కరోనాకీ బెదరని కేరళ వధువు.. కోవిడ్ వార్డులో కల్యాణం.. షాకింగ్

కాబోయే భర్తకి కరోనా అని తెలిసినా ఆ యువతి కంగారుపడలేదు. కరోనానే బెదిరిపోయేలా ఏకంగా కోవిడ్ వార్డే కాసేపు కల్యాణ మండపంగా మారిపోయింది. మనసిచ్చిన వాడితో మనువు జరిగిపోయింది.

ప్రధానాంశాలు:పెళ్లికి ముందు వరుడికి పాజిటివ్అయినా వెనక్కి తగ్గని వధువుకోవిడ్ ఆస్పత్రిలో వివాహంకరోనా పేరు చెబితే అయినవాళ్లే దూరంగా పరిగెడుతున్న కాలం. కరోనా వచ్చిందట అంటూ దగ్గరికి రానివ్వకపోగా.. దాదాపు వెలివేసినంత పనిచేస్తున్నారు. ఇలాంటి తీవ్ర పరిస్థితుల్లో మనువాడాల్సిన వాడికి కరోనా సోకిందని తెలిసిన వధువు తట్టుకోలేకపోయింది. గుండెని రాయి చేసుకుని ధైర్యంగా ముందడుగేసింది. ఏది ఏమైనా అదేరోజు వివాహం చేసుకోవాలని నిశ్చయించుకుంది. కరోనాకీ బెదరని ఆమె ఏకంగా కోవిడ్ ఆస్పత్రిలోనే వివాహమాడింది. కేరళలో జరిగిన ఈ ఆశ్యర్యకర ఘటన వివరాలు..

కేరళలోని కైనంకరి ప్రాంతానికి చెందిన శరత్, అభిరామికి వివాహం కుదిరింది. ఈ నెల 25న ఇద్దరికీ పెళ్లి జరిపించాలని పెద్దలు నిర్ణయించారు. అయితే ఇంతలో కరోనా రూపంలో అనుకోని కష్టమొచ్చిపడింది. కాబోయే భర్తకి, అత్తకి కరోనా పాజిటివ్‌గా తేలింది. ఇద్దరూ అలప్పుజా మెడికల్ కాలేజీ ఆస్పత్రిలో చికిత్స పొందుతున్నారు. వరుడికి కరోనా సోకిందని తెలిసినా అభిరామి బెదిరిపోలేదు.

మనసుకు దగ్గరైన వరుడిని అదే రోజు వివాహమాడాలని నిర్ణయించుకుంది. ఇరుకుటుంబాల సభ్యులను ఒప్పించింది. ఇరుకుటుంబ సభ్యులు కలెక్టర్‌‌ను కలసి విషయం విన్నవించడంతో గ్రీన్ సిగ్నల్ వచ్చేసింది. కోవిడ్ వార్డు కాస్తా కాసేపు కల్యాణ మండపంగా మారింది. పీపీఈ కిట్‌లో వచ్చిన అభిరామి, శరత్ దండలు మార్చుకుని ఒక్కటయ్యారు. దండలు అందించింది అదే వార్డులో ఉన్న స్వయానా అత్తగారే కావడం విశేషం.

Read Also:
కరోనా రోగులకు నీళ్లతో ఇంజెక్షన్లు, అసలు మందులు దోపిడీ.. భయంకర నిజాలు
Also Read: అమెరికా వెళ్లేవారికి ఊహించని షాక్.. ఎకానమీ క్లాస్‌కే ట్రిపుల్ రేటు

Leave a Reply

Your email address will not be published. Required fields are marked *

Next Post

ఆ దర్శకుడి సినిమాతోనే రానా సోదరుడి ఎంట్రీ.. సేమ్ సీన్ రిపీట్ అవుతుందని ధీమా

Sun Apr 25 , 2021
దగ్గుబాటి రానా సోదరుడు దగ్గుబాటి అభిరామ్ టాలీవుడ్‌లోకి ఎంట్రీ ఇచ్చేందుకు ఎప్పటి నుంచి ప్రయత్నాలు జరుగుతున్నాయి. అయితే సరైన స్క్రిప్ట్, సరైన దర్శకుడి కోసం ఎదురుచూస్తున్నారు. అయితే ఓ టాలీవుడ్ టాప్ దర్శకుడి సినిమాతో అభిరామ్ సినిమా ఇండస్ట్రీలోకి అడుగుపెట్టనున్నట్లు సమాచారం.