ఢిల్లీలో లాక్‌డౌన్ మరో వారం పొడిగింపు.. ప్రజలకు కేజ్రీవాల్ కీీలక విజ్ఞ‌ప్తి

Delhi coronavirus కరోనా వైరస్ మహమ్మారి ఢిల్లీని వణికిస్తోంది. రోజువారీ కేసులు, మరణాలతోపాటు ఆక్సిజన్ అందక పదుల సంఖ్యలో ప్రాణాలు కోల్పోయిన ఘటనలు చోటుచేసుకుంటున్నాయి.

ప్రధానాంశాలు:ఢిల్లీలో ఏమాత్రం తగ్గని కరోనా వైరస్ తీవ్రత.ఆక్సిజన్ కొరతతో గాల్లో కలిసిపోతున్న ప్రాణాలు.కరోనా కట్టడికి మరోసారి లాక్‌డౌన్ పొడిగింపు.ఢిల్లీలో కరోనా కట్టడికి విధించిన లాక్‌డౌన్‌ను మరో వారం రోజులు పొడిగిస్తున్నట్టు ముఖ్యమంత్రి అరవింద్ కేజ్రీవాల్ వెల్లడించారు. సోమవారం ఉదయంతో వారం రోజుల లాక్‌డౌన్ పూర్తికానుండగా.. మరోసారి దీనిని పొడిగిస్తూ నిర్ణయం తీసుకున్నారు. ఢిల్లీలో కరోనా ఉద్ధృతం తగ్గనందున మే 3 ఉదయం 5 గంటల వరకూ లాక్‌డౌన్ కొనసాగుతుందని స్పష్టం చేశారు. ఢిల్లీ ఆస్పత్రుల్లో ఆక్సిజన్ కొరతను అధిగమించేందుకు ప్రయత్నిస్తున్నామని కేజ్రీవాల్ తెలిపారు. ఢిల్లీలో కరోనా కట్టడికి తొలుత రాత్రిపూట కర్ఫ్యూ, వారాంతపు లాక్‌డౌన్ అమలు చేశారు.

ప్రస్తుత పరిస్థితుల్లో లాక్‌డౌన్‌ విధించపోతే రానున్న రోజుల్లో భయంకర పరిస్థితులను ఎదుర్కోవాల్సి వస్తుందని పేర్కొన్నారు. ప్రజలు భయపడవద్దని, జాగ్రత్తలు వహించాలని సూచించారు. మహమ్మారి వ్యాప్తి విలయం సృష్టిస్తుండటంతో తప్పనిసరి పరిస్థితుల్లో లాక్‌డౌన్ విధించామని కేజ్రీవాల్ స్పష్టం చేశారు. ఢిల్లీలో కరోనా ఆసుపత్రుల్లో ప్రస్తుతం దయనీయ పరిస్థితులు నెలకున్నాయి. ఆక్సిజన్‌ కొరతతో పదుల సంఖ్యలో రోగులు మృతిచెందుతున్నారు. రాజధానిలోని జైపూర్‌ గోల్డెన్‌ ఆసుపత్రిలో ప్రాణవాయువు అందక శుక్రవారం రాత్రి 20 మంది రోగులు ప్రాణాలు కోల్పోయారు.

ప్రముఖ ఆస్పత్రుల్లో ఒకటైన సర్‌ గంగారామ్‌లోనూ ఆక్సిజన్‌ కొరతతో గురువారం 25 మంది మరణించారు. తమ ఆసుపత్రుల్లో ఆక్సిజన్‌ నిల్వలు పడిపోయాయని, సాయమందించాలని పలు ఆసుపత్రుల యాజమాన్యాలు ముఖ్యమంత్రి కేజ్రీవాల్‌కు, కేంద్ర ప్రభుత్వానికి అత్యవసర సందేశం (ఎస్‌ఓఎస్‌) పంపుతున్నాయి. గడిచిన 24 గంటల్లో దిల్లీలో 24 వేలకు పైగా కరోనా కేసులు నమోదయ్యాయి. ఒక్కరోజులో అత్యధికంగా 357 మంది రోగులు మృత్యువాతపడ్డారు.

సర్‌ గంగారామ్‌ హాస్పిటల్‌లో ఆక్సిజన్‌ నిల్వలు తగ్గిపోతుండటంతో శనివారం రాత్రి 10:30 గంటల సమయంలో ఆస్పత్రి అధికారులు ప్రభుత్వానికి అత్యవసరం సందేశం (ఎస్‌ఓఎస్‌) పంపారు. అప్పటికి కేవలం గంటకి సరిపడా ఆక్సిజన్ మాత్రమే ఉన్నట్లు తెలిపారు. 130 మంది రోగులు ఐసీయూలో ఉన్నారని.. మరో 30 మంది వెంటిలేటర్‌పై ఉన్నారని అందులో పేర్కొన్నారు.

దీంతో అప్రమత్తమైన స్థానిక ఆప్‌ ఎమ్మెల్యే రాఘవ్‌ చద్దా అధికారులతో మాట్లాడి ఆక్సిజన్‌ ట్యాంకర్‌ను తెప్పించారు. అర్ధరాత్రి 12:20 గంటల సమయంలో ఒక మెట్రిక్‌ టన్ను ఆక్సిజన్‌ ఆస్పత్రికి చేరింది. అది రెండు గంటలకు సరిపోతుందని ఆస్పత్రి అధికార ప్రతినిధి 12:45 గంటల సమయంలో తెలిపారు. వాస్తవానికి గంగారాం ఆస్పత్రికి ఫరీదాబాద్‌లోని ఒక పంపిణీదారుడు ఆక్సిజన్ అందించాల్సి ఉంది. వేకువజామున 3 గంటల ప్రాంతంలో ట్యాంకర్లు ఆస్పత్రికి చేరాల్సింది. కానీ, ఉదయం 4:15 గంటల సమయంలో 5 మెట్రిక్‌ టన్నుల సామర్థ్యం గల ఆక్సిజన్‌ ట్యాంకర్లు ఆస్పత్రికి వచ్చాయి.

Leave a Reply

Your email address will not be published. Required fields are marked *

Next Post

సీఎం కేసీఆర్‌కు థ్యాంక్స్ చెప్పిన వైఎస్ షర్మిల

Sun Apr 25 , 2021
నిన్ననే సోషల్ మీడియా వేదికగా షర్మిల సీఎంపై విమర్శలు గుప్పించారు. ఇప్పుడు అదే సోషల్ మీడియాలో సీఎంకు ధన్యవాదాలు తెలుపుతూ మరో పోస్టు పెట్టారు.