డేవిడ్ వార్నర్‌పై ఈషా రెబ్బ ట్వీట్.. ఒక్కసారిగా అంత మాటనేసింది ఏంటీ..!

ఐపీఎల్ 14వ సీజన్‌లో సన్‌రైజర్స్ హైదరాబాద్ జట్టు పేలవ ప్రదర్శన చేస్తుంది. ప్రతీ రంగంలోనూ విఫలమవుతూ.. ఆడిన ఐదు మ్యాచుల్లో నాలుగు మ్యాచుల్లో ఓటమిపాలైంది. ముఖ్యంగా ఆదివారం ఢిల్లీ క్యాపిటల్స్‌తో జరుగుతున్న మ్యాచ్‌లో హైదరాబాద్ జట్టు చేజేతులా ఓటమిపాలైంది.

కరోనా నిబంధనలను కట్టుదిట్టంగా పాటిస్తూ.. పటిష్టమైన భద్రత నడుమ ఇండియన్ ప్రీమియర్ లీగ్ 14వ సీజన్ హోరాహోరీగా సాగుతోంది. ఈ సీజన్‌లో ప్రతీ మ్యాచ్ ప్రేక్షకులకు తగినంత వినోదాన్ని పంచుతోంది. ఏ మ్యాచ్‌లో ఎవరు గెలుస్తారా.. టేబుల్ టాప్‌లో ఎవరు నిలుస్తారా.. అట్టడుగున ఏ జట్టు ఉంటుందా అనే ఉత్కంఠ ప్రతీ రోజు ఉంటోంది. అయితే ఈ సీజన్‌లో మిగితా పట్ల కంటే సన్‌రైజర్స్ హైదరాబాద్ జట్టు ప్రదర్శన పేలవంగా ఉంది. ముఖ్యంగా మిడిలాడర్ బలహీనంగా ఉండటం.. ఫీల్డింగ్‌లో తప్పులు చేయడం వంటివాటి కారణంగా హైదరాబాద్ ఈసారి పాయింట్ల పట్టికలో ఏడో స్థానంలో నిలిచింది.

ప్రతీ రంగంలోనూ సన్‌రైజర్స్ ఈ సీజన్‌లో విఫలం అయింది. మొదటి మూడు మ్యాచులు ఓడిపోయిన హైదరాబాద్ జట్టు కేన్ విలియమ్‌సన్ రాకతో పంజాబ్‌తో జరిగిన మ్యాచ్‌లో ఫర్వాలేదు అనిపించే రేంజ్‌లో ప్రదర్శన చేసి.. గెలిచింది. దీంతో జట్టు కష్టాలు తీరిపోయినట్లే అని అభిమానులు భావించారు. కానీ, ఆదివారం ఢిల్లీ క్యాపిటల్స్‌తో జరిగిన మ్యాచ్‌లో సన్‌రైజర్స్ మళ్లీ అదే చెత్త ప్రదర్శనకు పరిమితమైంది. ఓవైపు కేన్‌ విలియమ్‌సన్ జట్టును గెలిపించేందుకు ఆడుతున్నా.. మరో ఎండ్ నుంచి అతనికి తగినంత సపోర్ట్ లభించలేదు. అయినప్పటికీ.. ప్రత్యర్థి జట్టుతో పోరాడి.. మొత్తానికి మ్యాచ్‌ని టై చేశారు.

అయితే సూపర్ ఓవర్‌లో అసలైన సమస్య వచ్చింది. ఫామ్‌లో ఉన్న బెయిర్‌స్టో, సుచిత్‌లను పక్కనపెట్టి అప్పటివరకూ బ్యాటింగ్ చేసిన కేన్‌ విలియమ్‌సన్‌తో పాటు కెప్టెన్ డేవిడ్ వార్నర్ బ్యాటింగ్‌కి దిగాడు. సూపర్ ఓవర్‌లో మూడు బంతుల్లో రెండు పరుగులు చేసిన వార్నర్.. చివరి బంతికి రెండు రన్స్ కోసం ట్రై చేశాడు. అయితే తొందరలో వార్నర్‌ బ్యాట్‌ని క్రీజ్‌లో పెట్టకవపోవడంతో అంపైర్ దాన్ని షార్ట్ రన్‌గా ప్రకటించారు. ఆ తర్వాత బ్యాటింగ్ చేసిన ఢిల్లీ సూపర్ ఓవర్‌లో విజయం సాధించింది.

దీంతో సూపర్ ఓవర్‌లో వార్నర్ బ్యాటింగ్‌కి ఎందుకు రావాల్సి వచ్చిందంటూ అతనిపై విమర్శల వర్షం కురుస్తోంది. అతన్ని హైలైట్ చేస్తూ.. మీమ్స్, పోస్ట్‌లు పెడుతున్నారు. వార్నర్ చేసిన తప్పిదాల్లో ఇది కూడా ఒకటి అని అభిమానులు నిందిస్తున్నారు. తాజాగా తెలుగు సినీ నటి ఈషా రెబ్బ కూడా వార్నర్‌పై ఫైర్ అయింది. ‘‘ఏంటి వార్నర్ అన్న ఇది.. ఇలా ఎందుకు చేశావ్.. బెయిర్‌స్టో లేక సుచిత్‌ని పంపకుండా నువ్వు బ్యాటింగ్‌కి ఎందుకు వచ్చావ్? ఒకవేళ నీకు టీమ్ ప్రయోగాలు చేయాలని ఉంటే అది డ్రీమ్ 11లో చేసుకో’’ అంటూ ఈషా తన ట్వీట్‌లో పేర్కొంది. ప్రస్తుతం ఈ ట్వీట్ వైరల్ అవుతోంది.

Leave a Reply

Your email address will not be published. Required fields are marked *

Next Post

లైన్ లోకి బంగార్రాజు.. సందేహాలకు చెక్ పెడుతూ క్లారిటీ ఇచ్చిన అక్కినేని నాగార్జున

Mon Apr 26 , 2021
అక్కినేని నాగార్జున- కళ్యాణ్ కృష్ణ కురసాల కాంబోలో రాబోతున్న 'బంగార్రాజు' రెగ్యులర్ షూటింగ్‌కి సంబంధించి ఓ అప్‌డేట్ వచ్చింది. ఈ సినిమాను జూలై రెండవ వారంలో సెట్స్ మీదకు తెస్తున్నారట.