తెలంగాణలో థర్డ్ వేవ్‌పై గుడ్ న్యూస్.. ఈ ఏడాది ఉండదన్న డీహెచ్

రాష్ట్రంలో కరోనా కేసుల తీవ్రత తగ్గింది. అయితే థర్డ్ వేవ్ భయం మాత్రం ప్రజల్ని వెంటాడుతోంది. దీంతో ప్రజలంతా కరోనా నిబంధనలు పాటిస్తున్నారు. మరోవైపు వ్యాక్సిన్ కూడా తీసుకుంటున్నారు.

ప్రధానాంశాలు:ఈ ఏడాది రాష్ట్రంలో థర్డ్ వేవ్ ఉండదువచ్చే ఏడాది జనవరి, ఫిబ్రవరిలో ఉద్దృతిథర్డ్ వేవ్ తీవ్రత చాలా తక్కువన్న డీహెచ్తెలంగాణలో కరోనా వైరస్ థర్డ్ వేవ్ ముప్పుపై కీలక వ్యాఖ్యాలు చేశారు హెల్త్ డైరెక్టర్ శ్రీనివాసరావు తెలిపారు. తెలంగాణలో గత కొన్ని రోజులు పాజిటివ్ కేసులు సంఖ్య తగ్గుతు ఉన్న విషయం తెలిసిందే. రాష్ట్రంలో కరోనా వైరస్ వ్యాప్తి అదుపులో ఉందని హెల్త్ డైరెక్టర్ శ్రీనివాసరావు తెలిపారు. కరోనా కేసుల తీవ్రత తగ్గినప్పటికీ.. ప్రజలు జాగ్రత్తగా ఉండాలని సూచించారు. కరోనా థర్డ్ వేవ్ ముప్పుపై ఇప్పటి వరకు సరైన ఆధారాలు లేవని చెప్పారు. రాష్ట్రంలో వ్యాక్సినేషన్ ప్రక్రియ నిరంతరాయంగా కొనసాగుతోందని తెలిపారు.

మన దేశంలో వెలుగు చూసిన కరోనా వైరస్ డెల్టా వేరియంట్ ఇప్పుడు విదేశాల్లో తీవ్ర ప్రభావం చూపిస్తోందని డీహెచ్ శ్రీనివాసరావు అన్నారు. వైరస్ తీవ్రంగా ప్రభావం చూపిన తర్వాత పుట్టే కొత్త వైరస్‌లు బలహీనంగా ఉంటాయని పేర్కొన్నారు. కాబట్టి వాటి ప్రభావం అంతంత మాత్రమేనని అన్నారు. ఈ ఏడాది డిసెంబరు నాటికి తెలంగాణలో మూడో దశ వచ్చే అవకాశం లేదని తేల్చి చెప్పారు. వచ్చే ఏడాది జనవరి, ఫిబ్రవరి నెలల్లో ఉద్ధృతి కనిపించినా దాని తీవ్రత చాలా తక్కువగా ఉంటుందని, కాబట్టి థర్డ్ వేవ్‌పై ఆందోళన అవసరం లేదన్నారు.

అయినప్పటికీ ప్రజలు మాత్రం కరోనా నిబంధనలను పాటించాల్సిందేనని డాక్టర్ శ్రీనివాసరావు సూచించారు. తప్పనిసరిగా అంతా వ్యాక్సిన్ వేసుకోవాలన్నారు. ఇప్పటి వరకు రాష్ట్ర వ్యాప్తంగా 1.20 కోట్ల మందికి వ్యాక్సిన్ ఇచ్చామని చెప్పారు. ఈ నెల 15 నుంచి ఆగస్టు 15 వరకు దాదాపు 30 లక్షల మందికి పైగా రెండో డోస్ తీసుకునేవారు ఉన్నారని తెలిపారు. హైదరాబాదులో 100కు పైగా వ్యాక్సినేషన్ కేంద్రాల్లో 18 ఏళ్లకు పైబడిన వారికి టీకాలు వేస్తున్నట్టు శ్రీనివాసరావు చెప్పారు

Leave a Reply

Your email address will not be published. Required fields are marked *

Next Post

జగన్, కేసీఆర్ నీటి ఒప్పందంపై.. డీకే అరుణ కీలక వ్యాఖ్యలు

Fri Jul 9 , 2021
కృష్ణా జలాలను నీవు తీసుకుపో... గోదావరి జలాలను నేను తీసుకుపోతా.. అన్నట్లు ఇద్దరు ముఖ్యమంత్రులు ఒప్పందం చేసుకున్నారని డీకే అరుణ ఆరోపించారు. తెలంగాణకు కేసీఆర్ ద్రోహం చేశారని మండిపడ్డారు.