బలపడుతున్న ల్యాబ్ లీక్ థియరీ.. వెలుగులోకి Wuhan Labలో గబ్బిలాల పెంపకం!

Covid Leak Lab Theory ఏ ముహూర్తన కరోనా మహమ్మారి మొదలయ్యిందో గానీ.. అప్పటి నుంచి ప్రపంచ దేశాలకు నిద్రే కరవయ్యింది. వైరస్ వ్యాప్తిని ఎలా కట్టడిచేయాలో తలలు పట్టుకుంటున్నారు.

ప్రధానాంశాలు:ప్రపంచాన్ని ప్రమాదంలో పడేసిన చైనా నిర్వాకం.వుహాన్ ల్యాబ్‌ నుంచి వైరస్ లీకయినట్టు ఆధారాలు.బయటకు వచ్చిన నాలుగేళ్ల కిందట ల్యాబ్ వీడియో.కరోనా మహమ్మారి మూలాల విషయంలో ల్యాబ్ థియరీపై అనుమానాలు మరింత బలపడుతున్నాయి. వుహాన్‌ ల్యాబ్‌ నుంచే వైరస్ బయటకు వచ్చిందని పలు దేశాల చేస్తున్న ఆరోపణలకు బలం చేకూర్చే రుజువులు బయటపడుతున్నారు. తాజాగా, మరో వుహాన్ వైరాలజీ ఇన్‌స్టిట్యూట్‌కు సంబంధించిన మరో ఆసక్తికర అంశం వెలుగులోకి వచ్చింది. ఈ ల్యాబ్‌ ప్రారంభ సమయంలోని ఒక వీడియోను స్కైన్యూస్‌ ప్రసారం చేసింది. దీనిని బట్టి కరోనా వైరస్‌ ల్యాబ్ నుంచే లీకయ్యిందనే వాదనకు మరింత బలం చేకూరింది.

వుహాన్ ల్యాబ్‌ను 2017 మే నెలలో ప్రారంభించినప్పుడు చైనీస్‌ అకాడమీ ఆఫ్‌ సైన్సెస్‌ చిత్రీకరించిన ఓ వీడియో స్కైన్యూస్‌కు చిక్కింది. అక్కడ బోన్లలో గబ్బిలాలను పెంచుతున్న దృశ్యాలు వీడియోలో కనిపిస్తుయి. శాస్త్రవేత్తలు వాటిని పట్టుకుని పురుగులను ఆహారంగా ఇస్తుండటం వీడియోలో రికార్డయ్యింది. పదినిమిషాల నిడివిగల ఈ వీడియోకు ‘వుహాన్‌ ఇన్‌స్టిట్యూట్‌ ఆఫ్‌ వైరాలజీ పీ4 ల్యాబ్‌ నిర్మాణం, పరిశోధనలు’ అని పేరుపెట్టారు. వీడియోలో ఒక అధికారి మాట్లాడుతూ.. పీ4 ల్యాబ్‌లో పరిశోధనలు జరిగే సమయంలో ప్రమాదాలు జరిగితే స్పందించే భద్రతా వ్యవస్థలు కూడా ఉన్నాయని తెలిపారు.

ల్యాబ్‌లో జరిగే పరిశోధనలను చిత్రీకరించేందుకు కెమెరాలను కూడా ఏర్పాటు చేశారు. అయితే, కోవిడ్-19 మూలాలపై దర్యాప్తులో భాగంగా ఇటీవల ఈ ల్యాబ్‌ను సందర్శించిన ప్రపంచ ఆరోగ్య సంస్థ (డబ్ల్యూహెచ్ఓ) నిపుణులు బృందం మొక్కుబడిగా నివేదిక ఇచ్చింది. ‘పీ4 ల్యాబ్‌లోని యానిమల్‌ రూమ్‌లో వివిధ జంతువులు చక్కగా ఉండొచ్చు. సార్స్‌కోవ్‌-2 వంటి వాటిపై కూడా పనిచేయవచ్చు’ అని తెలిపింది.

అంతేకానీ, అక్కడ గబ్బిలాలను పెంచుతున్నారనే విషయం మాత్రం వెల్లడించలేదు. ఈ బృందంలోని పీటర్‌ డెస్జాక్‌ తీరు అనుమానాస్పదంగా ఉంది. ‘‘వుహాన్‌ ల్యాబ్‌కు గబ్బిలాలను తీసుకురాలేదు. వాటి శరీరం నుంచి వైరస్‌ నమూనాలు సేకరించిన తర్వాత ప్రకృతిలోకి వదిలేశాం.. కేవలం వైరస్‌ నమూనాలు మాత్రమే ల్యాబ్‌కు చేర్చాం’’ అంటూ ఆయన గతేడాది డిసెంబర్‌లో ఒక ట్వీట్‌ చేశారు.

