దుమారం రేపుతోన్న డ్రగ్స్ యవ్వారం.. నన్నెందుకు లాగారో.. మాజీ ఎంపీ షాక్! అయినా ఓకే

టాలీవుడ్ డ్రగ్స్ కేసు రాజకీయ రంగు పులుముకుంది. మంత్రి కేటీఆర్‌కి సంబంధముందని కాంగ్రెస్ చీఫ్ తీవ్ర ఆరోపణలు చేశారు. రక్తం, వెంట్రుకలు ఇస్తానని కేటీఆర్ చేసిన సవాల్‌కి రేవంత్ వైట్ చాలెంజ్ విసిరారు.

ప్రధానాంశాలు:శాంపిల్స్ ఇవ్వాలని రేవంత్ చాలెంజ్సోమవారం అమరవీరుల స్థూపం వద్దకు..మాజీ ఎంపీ కొండా షాకింగ్ ట్వీట్తెలంగాణలో డ్రగ్స్ వ్యవహారం తీవ్ర దుమారం రేపుతోంది. టాలీవుడు డ్రగ్స్ కేసు రాజకీయంగా ప్రకంపనలు పుట్టిస్తోంది. గతంలో తెలంగాణ ప్రొహిబిషన్ అండ్ ఎక్సైజ్ శాఖ పలువురు టాలీవుడ్ సెలబ్రిటీలను విచారణకు పిలిచి.. సేకరించిన వివరాలను బయటపెట్టాలని టీపీసీసీ చీఫ్ రేవంత్ రెడ్డి డిమాండ్ చేయడంతో కేసు ఒక్కసారిగా హాట్‌టాపిక్‌గా మారింది. కీలక నేతల జోక్యంతో ఆ కేసు మూలన పడిందని.. ఇప్పుడు ఈడీ విచారణ చేస్తామంటే అప్పటి వివరాలు ఎందుకు అందజేయడం లేదని ఆయన ప్రశ్నించారు. మంత్రి కేటీఆర్‌కి డ్రగ్స్ వ్యవహారంతో సంబంధముందని ఆయన తీవ్ర ఆరోపణలు కూడా చేశారు.

అందుకు మంత్రి కేటీఆర్ కూడా అదే రేంజ్‌లో రివర్స్ కౌంటరిచ్చారు. డ్రగ్స్‌తో తనకేం సంబంధం లేదని.. కావాలంటే తన వెంట్రుకలు, రక్తం ఇస్తా పరీక్షలు చేయించుకోవాలంటూ సవాల్ విసిరారు. మరోమారు అవాస్తవాలు ప్రచారం చేస్తే ఊరుకునేది లేదంటూ ఘాటుగానే హెచ్చరించారు. మంత్రి సవాల్‌కి ఘాటుగా స్పందించిన రేవంత్ రెడ్డి షాకింగ్ ప్రతిపాదనతో ముందుకొచ్చారు. రక్తం, వెంట్రకలు శాంపిల్స్ ఇద్దామని.. సోమవారం అమరవీరుల స్థూపం వద్దకు రావాలని ఛాలెంజ్ చేశారు. మంత్రి కేటీఆర్‌‌కి వైట్ చాలెంజ్ విసిరారు. అయితే మాజీ ఎంపీ కొండా విశ్వేశ్వర్ రెడ్డిని కూడా రమ్మనడం హాట్‌టాపిక్‌గా మారింది.

మంత్రి కేటీఆర్‌తో టీపీసీసీ చీఫ్ రేవంత్ చాలెంజ్‌ ఎలా ఉన్నా.. మాజీ ఎంపీ విశ్వేశ్వర రెడ్డికి కూడా చాలెంజ్ విసరడం ఆసక్తికరంగా మారింది. రేవంత్ సవాల్‌ చూసి కొండా విశ్వేశ్వర్ రెడ్డికి షాక్ తిన్నంత పనైంది. డ్రగ్స్‌కి తాను వ్యతిరేకమని.. అసలు ఈ వ్యవహారంలోకి తననెందుకు లాగారో తెలియడం లేదని ఆయన అవాక్కయ్యారు. చాలా మంది ఫోన్ చేసి మరీ అడుగుతున్నారని.. ఏదేమైనా రేవంత్ చాలెంజ్‌కి తాను సిద్ధమని ఆయన ప్రకటించారు.

సామాజిక కార్యకర్గగానే కాకుండా ఓ కుటుంబ పెద్దగా కూడా తాను డ్రగ్స్‌ని వ్యతిరేకిస్తున్ననని కొండా విశ్వేశ్వర్ రెడ్డి స్పష్టం చేశారు. చాలా మంది ధనవంతుల పిల్లలు డ్రగ్స్‌కి బానిసలుగా మారి జీవితాలను నాశనం చేసుకుంటున్నారని ఆయన అన్నారు. డ్రగ్స్ సంస్కృతి సమాజంలో విపరీతంగా పెరిగిపోతోందని..అది కుటుంబాలను, సమాజాన్ని విచ్ఛిన్నం చేస్తోందని కొండా ట్వీట్ చేశారు. అయితే మంత్రి కేటీఆర్ ఎలా స్పందిస్తారో చూడాల్సి ఉంది.

Also Read: బీజేపీ, కాంగ్రెస్‌కు టీఆర్ఎస్ కౌంటర్ ప్లాన్.. వచ్చే నెలలో భారీ సభకు సన్నాహాలు

Leave a Reply

Your email address will not be published. Required fields are marked *

Next Post

ఏపీకి బిగ్ అలర్ట్: మూడు రోజులు భారీ వర్షాలు.. ఈ జిల్లాల్లో..!

Sun Sep 19 , 2021
ఆంధ్రప్రదేశ్‌లో మూడు రోజుల పాటు భారీ వర్షాలు కురుస్తాయని అమరావతి వాతావరణ శాఖ అధికారులు వెల్లడించారు.