ఏపీఎస్ ఆర్టీసీ ఉద్యోగులకు జగన్ సర్కార్ తీపి కబురు

ప్రస్తుతం ఆర్టీసీ ఉద్యోగులు, వారి కుటుంబాలకు ఆర్థిక భద్రత కల్పించేందుకు ప్రభుత్వం కార్పొరేట్‌ శాలరీ ప్యాకేజీ. రాష్ట్రంలో 50,500 మంది ఆర్టీసీ ఉద్యోగులకు ప్రయోజనం కలగనుంది.

ప్రధానాంశాలు:ఆర్టీసీ ఉద్యోగులకు శుభవార్తకార్పొరేట్ శాలరీ ప్యాకేజీఉద్యోగుల కోసం ప్రత్యేకంగాఏపీఎస్‌ఆర్టీసీ ఉద్యోగులకు జగన్ సర్కార్ శుభవార్త చెప్పింది. ఉద్యోగుల బీమాకు సంబంధించి ‘కార్పొరేట్‌ శాలరీ ప్యాకేజీ’ని ప్రకటించింది. ఉచిత ప్రమాద బీమా, శాశ్వత అంగవైకల్యం, సహజ మరణం సంభవించినప్పుడు ఆర్టీసీ ఉద్యోగులను ఆర్థికంగా ఆదుకునేందుకు భారీ పరిహారంతో ప్యాకేజీని ప్రవేశపెడుతోంది. అలాగే మరణించిన ఉద్యోగుల పిల్లల విద్యారుణాలు, ఆడపిల్లల వివాహ రుణాల మాఫీ కూడా కల్పించింది. ప్రభుత్వం ఈ మేరకు ఎస్‌బీఐతో ఒప్పందం కుదుర్చుకుంది. రాష్ట్రంలో 50,500 మంది ఆర్టీసీ ఉద్యోగులకు ప్రయోజనం కలగనుంది.

ఆర్టీసీ ఉద్యోగి విధి నిర్వహణలో ప్రమాదవశాత్తు చనిపోతే ఆ కుటుంబానికి రూ.40 లక్షల పరిహారం చెల్లిస్తారు.. గతంలో ఈ పరిహారం రూ.30 లక్షలు ఉండేది. ఇప్పుడు మరో రూ.10 లక్షలు పెంచారు. ప్రమాదంలో గాయపడి శాశ్వత వైకల్యానికి గురైతే రూ.30 లక్షల పరిహారం ఇస్తారు. వారి పిల్లల పేరిట రూ.5 లక్షల వరకు ఉన్న విద్యారుణాలు, ఆడపిల్లల వివాహాల కోసం చేసిన రూ.2 లక్షల వరకు రుణాలను మాఫీ చేస్తారు. వీటికి ఉద్యోగులు ఎలాంటి ప్రీమియం చెల్లించాల్సిన అవసరం లేదు. ఆర్టీసీ ఉద్యోగి సహజ మరణం పొందితే ఆ కుటుంబానికి రూ.5 లక్షల బీమా పరిహారం ఇస్తారు. దీనికి ఒక్కో ఉద్యోగి నెలకు రూ.200 బీమా ప్రీమియం చెల్లించాలి.

ఆర్టీసీ ఉద్యోగుల సంక్షేమానికి ముఖ్యమంత్రి వైఎస్‌ జగన్‌మోహన్‌రెడ్డి అత్యధిక ప్రాధాన్యమిస్తున్నారన్నారు ఆర్టీసీ ఎండీ ద్వారకా తిరుమలరావు. అందుకే ఆర్టీసీని ప్రభుత్వంలో విలీనం చేశారని.. ప్రస్తుతం ఆర్టీసీ ఉద్యోగులు, వారి కుటుంబాలకు ఆర్థిక భద్రత కల్పించేందుకు ప్రభుత్వం కార్పొరేట్‌ శాలరీ ప్యాకేజీ తీసుకొస్తోందన్నారు. ఆర్టీసీ ఉద్యోగులు అందరూ సమష్టిగా పనిచేసి సంస్థను అభివృద్ధిపథంలోకి తీసుకురావాలన్నారు.

Leave a Reply

Your email address will not be published. Required fields are marked *

Next Post

హైదరాబాద్‌లో అర్ధరాత్రి హైడ్రామా.. తీన్మార్ మల్లన్న అరెస్ట్

Sat Aug 28 , 2021
ఓ జ్యోతి‌ష్యు‌డిని బ్లాక్‌ మెయిల్‌ చేసి రూ.30 లక్షలు డిమాండ్‌ చేశారనే ఆరో‌ప‌ణ‌లపై చింత‌పండు నవీ‌న్‌‌కు‌మార్‌ అలి‌యాస్‌ తీన్మార్‌ మల్ల‌న్నను పోలీ‌సులు అరెస్ట్‌ చేయడంతో కలకలం రేగుతోంది.