Drugs Case ప్రకంపనలు.. బండి సంజయ్, ఆర్‌ఎస్ ప్రవీణ్‌ను లాగిన మాజీ ఎంపీ, కేటీఆర్‌కి నో

White Challenge: డ్రగ్స్ వ్యవహారం రాజకీయ రంగు పులుముకుంది. మాదక ద్రవ్యాలు తీసుకోలేదని తమ సచ్చీలతను నిరూపించుకోవాలంటూ రేవంత్ విసిరిన సవాల్‌కి మాజీ ఎంపీ స్పందించారు. మంత్రి కేటీఆర్ కోర్టుకెక్కారు.

ప్రధానాంశాలు:రేవంత్ చాలెంజ్‌కి స్పందించిన విశ్వేశ్వర్ రెడ్డిగన్ పార్కు వద్దకి వచ్చిన మాజీ ఎంపీబండి సంజయ్, ప్రవీణ్‌కి చాలెంజ్టాలీవుడ్ డ్రగ్స్ కేసు తెలంగాణలో రాజకీయ ప్రకంపనలు రేపుతోంది. వ్యవహారం కేటీఆర్ వర్సెస్ రేవంత్ రెడ్డిగా మారిపోయింది. డ్రగ్స్ కేసును పక్కదోవ పట్టించారని.. ఆ కేసుతో మంత్రి కేటీఆర్‌కి సంబంధముందని టీపీసీసీ చీఫ్ రేవంత్ రెడ్డి ఆరోపిస్తున్నారు. అందుకే ఎక్సైజ్ శాఖ రిపోర్టును బుట్టదాఖలు చేశారని మండిపడుతున్నారు. అనవసరంగా డ్రగ్స్ కేసులో తనను లాగుతున్నారని కేటీఆర్ ఎదురుదాడికి దిగారు. కావాలంటే పరీక్షలు కోసం తన వెంట్రుకలు, రక్తం ఇస్తానని చాలెంజ్ చేశారు. తన పరువుకు నష్టం కలిగించారంటూ ఆయన కోర్టుని కూడా ఆశ్రయించారు.

మంత్రి కేటీఆర్‌ చాలెంజ్‌కి స్పందించిన రేవంత్ రెడ్డి దమ్ముంటే గన్ పార్కు వద్దకు రావాలని.. ఆస్పత్రికి వెళ్లి పరీక్షలు చేయించుకుందామంటూ ప్రతి సవాల్ విసిరారు. మంత్రి కేటీఆర్‌‌తో పాటు మాజీ ఎంపీ కొండా విశ్వేశ్వర రెడ్డిని సైతం లాగారు. డ్రగ్స్ వాడలేదని నిరూపించుకుని.. తెలంగాణ యువతకు ఆదర్శంగా నిలవాలని వైట్‌చాలెంజ్ విసిరారు. తననెందుకు లాగారో తెలియదన్న మాజీ ఎంపీ.. అయినా చాలెంజ్‌ని స్వీకరించారు.

ఈరోజు గన్‌పార్క్ వద్దకు చేరుకుని డ్రగ్స్ వ్యతిరేక నిరసనలో పాల్గొన్న మాజీ ఎంపీ విశ్వేశ్వర్ రెడ్డి అనూహ్యంగా మరో ఇద్దరు నేతలకు చాలెంజ్ విసిరారు. బీజేపీ స్టేట్ చీఫ్ బండి సంజయ్, మాజీ ఐపీఎస్.. బీఎస్పీ రాష్ట్ర కన్వీనర్ ఆర్‌ఎస్ ప్రవీణ్‌ కుమార్‌కి వైట్ చాలెంజ్ చేశారు. తనకు సవాల్ విసిరిన రేవంత్‌కి తిరిగి ప్రతిసవాల్ చేశారు. అందుకు ఆయన ఆసక్తికర కారణం చెప్పారు. బండి సంజయ్, ఆర్‌స్ ప్రవీణ్, రేవంత రెడ్డి.. ఈ ముగ్గురూ యువతను ప్రభావితం చేయగలరని.. డ్రగ్స్‌కి వ్యతిరేకంగా స్ఫూర్తిని నింపగలరని ఆయన ప్రశంసించడం విశేషం. అయితే మాజీ ఎంపీ లిస్టులో కేటీఆర్‌కి చోటు దక్కకపోవడం విశేషం.

Also Read: White Challange గన్ పార్క్‌కు చేరుకున్న రేవంత్ రెడ్డి.. తీవ్ర ఉత్కంఠ
Read Also: దుమారం రేపుతోన్న డ్రగ్స్ యవ్వారం.. నన్నెందుకు లాగారో.. మాజీ ఎంపీ షాక్! అయినా ఓకే

Leave a Reply

Your email address will not be published. Required fields are marked *

Next Post

మహేష్ బాబుపై శ్రీ రెడ్డి నాటీ కామెంట్.. ఏకంగా ఆ మాట అనేస్తూ!! దారుణమైన సెటైర్స్ వేస్తున్న నెటిజన్స్

Mon Sep 20 , 2021
సూపర్ స్టార్ మహేష్ బాబుపై శ్రీ రెడ్డి నాటీ కామెంట్ చేసింది. ఆమె చేసిన ఈ పోస్ట్ నెట్టింట వైరల్ అవుతోంది. ఇది చూసి నెటిజన్లు దారుణమైన సెటైర్స్ వేస్తున్నారు.