Cristiano Ronaldo దెబ్బకి కోకకోలాకి రూ.29,000 కోట్లు నష్టం

హంగేరీతో మ్యాచ్‌కి ముందు మీడియా సమావేశానికి వచ్చిన రొనాల్డో తన ముందు టేబుల్‌పై ఉంచిన రెండు చిన్న కోకకోలా బాటిళ్లని అసహనంగా తీసి పక్కన పెట్టాడు. ఆ తర్వాత అతను చేసిన సూచనకి..?

ప్రధానాంశాలు:కోకకోలా బాటిళ్లని జస్ట్ అలా పక్కకి జరిపేసిన రొనాల్డో20 సెకన్ల వీడియో వైరల్.. కోకకోలాకి రూ.29వేల కోట్లు నష్టంకూల్‌డ్రింక్స్‌కి బదులుగా మంచినీళ్లు తాగాలని రొనాల్డ్ సూచనఅతి జాగ్రత్తగా స్పందించిన కోకకోలా కంపెనీ పోర్చుగల్ ఫుట్‌బాల్ సూపర్ స్టార్ క్రిస్టియానో రొనాల్డ్ చేసిన చిన్న పనికి కోకకోలా కంపెనీకి రూ.29వేల కోట్ల నష్టం వాటిల్లింది. యూరో కప్‌లో ప్రస్తుతం ఆడుతున్న క్రిస్టియానో రొనాల్డ్.. హంగేరీతో మ్యాచ్‌కి ముందు మీడియా సమావేశానికి వచ్చాడు. ఆ సమయంలో తన ముందు టేబుల్‌పై ఉన్న రెండు కోకకాలా చిన్న బాటిళ్లని పక్కనపెట్టి.. వాటర్ బాటిల్‌ని చూపిస్తూ మంచినీళ్లు తాగండి అని సలహా ఇచ్చాడు. దాంతో రోజు వ్యవధిలోనే కోకకోలా షేర్ వాల్యూ పడిపోయింది.

హంగేరీతో మ్యాచ్‌లో రెండు గోల్స్ చేసిన క్రిస్టియానో రొనాల్డ్ 3-0తో పోర్చుగల్ టీమ్‌ని గెలిపించాడు. వాస్తవానికి కోకకోలా యూరో కప్ అఫిషియల్ స్ఫాన్సర్లలో ఒకటి. దాంతో.. మీడియా సమావేశంలో ఆ బాటిల్స్‌ని కంపెనీ వాళ్లు ప్రచారం కోసం పెట్టారు. కానీ.. క్రిస్టియానో రొనాల్డ్ వాటిని తాగొద్దు అనేలా పక్కనపెట్టడంతో.. స్టాక్ మార్కెట్‌లో కోకకోలా షేర్ వాల్యూ 56.10 డాలర్ల నుంచి 55.22 డాలర్లకి పడిపోయింది. దాంతో.. ఆ కంపెనీ సంపద రూ.29,000 కోట్లు ఆవిరైంది.

క్రిస్టియానో రొనాల్డ్‌కి భారీ ఫాలోయింగ్ ఉంది. దాంతో.. కోకకోలా కూడా అతి జాగ్రత్తగా అతని సూచనలపై స్పందించింది. ‘‘ప్రతి ఒక్కరికీ వేర్వేరు అవసరాలు, రుచులు ఉంటాయి. వారు తమకి నచ్చింది తాగడానికి ఇష్టపడతారు’’ అని ఓ ప్రకటనని విడుదల చేసింది. ఫిట్‌నెస్‌కి అధిక ప్రాధాన్యత ఇచ్చే క్రిస్టియానో రొనాల్డ్ కూల్‌డ్రింక్స్‌కి దూరంగా ఉంటాడు.

Leave a Reply

Your email address will not be published. Required fields are marked *

Next Post

Microsoft సత్యనాదెళ్ల మరో ఘనత.. మైక్రోసాఫ్ట్ ఛైర్మన్‌గా బాధ్యతలు

Thu Jun 17 , 2021
టెక్ దిగ్గజం మైక్రోసాఫ్ట్‌కు సీఈఓగా ఏడేళ్ల కిందట ఓ భారతీయుడు అందులోనూ తెలుగు వ్యక్తి సత్య నాదెళ్ల బాధ్యతలు చేపట్టి ప్రపంచం దృష్టిని తనవైపునకు తిప్పుకున్నారు.