అంతేకాదు, ‘ల్యాబ్‌ల్లో గబ్బిలాలను పెంచరని.. కుట్రకోణాన్ని ప్రచారం చేస్తున్నారని’ మరో ట్వీట్‌లో డెస్టాక్ వివరణ ఇచ్చారు. కానీ, తాజాగా బయటపడిన వీడియోలో మాత్రం బోన్లలో పెట్టిన గబ్బిలాలు స్పష్టంగా కనిపిస్తన్నాయి. డిజిటల్‌ ఆర్కైవిస్ట్‌ జెస్సీ ఈ వీడియో క్లిప్‌ను సంపాదించారు. ‘వాట్‌ రియల్లీ హ్యాపెన్డ్‌ ఇన్‌ వుహాన్‌’ అనే పుస్తకం రాయడానికి ఈ వీడియో ఉపయోగించుకున్నారు. చైనీస్‌ అకాడమీ ఆఫ్‌ సైన్సెస్‌కు చెందిన ఈ వీడియోపై ఇప్పటి వరకు పీటర్‌ డెస్జాక్‌ స్పందించలేదు.

అయితే, 2019 డిసెంబరులో SARS-COV-2 వుహాన్‌లో వ్యాపించడానికి ముందే పీ4 ల్యాబ్‌లోని చాలా మంది పరిశోధకులు అస్వస్థతకు గురయి ఆస్పత్రుల్లో చేరారు. వీరిలో కొవిడ్‌19 లేదా సాధారణ ఫ్లూలో కనిపించే జ్వరం, పొడిదగ్గు వంటి లక్షణాలు గుర్తించినట్టు అమెరికా నిఘా వర్గాలకు ఈ సమాచారం ఒక నమ్మకమైన అంతర్జాతీయ భాగస్వామి నుంచి వచ్చింది. దీనిపై వాల్‌స్ట్రీట్‌ జర్నల్‌ కథనం ప్రచురించింది.

ఆరోపణలు వెల్లువెతుతున్నా వుహాన్‌ వైరాలజీ ఇన్‌స్టిట్యూట్‌ మాత్రం రా డేటా, సేఫ్టీ లాగ్స్‌, గబ్బిలాల్లోని కరోనా వైరస్‌లపై పరిశోధనలు చేసిన రికార్డులను మాత్రం ఎవరికీ ఇవ్వడంలేదు. ల్యాబ్‌లో పరిశోధనలు జరుగుతున్నప్పుడు కెమెరాలో చిత్రీకరించే క్లిప్పింగ్‌లు బయటపెట్టడం లేదు. అలాగే, డబ్ల్యూహెచ్ఓ నిపుణుల బృందం చైనాలో 76,000 కొవిడ్‌ కేసుల్లో 92 మంది అక్టోబర్‌-డిసెంబర్‌ మొదటి వారం మధ్యలో అస్వస్థకు గురైనట్లు గుర్తించింది. ఈ డేటాను ఇవ్వాలని కోరగా చైనా తిరస్కరించింది.

వుహాన్‌లోని బ్లడ్‌బ్యాంక్‌లో 2019 డిసెంబర్‌ కంటే ముందు నమూనాలను పరిశీలిస్తామంటే.. దీనికి చైనా నిరాకరించింది. ఇక, అమెరికా ఎకోహెల్త్‌ అలయన్స్‌ సంస్థ అధ్యక్షుడు, వైరాలజిస్ట్ పీటర్‌ డెస్జాక్‌ ఈ ల్యాబ్‌కు నిధులు సమకూర్చినట్లు ఆరోపణలు ఉన్నారు. ఇక్కడ కరోనా వైరస్‌ తొలిసారి మనుషులకు సోకిందనే వాదనలను ఆయన మొదటి నుంచి ఖండిస్తున్నారు. ఈ నిధులతో వుహాన్‌ ల్యాబ్‌లో ‘గెయిన్‌ ఆఫ్‌ ఫంక్షన్‌’ పరిశోధనలు జరుగుతున్నాయని ప్రచారం జరుగుతోంది. ఈ ప్రయోగాల్లో వైరస్‌లు అత్యంత ప్రమాదకరంగా మారే అవకాశం ఉంది.

Leave a Reply

Your email address will not be published. Required fields are marked *

Next Post

Sushant Singh Rajput.. ఆ రోజు ఇంకా గుర్తుంది.. భూమిక ఎమోషనల్

Mon Jun 14 , 2021
బాలీవుడ్ యంగ్ హీరో సుశాంత్ సింగ్ రాజ్‌పుత్ మరణించి ఏడాది అవుతోంది. ఈ క్రమంలో బాలీవుడ్ మొత్తం సుశాంత్‌తో ఉన్న జ్ఞాపకాలను గుర్తు చేసుకుంటున్నారు. గత ఏడాది జూన్ 14న సుశాంత్ సింగ్ తన ఫ్లాట్‌లో ఉరి వేసుకుని మరణించిన సంగతి తెలిసిందే.