Rishabh Pantకి డెల్టా వేరియంట్.. టీమ్‌లో మరొకరికి కరోనా

యూరో కప్ మ్యాచ్‌‌ని వీక్షించేందుకు స్టేడియానికి వెళ్లిన రిషబ్ పంత్.. కనీసం మాస్క్ ధరించకుండా, సామాజిక దూరాన్ని కూడా విస్మరించాడు. అభిమానులతో చాలా క్లోజ్‌గా ఉంటూ ఫొటోలకి పోజులిచ్చిన పంత్‌కి…

ప్రధానాంశాలు:భారత్ జట్టులో వరుసగా కరోనా కేసులురిషబ్ పంత్‌కి డెల్టా వేరియంట్ సోకినట్లు అనుమానాలువారం క్రితమే వైరస్ బారిన పంత్.. అయినా గోప్యంగా ఉంచిన బీసీసీఐత్రో విసిరే స్పెషలిస్ట్‌ దయానంద్‌కి తాజాగా కరోనా పాజిటివ్ఇంగ్లాండ్ టూర్‌లో ఉన్న భారత జట్టులో ఒక్కసారిగా కరోనా కలకలం రేగింది. యువ వికెట్ కీపర్/ బ్యాట్స్‌మెన్ రిషబ్ పంత్‌కి పాజిటివ్‌ వచ్చినట్లు తెలిసిన గంటల వ్యవధిలోనే నెట్స్‌లో త్రో విసిరే స్పెషలిస్ట్ దయానంద్ గారానీ కూడా కరోనా వైరస్ బారినపడినట్లు తేలింది. దాంతో.. లండన్‌లోని టీమ్ హోటలో గారానీతో క్లోజ్‌ ఉన్న టీమిండియా బౌలింగ్ కోచ్ భరత్ అరుణ్, రిజర్వ్ ఓపెనర్ అభిమన్యు ఈశ్వరన్, సీనియర్ వికెట్ కీపర్ సాహా‌లను 10 రోజుల ఐసోలేషన్‌లో ఉంచారు.

వాస్తవానికి రిషబ్ పంత్‌కి ఈ నెల 8న పాజిటివ్‌గా తేలింది. ఇంగ్లాండ్‌లో జరిగిన యూరో కప్ మ్యాచ్‌లను వీక్షించేందుకు స్టేడియానికి వెళ్లిన రిషబ్ పంత్ కనీసం మాస్క్ కూడా ధరించకుండా.. సామాజిక దూరం విస్మరించి మరీ అభిమానులతో కలిసి ఫొటోలకి పోజులిచ్చాడు. దాంతో.. పంత్‌కి డెల్టా వేరియంట్ సోకినట్లు అనుమానిస్తున్నారు. ఇంగ్లాండ్‌తో ఆగస్టు 4 నుంచి సెప్టెంబరు 14 వరకూ ఐదు టెస్టుల సిరీస్‌ని భారత్ జట్టు ఆడాల్సి ఉండగా.. సిరీస్‌కి చాలా టైమ్ ఉండటంతో.. భారత క్రికెటర్లకి 20 రోజుల బ్రేక్ ఇచ్చారు. ఈ క్రమంలో తన ఫ్రెండ్స్‌తో కలిసి లండన్‌లో చక్కర్లు కొట్టిన పంత్.. వారితో కలిసి ప్రస్తుతం ఓ అపార్ట్‌మెంట్‌లో ఉంటున్నట్లు సమాచారం. పాజిటివ్‌గా తేలిన తర్వాత కూడా అక్కడే ఉండి పంత్ చికిత్స తీసుకుంటున్నాడు.

ఇంగ్లాండ్‌తో టెస్టు సిరీస్ ముంగిట కౌంటీ ఎలెవన్‌తో భారత్ జట్టు మూడు రోజుల వార్మప్‌ మ్యాచ్‌లను ఈ నెల 20 నుంచి ఆడనుంది. ఈ మేరకు గురవారం లండన్ నుంచి డర్హామ్‌కి టీమిండియా చేరుకుంది. కానీ.. టీమ్‌ వెంట పంత్, భరత్ అరుణ్, సాహా, అభిమన్యు, గారానీలు వెళ్లలేదు. రెండు ఆర్‌టీ పీసీఆర్ టెస్టుల్లో నెగటివ్ వచ్చిన తర్వాతే పంత్‌తో పాటు మిగిలిన వాళ్లు భారత్ జట్టుతో చేరుతారని టీమిండియా మేనేజ్‌మెంట్ స్పష్టం చేసింది.

Leave a Reply

Your email address will not be published. Required fields are marked *

Next Post

కేసీఆర్, జగన్‌కు కేంద్రం షాక్: కృష్ణా, గోదావరి ప్రాజెక్టులపై పెత్తనం బోర్డుల పరిధిలోకి!

Fri Jul 16 , 2021
AP Telangana Water Disputes కృష్ణా నదీ జలాల విషయంలో ఏపీ, తెలంగాణ మధ్య వివాదాలు తారాస్థాయికి చేరుకున్న నేపథ్యంలో కేంద్రం బోర్డుల పరిధిలో కీలక నోటిఫికేషన్ విడుదల చేసింది.