారులు నోరెళ్లబెట్టారు. ఈ ఘటన మహారాష్ట్రలోని సోలాపూర్‌లో జిల్లా మొహోల్ తహసీల్ పరిధిలో చోటుచేసుకుంది. అనిల్ పాటిల్ అనే రైతు గంజాయి సాగుకు అనుమతి కోరుతూ వినతిపత్రం అందజేయడంతో అధికారులు అవాక్కయ్యారు.

‘రైతు పండించిన ఏ పంటకూ మార్కెట్లో స్థిరమైన ధర లేదు. నిషేధం ఉన్న గంజాయి ధరకు మాత్రం తిరుగులేదు. మీరు అనుమతిస్తే దానిని సాగు చేసుకుంటా’అని కలెక్టర్‌కు ఇచ్చిన వినతిపత్రంలో రైతు పేర్కొన్నాడు. షాక్ నుంచి తేరుకున్న అధికారులు రైతు వినతిని పోలీసులకు పంపారు. దీనిపై పోలీసులు స్పందిస్తూ ఇదంతా ప్రచారం కోసమే చేశారని, గంజాయి సాగుచేస్తే కేసు పెడతామని హెచ్చరించారు.

‘ఏ పంట సాగు చేసినా గిట్టుబాటు ధర ఉండదు.. వ్యవసాయంలో నష్టాలు తప్పడం లేదు. రానురాను పెట్టుబడులు కూడా తిరిగి రావడం చాలా కష్టమవుతోంది.. షుగర్ ఫ్యాక్టరీలకు అమ్మిన చెరకు బకాయిలు ఇంకా చెల్లించలేదు… ప్రభుత్వం నిషేధించిన గంజాయికి మంచి ధర, డిమాండ్ ఉంది.. సాగు చేయడానికి మీరు అనుమతిస్తే నాకున్న రెండెకరాల పొలంో ఆ పంట వేస్తాను… నా వినతిపై సెప్టెంబరు 15 లోపు సమాధానం ఇవ్వాలి.. లేనిపక్షంలో మీరు అనుమతి ఇచ్చారని భావించి గంజాయి సాగు ప్రారంభిస్తాను. నా మీద ఏ నేరం మోపినా అధికారులే బాధ్యులవుతారు’ అని లేఖలో పేర్కొన్నారు.

దీనిపై మొహోల్‌ పోలీస్ స్టేషన్ ఇన్‌స్పెక్టర్‌ అశోక్‌ సాయ్‌కర్‌ మాట్లాడుతూ.. రైతు వినతిపత్రం ప్రచార ఎత్తుగడగా కొట్టిపారేశారు. ఒకవేళ ఆయన గంజాయి సాగు చేస్తే, రైతుకు వ్యతిరేకంగా కేసు పెడతామన్నారు.

Leave a Reply

Your email address will not be published. Required fields are marked *

Next Post

Taliban గురువు పాక్ నుంచి బాగానే నేర్చుకున్నారు.. తాలిబన్లపై విరుచుకుపడ్డ ఆపద్ధర్మ అధ్యక్షుడు!

Fri Aug 27 , 2021
Kabul Attack కాబూల్ విమానాశ్రయంలో ఎక్కడచూసినా మాంసం ముద్దలు, రక్తపు మడుగులే దర్శనమిస్తున్నాయి. అమెరికా, పశ్చిమ దేశాలు హెచ్చరికలు చేసిన కొద్ది గంటల్లోనే ఉగ్రవాదులు పంజా విసిరారు.