Train ప్రయాణికులకు గుడ్ న్యూస్.. ఇండియన్ రైల్వేస్ కీలక నిర్ణయం!

ట్రైన్ జర్నీ ఎక్కువగా చేస్తుంటారా? ఇకపై ఏసీ క్లాస్‌లో కూడా అందుబాటు ధరలోనే ప్రయాణం చేయొచ్చు. ఎలా అనుకుంటున్నారా? ఇండియన్ రైల్వేస్ కొత్త ఏసీ కోచ్‌లను తీసుకువస్తోంది.

ప్రధానాంశాలు:ట్రైన్ ప్యాసింజర్లకు తీపికబురుఅందుబాటు ధరలో ఏసీ ప్రయాణంధరల నిర్ణయింపురైల్వే ప్రయాణికులకు తీపికబురు. ఇండియన్ రైల్వేస్ కీలక నిర్ణయం తీసుకుంది. కొత్త ఏసీ క్లాస్ ధరలను నిర్ణయించింది. ఏసీ 3 టైర్ ధరలతో పోలిస్తే వీటి ధరలు తక్కువగా ఉండటం గమనార్హం. అంటే ప్రయాణికులు తక్కువ ధరలోనే ఏసీ క్లాస్‌లో ప్రయాణం చేయొచ్చు.

ఏసీ 3 టైర్ ధరతో పోలిస్తే కొత్త ఏసీ క్లాస్ టికెట్ ధరలు 8 శాతం తక్కువగా ఉన్నాయి. దీంతో రైల్వే ప్రయాణికులు ప్రీమియం ఫీచర్లతో అందుబాటు ధరలోనే ఏసీ క్లాస్‌లో ప్రయాణం చేయొచ్చు. మెయిల్, ఎక్స్‌ప్రెస్, సూపర్ ఫాస్ట్ ట్రైన్స్‌కు ఈ కొత్త ఏసీ కోచ్‌లను జత చేస్తామని రైల్వే శాఖ ఎగ్జిక్యూటివ్ డైరెక్టర్ (ఐపీ) రాజేశ్ దూత్ జాబ్‌పాయ్ తెలిపారు.

Also Read: ఈ బ్యాంక్‌లో డబ్బులు దాచుకునే వారికి షాక్!

తొలి ఎకానమీ ఏసీ3 టైర్ కోచ్‌ను స్పెషల్ ట్రైన్ 2403/04 ప్రయాగ్‌రాజ్ – జైపూర్ ఎక్స్‌ప్రెస్‌కు జత చేస్తామని ఆయన తెలిపారు. అంటే నార్త్ సెంట్రల్ రైల్వేస్‌కు తొలి కోచ్‌లు అందుబాటులో ఉన్నాయి. సెప్టెంబర్ నుంచి ఈ కొత్త ఏసీ కోచ్‌లు వినియోగంలోకి రానున్నాయి.

300 వరకు కిలోమీటర్ల ప్రయాణానికి బేస్ ఫేర్ రూ.440గా ఉంటుంది. అదే 491 నుంచి 500 కిలోమీటర్ల వరకు అయితే రూ.651గా ఉండనుంది. 741 నుంచి 750 కిలోమీటర్లు అయితే రూ.908గా ఉండొచ్చు. 991 నుంచి 1000 కిలోమీటర్ల వరకు అయితే రూ.1102గా ఉంటుంది. ఇలా గరిష్టంగా బేస్ ఫేర్ రూ.3065గా (4951- 5000 కిలోమీటర్ల వరకు) ఉంటుంది.

Leave a Reply

Your email address will not be published. Required fields are marked *

Next Post

cash for vote Case ఈడీ ఛార్జ్‌షీట్.. రేవంత్‌కు నాంపల్లి కోర్టు సమన్లు

Sat Aug 28 , 2021
తెలుగు రాష్ట్రాల్లో సంచలనం సృష్టించిన ఓటుకు నోటు కేసులో తెలంగాణ ప్రదేశ్ కాంగ్రెస్ కమిటీ అధ్యక్షుడు రేవంత్ రెడ్డి ఆరోపణలు ఎదుర్కొంటున్నారు. ఈ కేసుపై సుప్రీంలోనూ విచారణ కొనసాగుతోంది.