కరోనాతో ప్రముఖ దర్శకుడు సాయి బాలాజీ ప్రసాద్ కన్నుమూత

కరోనా కారణంగా టాలీవుడ్ దర్శకుడు, రచయత ఎన్. సాయి బాలాజీ ప్రసాద్ (ఎన్. వర ప్రసాద్) మరణించారు. ఆయన మృతి పట్ల పలువురు సినీ ప్రముఖులు సంతాపం వ్యక్తం చేస్తున్నారు.

ప్రధానాంశాలు:దేశంలో వీరవిహారం చేస్తున్న కరోనాటాలీవుడ్‌లో విషాదంకోవిడ్‌తో ప్రముఖ దర్శకుడు మృతి దేశంలో కరోనా ఉదృతి రోజురోజుకూ రెట్టింపవుతోంది. నిత్యం లక్షలాది కేసులు నమోదు కావడం, వేలల్లో కరోనా మరణాలు చోటు చేసుకోవడం ప్రతి ఒక్కరిలో గుబులు పుట్టిస్తోంది. కరోనా సెకండ్ వేవ్‌‌తో మరోసారి సినీ ఇండస్ట్రీ ఉక్కిరిబిక్కిరి అవుతోంది. ఇప్పటికే చాలామంది సినీ నటులు కరోనా బారినపడగా.. నేడు టాలీవుడ్ దర్శకుడు, రచయత ఎన్. సాయి బాలాజీ ప్రసాద్ (ఎన్. వర ప్రసాద్) కోవిడ్ -19తో మరణించారు.

కరోనా కారణంగా కొన్ని రోజులుగా చికిత్స పొందుతున్న సాయి బాలాజీ ప్రసాద్ హైదరాబాద్, గచ్చ్చిబౌలి లోని టిమ్స్‌లో చికిత్స పొందుతూ సోమవారం ఉదయం కన్నుమూశారు. ప్రస్తుతం ఆయన వయసు 57 సంవత్సరాలు. రియల్ స్టార్ శ్రీహరి నటించిన ‘శివాజీ’, ‘ఒరేయ్ తమ్ముడు’ చిత్రాలకు దర్శకుడిగా పనిచేశారు సాయి బాలాజీ ప్రసాద్. ‘సిరి’, ‘అపరంజి’, ‘హాలాహలం’ సీరియళ్లకు కూడా దర్శకత్వం వహించారు.
పదో తరగతిలోనే ప్రేమ లేఖలు.. వంతులు పెట్టుకొని మరీ వెళ్లేవాళ్లం.. ఇవీ చిరంజీవి సీక్రెట్స్
మెగాస్టార్ చిరంజీవి హీరోగా నాగబాబు గారు అంజనా ప్రోడ్సక్షన్స్ పతాకంపై నిర్మించిన 'బావగారు బాగున్నారా' చిత్రానికి స్క్రీన్ ప్లే సమకూర్చిన వారిలో సాయి బాలాజీ ప్రసాద్ ఒకరు. ఆయన స్వస్థలం తిరుపతి. రవిరాజా పినిశెట్టి వద్ద దర్శకత్వ శాఖలో పనిచేసి దర్శకుడిగా ఎదిగారు. సాయి బాలాజీ ప్రసాద్‌కి భార్య గౌరీ, కుమార్తె స్నేహ పూజిత ఉన్నారు. ఆయన మరణవార్త తెలిసి పలువురు సినిమా, టీవీ రంగాలకు చెందిన నటీనటులు సంతాపం తెలుపుతున్నారు.

Leave a Reply

Your email address will not be published. Required fields are marked *

Next Post

బ్యాంకులపై కరోనా పంజా... తెలంగాణలో 3,238 మంది సిబ్బందికి పాజిటివ్

Mon Apr 26 , 2021
తెలంగాణలోని బ్యాంకుల్లో సిబ్బంది కరోనా బారిన పడుతున్నారు. ఇప్పటివరకు 3వేలకు పైగా బ్యాంక్ సిబ్బందికి కరోనా పాజిటివ్ వచ్చింది. దీంతో బ్యాంకులకు వెళ్లేందుకు మిగిలినవారు ఆందోళన చెందుతున్నారు.