మద్రాస్ హైకోర్టు చీవాట్లు. మే 2న విజయోత్సవాలపై ఈసీ కీలక ఆదేశాలు

దేశంలో కరోనా వైరస్ అడ్డఅదుపూ లేకుండా పెరిగిపోవడానికి ఎన్నికల కమిషనే కారణమని, కోవిడ్ నిబంధనల విషయంలో ఈసీ బాధ్యతారాహిత్యంగా వ్యవహరించిందని మద్రాస్ హైకోర్టు మండిపడిన విషయం తెలిసిందే.

ప్రధానాంశాలు:మే 2న ఫలితాల వెల్లడిపై ఈసీ నిర్ణయం.విజయోత్సవాలను రద్దుచేసిన ఎన్నికల కమిషన్.గెలిచిన అభ్యర్ధి వెంట ఇద్దరికే అనుమతి.దేశంలో కరోనా రెండో దశ వ్యాప్తికి కేంద్ర ఎన్నికల సంఘానిదే బాధ్యతని మద్రాస్ హైకోర్టు ఆక్షింతలు వేసిన 24 గంటల్లోనే ఈసీ మేల్కోంది. ఓట్ల లెక్కింపు రోజున విజయోత్సవాలను రద్దుచేస్తున్నట్టు మంగళవారం వెల్లడించింది. గత కొద్దివారాలుగా కరోనా వైరస్ వ్యాప్తి ఉద్ధృతంగా ఉన్న నేపథ్యంలో ఈసీ ఈ నిర్ణయం తీసుకుంది. పశ్చిమ్ బెంగాల్, తమిళనాడు, కేరళ, అసోం రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల ఓట్ల లెక్కింపు మే 2న జరగునున్న విషయం తెలిసిందే. బెంగాల్‌లో చివరి దశ పోలింగ్ ఏప్రిల్ 29న జరగనుంది.

‘‘రిటర్నింగ్ ఆఫీసర్ నుంచి డిక్లరేషన్ పత్రాన్ని అందుకోడానికి గెలుపొందిన అభ్యర్థి లేదా అతడి తరఫున వచ్చేవారి వెంట ఇద్దరికి మించి అనుమతించబోం’’ అని మంగళవారం నాటి ప్రకటనలో పేర్కొంది. కోవిడ్ మహమ్మారి రెండో దశ వ్యాప్తి నియంత్రణ కట్టడి చర్యల్లో భాగంగా పోటీ చేసే పార్టీలు, అభ్యర్థులు అనుసరించాల్సిన ప్రోటోకాల్‌ను రూపొందించింది. ఏదేమైనప్పటికీ, రాజకీయ పార్టీలు, నేతలు మాత్రం కోవిడ్ నిబంధనలను ఉల్లంఘించారు, భారీ ర్యాలీలు, బహిరంగ సభలు నిర్వహించి సామాజిక దూరం నిబంధనకు తూట్లు పొడించారు.

దేశంలో కరోనా విలయానికి ఐదు రాష్ట్రాల ఎన్నికలు దోహదపడ్డాయనడంలో ఎటువంటి సందేహం లేదు. వరుసగా రోజూ దేశంలో మూడు లక్షలకుపైగా కేసులు.. 2వేలకుపైగా మరణాలు నమోదయ్యాయి. దీంతో దేశంలో మొత్తం కోవిడ్ బాధితుల సంఖ్య 1.76 కోట్లకు, కరోనా మరణాలు 1.98 లక్షలకు చేరాయి. ఇదిలా ఉండగా, దేశంలో కరోనా విజృంభణకు ఈసీయే కారణమని మద్రాస్ హైకోర్టు సోమవారం ఆగ్రహం వ్యక్తం చేసింది. రాజకీయ పార్టీలు కోవిడ్ నిబంధనలను ఉల్లంఘిస్తే చోద్యం చూశారని మండిపడింది.

ఓట్ల లెక్కింపు విషయంలో తీసుకునే కోవిడ్ ప్రోటోకాల్‌పై తమకు స్పష్టమైన ప్రణాళిక అందజేయకపోతే మే 2న కౌంటింగ్ ఆపివేస్తామని వార్నింగ్ ఇచ్చింది. ఆలోగా తమకు బ్లూప్రింట్ సమర్పించాలని ఈసీని ఆదేశించింది. లెక్కింపు సమయంలో కోవిడ్ ప్రోటోకాల్ పాటిస్తున్నారా? లేదా.. ప్రజారోగ్యానికి ఎంతో ప్రాముఖ్యత ఉంది.. రాజ్యాంగ అధికారులకు ఈ విషయం గుర్తు చేయాల్సిన అవసరం ఉందని హెచ్చరించింది.

Leave a Reply

Your email address will not be published. Required fields are marked *

Next Post

యంగ్ ఫోటో షేర్ చేసిన హరీశ్ రావు.. పక్కనే కేసీఆర్ కూడా

Tue Apr 27 , 2021
ఇది జీవిత కాల సాఫల్యం అంటూ భావోద్వేగంతో కూడిన ట్వీట్ చేశారు మంత్రి హరీశ్. లక్ష్యాన్ని ముద్దాడి నప్పుడే జన్మ ధన్య మైందని ట్వీట్‌లో పేర్కొన్నారు. హరీశ్ ఓ ఫోటోను కూడా షేర్ చేశారు.