‘దళిత బంధు ఎఫెక్ట్ : చావుడప్పు కొట్టేందుకు రావట్లేదు.. ఇదేంటి కేసీఆర్ గారు.!’

దళిత బంధు పథకంపై శ్మశానంలో చితి ముందు నిల్చుని ఓ వ్యక్తి చేసిన వ్యాఖ్యలు దుమారం రేపుతున్నాయి. చావుడప్పు కొట్టేందుకు ఎవరూ రావడం లేదని.. కేసీఆర్ మాకు పది లక్షలు ఇస్తాండని చెబుతున్నారని చెబుతున్న వీడియో వైరల్‌గా మారింది.

దళిత బంధు పథకంతో తెలంగాణ రాజకీయం ఒక్కసారిగా మారిపోయింది. కేసీఆర్ కొత్త పథకం విపక్షాలకు ముచ్చెమటలు పట్టించింది. కేసీఆర్ ఇచ్చిన షాక్ నుంచి ఇప్పుడిప్పుడే ప్రత్యర్థులు తేరుకుంటున్నారు. దళిత బంధు ఇవ్వాల్సిందేనని.. రాష్ట్రవ్యాప్తంగా అందరికీ ఇవ్వాలంటూ పార్టీలు కొత్త పల్లవి అందుకున్నాయి. పనిలో పనిగా గిరిజన బంధు, బీసీ బంధు, కొత్తగా గల్ఫ్ బంధు కూడా పెట్టాలని డిమాండ్లు వస్తున్నాయి. సీఎం కేసీఆర్ సైతం వెనకబడిన వర్గాలన్నింటి కోసం క్రమంగా అన్ని బంధులు తీసుకొస్తామని చెప్పేశారు కూడా.

అంతవరకు బాగానే ఉన్నా దళిత బంధుతో తనకు పెద్ద చిక్కొచ్చి పడిందంటూ ఓ వ్యక్తి తీసుకున్న సెల్ఫీ వీడియో వైరల్‌గా మారింది. శ్మశానంలో చితి ముందు తీసిన ఆ వీడియో సోషల్ మీడియాలో చక్కర్లు కొడుతోంది. తన అక్క చనిపోయిందని.. అంత్యక్రియల కోసం ఎస్సీ కులపెద్దలను సంప్రదించి చావుడప్పులు, కాల్చేందుకు కట్టెల కోసం మాట్లాడుకున్నామని చెప్పాడా వ్యక్తి. ఆరు చప్పుళ్ల కోసం రూ.6,500, కట్టెలు తదితర ఖర్చుల కోసం మరో రూ.4,500లకు మాట్లాడుకున్నామని చెప్పాడు. అయితే ఆరుగురు వస్తామని చెప్పి ముగ్గురే వచ్చారని.. అదేంటని అడిగితే దౌర్జన్యానికి దిగారని వాపోయాడు.

మాకు కేసీఆర్ దళిత బంధు కింద పది లక్షలు ఇస్తాండు. ఎవడికి చెప్పుకుంటావో చెప్పుకోపో అంటూ దౌర్జన్యానికి దిగారని ఆ వ్యక్తి ఆరోపించాడు. కాష్టం పేర్చేందుకు కూడా ఎవరూ రాలేదని.. మూడే మొద్దులు తెచ్చారని అన్నాడు. ఇదేంటి కేసీఆర్ సారు.. దళిత బంధు ఎవరికి ఇస్తున్నరో.. ఎందుకు ఇస్తున్నరో చూసుకుని ఇవ్వాలంటూ అతను చేసిన వ్యాఖ్యలు హాట్‌టాపిక్‌గా మారాయి. శ్మశానంలో చితి ముందు నిల్చుని తీసుకున్న సెల్ఫీ వీడియో సోషల్ మీడియాలో వైరల్‌గా మారింది. అయితే అతనెవరు? ఎక్కడ జరిగిందనే విషయాలు తెలియరాలేదు. ఈ ఘటనపై దళిత సంఘాలు తీవ్ర ఆగ్రహం వ్యక్తం చేస్తున్నాయి.

Also Read:‘మసీదు’పై బీజేపీ జెండా.. బండి సంజయ్ ఫ్లెక్సీతో హైటెన్షన్, రంగంలోకి పోలీసులు

Leave a Reply

Your email address will not be published. Required fields are marked *

Next Post

IND vs ENG: లీడ్స్ టెస్టులో పరువు నిలిపిన పుజారా.. మూడో రోజు భారత్‌దే

Fri Aug 27 , 2021
లీడ్స్ టెస్టులో తొలి రెండు రోజులు నిరాశపరిచిన భారత్ జట్టు.. మూడో రోజైన శుక్రవారం పూర్తి స్థాయిలో ఆధిపత్యం చెలాయించింది. రోహిత్ శర్మ, విరాట్ కోహ్లీ కంటే దూకుడుగా ఆడేసిన పుజారా..