Virat Kohli Trolls: పండగ చేసుకుంటున్న రోహిత్ శర్మ ఫ్యాన్స్.. నవ్వులే నవ్వులు

విరాట్ కోహ్లీ టీ20 కెప్టెన్సీ నుంచి తప్పుకోబోతున్నట్లు ప్రకటించగానే.. రోహిత్ శర్మ ఫ్యాన్స్ ట్విట్టర్‌లో సరదా మీమ్స్‌తో చెలరేగిపోతున్నారు. గత రెండేళ్లుగా కోహ్లీ, రోహిత్ శర్మ మధ్య కోల్డ్ వార్ నడుస్తుండగా..

ప్రధానాంశాలు:టీ20 కెప్టెన్సీ నుంచి వైదొలగబోతున్న విరాట్ కోహ్లీ కెప్టెన్‌గా టీ20 వరల్డ్‌కప్ ఆఖరని ప్రకటనటీ20 టీమ్ కెప్టెన్‌గా రోహిత్ శర్మ ఎంపికయ్యే ఛాన్స్సోషల్ మీడియాలో హిట్‌మ్యాన్ ఫ్యాన్స్ హంగామాటీ20 వరల్డ్‌కప్ తర్వాత భారత టీ20 జట్టు కెప్టెన్సీ నుంచి వైదొలగబోతున్నట్లు విరాట్ కోహ్లీ గురువారం ప్రకటించడంతో.. రోహిత్ శర్మ ఫ్యాన్స్ ఫుల్ జోష్‌లో కనిపిస్తున్నారు. 2019 వన్డే ప్రపంచకప్ నుంచి విరాట్ కోహ్లీ, రోహిత్ శర్మ మధ్య ప్రచ్ఛన్న యుద్ధం నడుస్తుండగా.. హిట్‌మ్యాన్‌కి టీ20 పగ్గాలు ఇవ్వాలనే డిమాండ్ కూడా గత రెండేళ్లుగా పెద్ద ఎత్తున వినిపిస్తోంది. కోహ్లీతో పోలిస్తే..? టీ20ల్లో రోహిత్ శర్మకి కెప్టెన్‌గా మెరుగైన రికార్డులు ఉండటం కూడా ఆ వాదనకి బలం చేకూరుస్తూ వచ్చింది. తాజాగా కోహ్లీ నిర్ణయంతో రోహిత్ శర్మ టీ20 పగ్గాలు అందుకోవడం లాంఛనమే. దాంతో.. హిట్‌మ్యాన్ అభిమానులు ట్విట్టర్‌ని షేక్ చేస్తున్నారు.

రోహిత్ శర్మ కెప్టెన్సీలోని ముంబయి ఇండియన్స్ టీమ్‌ ఐదుసార్లు ఐపీఎల్ విజేతగా నిలవగా.. కోహ్లీ కెప్టెన్సీలోని రాయల్ ఛాలెంజర్స్ బెంగళూరు జట్టు కనీసం ఒక్కసారి కూడా టైటిల్ గెలవలేకపోయింది. దాంతో.. ఈ రికార్డుని గత రెండేళ్లుగా ఎక్కువగా ప్రస్తావిస్తూ వచ్చిన రోహిత్ శర్మ అభిమానులు.. కోహ్లీపై పరోక్షంగా ఒత్తిడి పెంచారు. మరోవైపు కోహ్లీ కెప్టెన్సీలో భారత్ జట్టు కూడా ఐసీసీ టైటిల్ గెలవలేకపోవడంతో మాజీ క్రికెటర్లు కూడా కెప్టెన్సీ విభజన జరగాలని సూచిస్తూ వచ్చారు. టెస్టులు, వన్డేల్లో కోహ్లీనే కెప్టెన్‌గా కొనసాగినా.. టీ20 పగ్గాలు మాత్రం రోహిత్ శర్మకి ఇస్తే బాగుంటుందని మాజీ క్రికెటర్లు చెప్పుకొచ్చారు.

విరాట్ కోహ్లీ కెప్టెన్సీలో భారత క్రికెటర్లు ఎక్కువగా అభద్రతా భావానికి లోనవుతున్నారని.. అలానే కోహ్లీ దూకుడు కారణంగా మైదానంలో వారు ఒత్తిడికి గురవుతున్నట్లు కూడా ఆరోపణలు వినిపిస్తున్నాయి. మరోవైపు రోహిత్ శర్మ కెప్టెన్‌గా ఆటగాళ్లకి పూర్తి స్వేచ్ఛనివ్వడంతో పాటు.. ధోనీ తరహాలో వారికి మద్దతుగా నిలవడం కూడా అతనికి సపోర్ట్ పెరగడానికి ఓ కారణంగా చెప్పొచ్చు. కోహ్లీ తీరు నచ్చకే రోహిత్ శర్మ కూడా అతనికి కాస్త దూరంగా ఉంటున్నాడనే ప్రచారం గత రెండేళ్లుగా జరుగుతూనే ఉంది. మొత్తంగా.. రోహిత్ శర్మ చేతికి టీ20 పగ్గాలు రాబోతుండటంతో.. అతని అభిమానులు సోషల్ మీడియాలో పెద్ద ఎత్తున సంబరాలు చేసుకుంటున్నారు. అలానే కోహ్లీపైనా సరదాగా మీమ్స్ క్రియేట్ చేస్తున్నారు.

Leave a Reply

Your email address will not be published. Required fields are marked *

Next Post

Taliban ప్రభుత్వంలో తీవ్రమైన అంతర్గత కుమ్ములాట.. అలకబూనిన బరాదర్!

Fri Sep 17 , 2021
రెండు దశాబ్దాల తర్వాత మళ్లీ అఫ్గన్‌ను ఆక్రమించుకున్న తాలిబన్లు.. పది రోజుల కిందట తాత్కాలిక ప్రభుత్వాన్ని ఏర్పాటుచేశారు. అయితే, ఇంత వరకూ క్యాబినెట్ ప్రమాణస్వీకారం జరగలేదు.